Pakɔsje 148:8 - Maktub gə́ To gə Kəmee

⁸ Pər gə ndi kwɔji ləm, kwɔji gə mumje ləm, Lelje gə́ d’ula mbḭ-mbḭ gə́ ra torndia ləm,

Pakɔsje 148:8 ပူးပေါင်းရင်းမြစ်များ

Gḭ-Néje 19:24

Ndá Njesigənea̰ ar pər gə kṵji pər gə́ kas ḭ dara rɔ Njesigənea̰’g ɓugu dɔ Sɔdɔm gə Gɔmɔr’g tɔ.

Maktub gə́ wɔji dɔ Jɔb 37:12

Deḛ taa tor na̰ ɓəd-ɓəd gə goo rəw gə́ yeḛ wɔji ar dee Mba kar dee ra néje lai gə́ yeḛ un ndia dɔ’g karee aw lée’g béréré Dɔ naŋg nee gə́ dəwje d’isi keneŋ lé.

Pakɔsje 103:20

Seḭ kuraje ləa gə́ dara gə́ siŋga sí to kɔgərɔ-kɔgərɔ ləm, Seḭ gə́ raje torndiaje Ilaje ne koji dɔ tapea’g ləm tɔ lé Undaje no̰ dɔkaisəgərə lə Njesigənea̰.

Pakɔsje 18:12

Loo gə́ ndul ndiŋ-ndiŋ lé to loo-kwa-rɔ ləa ləm, To kəi-kubu ləa gə́ ra gugu ne dəa sub ləm tɔ. Man gə́ ndul konono ləm, gə kil-lə-ndi gə́ ndul ndiŋ-ndiŋ ləm tɔ lé Dolè ne rəa yul ya tɔ.

Teḛ-Raga 10:13

Moyis ula kag-tɔs ləa ndiŋ dɔ ɓee gə́ Ejiptə’g, mee ndəa’g neelé Njesigənea̰ ar lel ḭ bər ula dɔ ɓee gə́ Ejiptə’g dan kàrá gə loondul’g tɔ. Loo gə́ loo àr ndá lel gə́ ḭ bər lé ree gə beedéje.

Teḛ-Raga 10:19

Yen ŋga Njesigənea̰ ar lel-boo ḭ dɔ-gó ula gə siŋga ɔr beedéje neelé ɓugu dee dan baa-boo gə́ ria lə baa-boo gə́ Kas, mee ɓee gə́ Ejiptə lai lé beedéje kára kara nai keneŋ el.

Teḛ-Raga 14:21

Moyis ula jia ndiŋ dɔ mán baa-boo’g. Ndá Njesigənea̰ ar lel-boo ḭ bər ula gigigi-gigigi loondul’g ya saar ar loo àr ndá ɔs ne mán baa-boo gə́ gogo, yeḛ ar rəw-kaw dee gə́ dan baa-boo’g neelé tudu kurum-kurum mbata mán lé kai rəa dana.

Esai 66:16

Pər ɓa Njesigənea̰ gaŋg ne rəw-taje ləa ləm, Kiambas ləa ɓa yeḛ ar bo̰ néra dəwje ɔs ne ta dee’g ləm tɔ. Deḛ gə́ Njesigənea̰ a tɔl dee lé D’a bula digi-digi.

Ləbije 10:2

Togə́bè ɓa pər ḭ no̰ Njesigənea̰’g roo dee ar dee d’wəi ne no̰ Njesigənea̰’g tɔ.

Amɔs 4:13

Mbata aa ooje, yeḛ gə́ to njera mbalje ləm, Gə njekunda lel ləm, Yeḛ gə́ riba dɔ takə̰ji ləa ar dəw gər ləm, Yeḛ gə́ ar loo gə́ kàr uba lé Tel to loondul ləma, Yeḛ gə́ njaa sém looje’d gə́ tar lə naŋg nee ləm tɔ lé Ria ɓa to Njesigənea̰, Ala gə́ njeboo-néje ya.

Amɔs 7:4

Némḭdi gə́ raŋg gə́ Mbaidɔmbaije gə́ Njesigənea̰ tɔjim am m’oo ɓa nee. Aa ooje, Mbaidɔmbaije gə́ Njesigənea̰ ila mber ta lə pər gə́ a kar bo̰ néra dee ɔs ta dee’g lé. Pər neelé roo bwa-wəl mán ləm, gə dɔ naŋg ləm tɔ.

Junas 1:4

Nɛ Njesigənea̰ ar lel-boo ḭ gigigi dɔ baa-boo’g ndá lel-boo neelé ula mbḭ-mbḭ tɔ. Nai lam bèe mba kar bato lé tuji mán ya.

Junas 1:5

Njébatoje neelé ɓəl yaa̰ ar nana kara no̰ ɓar magə ləa-ləa ya, tɔɓəi deḛ d’odo néje gə́ mee bato’g lé d’ɔm dan mán baa-boo’g ɓa gə mba kya̰ bato lé karee wɔilɔ pélé. Nɛ Junas lé uru mee bato gə́ bər to keneŋ ar ɓi tɔlee pərəg tɔ.

Bula lə Israɛlje 16:35

Pər ḭ rɔ Njesigənea̰’g roo dəwje tɔl-joo gə dɔ dee rɔ-mi (250), to deḛ gə́ tuu né gə́ ə̰də sululu lé ya.

Jujé 10:11

Loo gə́ d’isi d’aḭ no̰ Israɛlje’g teḛ ne loo-suru-ɗum’g lə ɓee gə́ Bet-Oron ndá Njesigənea̰ tila dee gə kwɔjije gə́ boi-boi gə́ d’ḭ dara saar ndá deḛ d’wəi ne lai ya mee ɓee gə́ Ajeka, deḛ gə́ d’wəi yoo-kwɔji lé bula d’unda deḛ gə́ Israɛlje tɔl dee gə kiambas tɔ.

Loo gə́ killa rea kəm Ja̰’g 16:21

Ndi kwɔji gə́ ər ɓai-ɓai kara ḭ dara toso dɔ dəwje’g. Kwɔji kára ndá wɔi asəna gə nékwɔji kwɔi-lə-né rɔ-sɔ-sɔ, ar dəwje d’ila ne ndɔl dɔ Ala’g mbata ndi kwɔji neelé gə́ to tuji-boo lé.