Pakɔsje 148:4 - Maktub gə́ To gə Kəmee

⁴ Seḭ dara gə́ dɔ na̰’d na̰’d lé pideeje, Seḭ manje gə́ toje dɔ dara gə́ tar lé pideeje.

Pakɔsje 148:4 ပူးပေါင်းရင်းမြစ်များ

Gḭ-Néje 1:6

Ala pana: Maji kar pən-loo to tag mbuna manje’g gə mba kai manje ɓəd-ɓəd.

Gḭ-Néje 1:7

Bèe ɓa Ala ar pən-loo to keneŋ ya, mba kai manje gə́ to gel pən-loo gə́ neelé ləm, gə manje gə́ to dɔ pən-loo gə́ tar lé ləm tɔ. Ndá to lée’g bèe ya tɔ.

Gḭ-Néje 7:11

Mee ndəa gə́ ləb Noe aḭ tɔl misa̰ (600) mee naḭ gə́ njekɔm’g joo, gə ndɔ dɔg-giree-siri lé mán bélm ḭ bwa gə́ naŋg teḛ budu-budu ləm, kəm dara ɔr wuyum gə mán ləm tɔ.

1 Mbaije 8:27

Nɛ see Ala a si dɔ naŋg nee tɔgərɔ ya wa. Aa oo, dara gə́ to dɔ na̰’d dɔ na̰’d lé kara d’asi el nɛ ɓəd ɓa see kəi gə́ m’ra m’ari nee ɓa a k’asi ɓəi wa.

2 Sôrta Gḭka Israɛlje 2:5

Nɛ see na̰ ɓa siŋgá askəm ra kəi karee wa, mbata dara gə́ tad rəg-rəg kara asee el, nɛ ɓəd ɓa see ma nee ya m’a ra kəi karee wa. Kəi gə́ m’a gə ra lé a to gə mba tuu né gə́ ə̰də sululu ɓa keneŋ karee ya.

Nehemi 9:6

I nja ɓa to Njesigənea̰, i nja kára ba kiao, I to njekunda dara gə dara gə́ to dɔ na̰’d dɔ na̰’d ləm, Gə boo-nékundaje gə́ to keneŋ ləm, Gə naŋg gə néje lai gə́ to keneŋ ləma, Gə baa-boo-kad gə néje lai gə́ to keneŋ ləm tɔ. I nja ɓa ar néje lai neelé d’aw kəmba ləm, Ar boo-nékundaje gə́ dara d’unda barmba nɔḭ’g ləm tɔ.

Pakɔsje 104:3

Yeḛ ra loo-siée dɔ manje gə́ tar ləm, Yeḛ ar kil-lə-ndi to gə́ pusu-rɔ ləa ləma, Yeḛ aḭ ŋgwɔd dɔ bag lel’g lé ləm tɔ.

Pakɔsje 113:6

Yeḛ aa loo gərərə Oo ne néje mee dara’g gə dɔ naŋg nee.

Pakɔsje 68:33

Seḭ gə́ síje mee ɓeeko̰je gə́ dɔ naŋg neelé Ɔsje pa arje Ala ləm, Ilaje riɓar dɔ Mbaidɔmbaije’g lé ləm tɔ.

Pakɔsje 69:35

Maji kar naŋg gə dara gə baa-boo-kadje Gə néje lai gə́ to keneŋ lé d’ɔs gajee!

2 Njé gə́ Kɔrḭtə 12:2

Ma m’gər diŋgam kára gə́ ɔm na̰’d gə Kristi lé ndá mee ləb dɔg-giree-sɔ gə́ dəs lé né unee ŋgə̰dərə uru səa mee dara gə́ njekɔm’g munda lé. Ɓó lé gə darəa bura əsé darəa nai naŋg ŋga ndilee ɓa teḛ aw ɓəi, yee ɓa, ma m’gər bèe el, Ala nja ɓa gər.

Tel tura Godndu 10:14

Aa ooje, Ala lə sí gə́ Njesigənea̰ lé ɓa dara gə́ to dɔ na̰’d dɔ na̰’d lé to kea̰ ləm, gə naŋg nee gə néje lai gə́ to keneŋ to kea̰ ləm tɔ.