Pakɔsje 147:11 - Maktub gə́ To gə Kəmee

¹¹ Njesigənea̰ lé unda deḛ gə́ ɓəlee Deḛ gə́ d’unda meḛ dee yel gə́ dɔ meemaji’g ləa lé dan kəmee’g.

Pakɔsje 147:11 ပူးပေါင်းရင်းမြစ်များ

Pakɔsje 33:18

Aa ooje, kəm Njesigənea̰ lé To dɔ deḛ gə́ ɓəlee’g Gə́ d’unda meḛ dee yel dɔ meemaji’g ləa

Soponi 3:17

Njesigənea̰, Ala lə sí si mbuna sí’g Yeḛ to bao-rɔ gə́ to njekaji sí, Yeḛ a kar sí toje nérɔlel ləa gə́ boo, Yeḛ a kila təa maree’g gə goo meenoji ləa, Yeḛ a kal rəa gə boo-rɔkal mbata lə sí tɔ.

Pakɔsje 149:4

Mbata Njesigənea̰ ar rəa lelee dɔ dəwje’g ləa, Njénékəmndooje lé yeḛ aji dee ula ne rɔnduba dɔ dee’g tɔ.

Esai 62:4

D’a ɓari yeḛ gə́ d’ubá d’yá̰ el ŋga ləm, D’a ɓar dɔ naŋg ɓee ləi dɔnduba el ŋga ləm tɔ. Nɛ d’a ɓari yeḛ gə́ m’iŋga rɔlel rəa’g ləm, D’a ɓar dɔ naŋg ləi asəna gə dené gə́ njeŋgao ləm tɔ. Mbata Njesigənea̰ iŋga rɔlel rɔi’g ləm, Dɔ naŋg ləi iŋga ŋgabeeje ləm tɔ.

Pakɔsje 33:22

Njesigənea̰, maji kar noji ləi nai sə sí Mbata jeḛ j’unda meḛ sí yel gə́ dɔi-i’g ya.

Pakɔsje 35:27

Deḛ lai gə́ d’al rɔ dee mbata ta wa dɔm el lé Maji kar dee d’iŋga rɔlel gə boo-rɔkal ləm, Maji kar dee pa lal kila ta dee naŋg pana: Maji kula rɔnduba dɔ Njesigənea̰’d Gə́ ndigi kar kura ləa si dan meelɔm’g lé.

Gosota-Kəmkàrje 31:30

Ra meemaji mba taa ne kəm dəw lé To né su kəm loo ləm, Ma̰də gə́ darɔ’g lé kara To né gə́ a dəs ɓəi ləm tɔ, Nɛ dené gə́ ɓəl Njesigənea̰ ɓa d’a pidee.

Gosota-Kəmkàrje 11:20

Deḛ gə́ meḛ dee to kori-kori lé To kḛji kəm Njesigənea̰’g, Nɛ deḛ gə́ rəw-kaw dee to gə goo rəbee lé Taa kəmee rəgm.

1 Piɛrə 1:17

Yeḛ gə́ ɔr kəm ta lə nana kara gə goo kula rəa ɓó ɔr kəm dəw el lé ɓó lé seḭ ɓareeje Bɔ síje ndá njaaje gə meekaarkərm loo gə́ seḭ naije gə mbáje dɔ naŋg nee ɓəi.

1 Piɛrə 1:13

Gelee gə́ nee ɓa maji kar sí ɔmje mina̰ wur sí’g go̰je ne loo soo-soo undaje meḛ sí yel ŋginaje ne noji gə́ d’a gə kwa sə sí ndɔ gə́ Jeju Kristi a kila rəa gə́ raga.

1 Piɛrə 3:4

nɛ saŋgje né gə́ ka̰ ma̰də gə́ meḛ sí’g gə́ ula rəa meḛ sí’g kəi njuma̰ gə́ wɔji dɔ meenda kɔr jol-jol ləm, gə kaw yururu ləm tɔ yee ɓa gə́ né gə́ gadee dum ndogo no̰ Ala’g ya.

Bula lə Israɛlje 14:8

Ɓó lé mee Njesigənea̰ lelee dɔ sí’g ndá yeḛ a teḛ sə sí mee ɓee’g neelé ləm, yeḛ a karee to ka̰ sí ləm tɔ: to ɓee gə́ mbà gə ubu tə̰ji to keneŋ yaa̰.