Pakɔsje 146:6 - Maktub gə́ To gə Kəmee

⁶ Yeḛ nja unda dara gə naŋg nee ləm, Gə baa-boo-kad gə néje lai gə́ to keneŋ lé ləm tɔ, Yeḛ aar njaŋg dɔ kankəmta’g saar gə no̰.

Pakɔsje 146:6 ပူးပေါင်းရင်းမြစ်များ

Gḭ-Néje 1:1

Kédé gə́ dɔtar lé, Ala unda dara gə naŋg nee tɔ.

Pakɔsje 100:5

Mbata Njesigənea̰ lé to gə́ njemaji dum, Meemaji ləa to saar-saar gə no̰, Meenda londoŋ ləa lé ḭ dɔ maree’d gə́ kédé-kédé Mbata lə ŋgaka dəwje-dəwje.

Pakɔsje 115:15

Maji kar Njesigənea̰ tɔr ndia dɔ sí’g ya, Yeḛ nja ra dara gə naŋg nee tɔ.

Pakɔsje 117:2

Mbata meemaji ləa gə́ wɔji dɔ sí lé To né gə́ boo ya ləm, Meenda ləa kara To saar-saar gə no̰ ya ləm tɔ. Pidije Njesigənea̰.

Pakɔsje 33:6

Ta gə́ teḛ ta Njesigənea̰’g lé Yeḛ unda ne dara ləm, Kṵji təa gə́ tó ne loo pu lé Yeḛ unda ne boo-néje gə́ mee dara’g ya ləm tɔ.

Pakɔsje 89:2

Ndɔje kára-kára lai m’a kɔs pa Kɔr ne sor némeemajije lə Njesigənea̰, Tam a teḛ ja̰-ja̰ kar dəwje Gər ne meenda londoŋ ləi saar gə no̰ ya.

Pakɔsje 89:33

N’a kunda dee gə ndəi-kɔb mbata kalta lə dee ləm, N’a kar dee d’oo ko̰ néra kori-korije lə dee ləm tɔ.

Pakɔsje 95:5

Baa-boo-kad lé to gə́ kea̰-yeḛ nja Mbata yeḛ nja ɓa ra ləm, Naŋg lé kara jia-yeḛ nja ɓa unda ləm tɔ.

Pakɔsje 98:3

Yeḛ ar mée olé dɔ meemaji’g ləa gə dɔ meenda londoŋ’g ləa Gə́ wɔji dɔ gel-bɔje lə Israɛlje ləm, Kaji gə́ Ala lə sí aji sí ne lé D’oo gə loo lai-lai d’ɔr rudu naŋg nee njal ləm tɔ.

Teḛ-Raga 20:11

Mbata mee ndɔje gə́ misa̰ lé Njesigənea̰ unda dara gə naŋg gə baa-boo-kad gə néje lai gə́ to keneŋ lé ndá ndɔ gə́ njekɔm’g siri lé yeḛ wa rəa keneŋ, gelee gə́ nee ɓa Njesigənea̰ tɔr ne ndia dɔ ndɔ-kwa-rɔ’g ləm, undá ne gə kəmee ləm tɔ.

Jeremi 32:17

Ǝi Mbaidɔmbaije gə́ Njesigənea̰, aa oo, i ra dara gə naŋg nee gə boo-siŋgamoŋ ləi ləm, gə goo jii gə́ un loo lad-lad ləm tɔ. Né kára kara gə́ njedumi godo.

Loo gə́ killa rea kəm Daniel’g 9:4

Ma m’ra tamaji ta Njesigənea̰ Ala’g ləm, tɔɓəi m’tɔr ndum m’aree togə́bè m’pana: Ǝi Mbaidɔmbaije, Ala gə́ boo gə́ to ɓəl kədm-kədm lé, i gə́ aa dɔ manrɔ ləi kər-kər ləm, oo ne kəmtondoo lə deḛ gə́ d’undai dan kəm dee’g d’aa ne dɔ godnduije kər-kər ləm tɔ!

Misee 7:20

I a riba dɔ meenda londoŋ ləi kar Jakob ləm Gə dɔ meenoji ləi kar Abrakam ləm tɔ To gə́ i man ne rɔi ar bɔ síje-je kédé gə́ ləw lé ya tɔ.

Tagə́maji gə́ Ja̰ ndang 1:3

Yeḛ ɓa unda néje lai-lai, né gə́ rara kara yeḛ ɓa to njerea.

Tagə́maji gə́ Ja̰ ndang 10:34

Jeju ila dee’g pana: See ta neelé deḛ ndaŋg mee maktub godndu’g lə sí el wa. Ma m’pana: Seḭ toje gə́ gar-Alaje.

Néra Njékaḭkulaje 14:15

Deḛ pata tɔg pir pana: Seḭ dəwje lé see ban ɓa seḭ raje ne né bèe wa. Jeḛ lé jeḛ n’to gə́ dəwje to gə́ seḭ nja tɔ. Jeḛ j’ula sí tagə́maji gə mba kar sí ya̰je ne goo magəje gə́ gə mḭdé ba nee mba telje rɔ sí goo Ala gə́ njesikəmba’g lé. Yeḛ nja ɓa gə́ njekunda dara gə naŋg nee gə baa-boo-kad gə néje lai gə́ to keneŋ.

Tel tura Godndu 7:9

Bèe ndá maji kar sí gərje gao to gə́ Ala lə sí gə́ Njesigənea̰ lé yeḛ nja to Ala gə́ gəd ya. Ginka dəwje gə́ d’undá dan kəm dee’g d’aa ne dɔ ndukunje ləa kər-kər lé, yeḛ to Ala gə́ aar njaŋg dɔ manrɔ’g ləa ləm oo kəmtondoo lə dee ləm tɔ saar loo tɔl-dɔg (1.000) ya.

Njé gə́ Kolosə 1:16

Mbɔl dəa ɓa Ala unda ne boo-néje lai gə́ dara gə naŋg nee lé néje gə́ askəm koo gə néje gə́ dumkoo ləm, kalimbaije ləm, gə mo̰ɓeje ləm, gə dəw-dɔ-looje ləma, gə njéko̰ɓeeje ləm tɔ. Yeḛ nja ɓa gə́ njekunda deḛ lai gə mba kar dee to kea̰ yeḛ nja doŋgɔ doi.

Titə 1:2

Deḛ neelé d’ar meḛ dee to ne yel dɔ kəmə gə́ gə no̰ gə́ Ala gə́ njepa taŋgɔm el lé un ne ndia mba kar dee par-par ɓad ɓa d’un kudu tura ləb dee ɓəi.

Ǝbrəje 6:18

mba kar mbɔl dɔ ndu gə́ gel joo gə́ to njaŋg gə́ Ala a koo loo mba pəl ta dɔ’g el lé ɓa jeḛ nja j’iŋga ta gə́ ula diŋgam meḛ sí’g jugugu-jugugu ləm, jeḛ n’taa ta neelé sagm j’unda ne meḛ sí yel dɔ’g ləm tɔ ndá j’uru ne njo̰loo’g pḛ́ tɔ.

Loo gə́ killa rea kəm Ja̰’g 14:7

Yeḛ pata gə ndia gə́ boi wəl pana: Ɓəlje Ala, ulaje rɔnduba dəa’g mbata kàr gaŋgta ləa teḛ mba̰. Yeḛ gə́ unda dara gə naŋg nee ləm, gə baa-boo-kad gə ŋgira manje lai ləm tɔ lé maji kar sí wáje meḛ sí’g ya.