Pakɔsje 146:3 - Maktub gə́ To gə Kəmee

³ Maji kar sí ɔmje meḛ sí dɔ dəwje gə́ boo’g el ləm, Gə dɔ dəwje gə́ d’askəm kaji sí’g el lé ləm tɔ.

Pakɔsje 146:3 ပူးပေါင်းရင်းမြစ်များ

2 Mbaije 6:27

Yeḛ ilá keneŋ pana: Ɓó lé Njesigənea̰ la səi el ndá see ɗi ɓa m’a ra gə mba la ne səi wa. See m’a la səi gə kandə kó gə́ ḭ loo-kunda’g əsé mán-nduú gə́ ḭ loo-mbula’g wa.

2 Sôrta Gḭka Israɛlje 16:7

Mee ndəa’g neelé Hanani, njekoota-mee-Ala’g aw rɔ Asa, mbai gə́ Juda’g ulá pana: Mbata i nam kaar mbai gə́ Siri’g ɓa ɓó i nam kaar Njesigənea̰, Ala’g lé ləi el ndá gelee gə́ nee ɓa njérɔje lə mbai gə́ Siri teḛ ne jii’g d’aḭ ne gə mbəa.

Pakɔsje 108:12

Ǝi Ala, see to i nja ɓa ɔs sí ŋgərəŋ ləm, I teḛ aw gə bao-rɔje lə sí na̰’d el ləm tɔ lé el wa.

Pakɔsje 60:11

See na̰ ɓa a danm kaw səm mee ɓee-boo Gə́ d’ila ndògo-bɔrɔ gugu ne dəa sub lé wa. See na̰ ɓa a kɔr nɔm kaw səm Edɔm lé ɓəi wa.

Pakɔsje 62:9

Seḭ koso-dəwje lé kàr gə́ rara kara Maji kar sí ɔmje meḛ sí dəa’g, Tegje ginta gə́ to meḛ sí’g areeje! Mbata Ala to njo̰loo-kula-dɔ lə sí ya.

Esai 2:22

Ǝwje rɔ sí kɔmje meḛ sí dɔ dəw’g, Ndu kəmə gə́ kára ba to rəw əmee’g Mbata yeḛ lé to gə́ ɗi ɓa i a kɔm məəi dəa’g wa.

Esai 22:25

Njesigənea̰ gə́ njeboo-néje lé pana: Mee ndəa’g neelé kag-ŋgaolar gə́ ɓəree loo gə́ kədərə’g lé d’a kɔr ləm, d’a kunda təd karee oso naŋg ləma, nékodo gə́ wɔiee lé a tuji ləm tɔ mbata Njesigənea̰ ɓa pa bèe.

Esai 31:3

Ejiptəje lé to dəwje ɓó to Ala el, Kundaje lə dee to gə́ kundaje ba ɓó to néje gə́ raŋg el. Loo gə́ Njesigənea̰ a kun jia kula ndiŋ ndá Njékaḭ bada dɔ dee’gje lé d’a kunda ndolé ləm, Deḛ gə́ yeḛ aa dɔ dee lé d’a koso ləm tɔ Kar dee d’a kudu lai guduru.

Esai 37:6

Esai ula dee pana: Aa ooje, ta gə́ seḭ a kulaje ɓée síje lé ɓa nee: Njesigənea̰ pa togə́bè pana: Maji kari ɓəl dɔ taje gə́ i oo gə́ mbai gə́ Asiri ar kuraje ləa d’ula ne sul dɔ neḛ’g lé el.