Pakɔsje 145:9 - Maktub gə́ To gə Kəmee

⁹ Njesigənea̰ lé ra maji gə dəwje lai ya, Meekaw taḭ-taḭ ləa lé wɔji dɔ néreaje lai ya ləm tɔ.

Pakɔsje 145:9 ပူးပေါင်းရင်းမြစ်များ

Gḭ-Néje 9:10

ma m’ar néje lai gə́ d’aw kəmba gə́ d’aar sə sí na̰’d ya: yelje ləm, gə nékulje ləma, gə daje lai gə́ dɔ naŋg nee ləm tɔ, deḛ lai gə́ d’unda loo mee kəi-kag’d teḛ lé, to deḛ gə́ d’aw dɔ naŋg nee ya.

Pakɔsje 100:5

Mbata Njesigənea̰ lé to gə́ njemaji dum, Meemaji ləa to saar-saar gə no̰, Meenda londoŋ ləa lé ḭ dɔ maree’d gə́ kédé-kédé Mbata lə ŋgaka dəwje-dəwje.

Pakɔsje 104:27

Daje lai-lai d’unda meḛ dee yel gə́ dɔi’g Gə mba kari ar dee nésɔ dee gə lée-lée ya.

Pakɔsje 25:8

Njesigənea̰ lé to njemeemaji gə njera nédanasur, Gelee gə́ nee ɓa yeḛ tɔji ne njékaiyaje rəw lé.

Pakɔsje 86:5

Mbaidɔmbaije, i to njemeemaji ləm, Gə njemeekoso lemsé ləm tɔ. Deḛ lai gə́ ɓar rii lé I unda dee dan kəmi’g.

Junas 4:11

Ŋga ma lé see m’a koo kəmtondoo lə Ninibə, ɓee-boo gə́ neelé el wa. Mbata koso-dəwje gə́ d’isi keneŋ lé d’a dum tɔl-dɔg-loo-tɔl gə dɔ dee rɔ-joo (120.000) gə́ gər dɔ jikɔl dee əsé dɔ jigel dee el ləm, nékulje gə́ keneŋ kara dum tura ləm tɔ.

Nahum 1:7

Njesigənea̰ to njemaji dum. Yeḛ to loo-kiya-rɔ pḛ́ ndɔ néurti’g. Deḛ gə́ d’ɔm meḛ dee dəa’g lé yeḛ aa dɔ dee kər-kər.

Matiyo 5:45

Yen ɓa seḭ a toje ne ŋgan Bɔ síje gə́ si dara lé, mbata yeḛ ar kàr ləa uba dɔ njémeeyèrje’g gə dɔ njémeemajije’g ləm, yeḛ ar ndi ər dɔ njéra né gə́ gə dɔ najee-je gə dɔ njéra né gə́ gə dɔ najee-elje ləm tɔ.

Néra Njékaḭkulaje 14:17

Nɛ yeḛ ɔr gin rəa gə́ kédé-kédé gə némeemajije ləa ɓó yeḛ əw el. Yeḛ ar sí mán ndi gə́ dara ləm, yeḛ ar naḭ kàr gə ɓar taa tor na̰ ləma, yeḛ ar kó lə sí unda gə mba kar sí síje ne dan nésɔ’g bèdèg kar meḛ sí ndá ne kaḭ ləm tɔ.

Néra Njékaḭkulaje 17:25

Ji dəw a koo loo ra né karee el mbata yeḛ aw ndòo né kára kara el tɔ. Yeḛ nja ɓa ar dəwje lai d’aw kəmba ləm, ar dee d’əmə ləma, ar dee néje lai gə́ deḛ d’aw ndòo dee ləm tɔ.