Pakɔsje 145:4 - Maktub gə́ To gə Kəmee

⁴ Maji kar ŋgaka dəwje-dəwje d’unda no̰ néraije d’ar na̰ ləm, Kar dee d’ila mber sor néraije gə́ tur dɔ loo lé ləm tɔ.

Pakɔsje 145:4 ပူးပေါင်းရင်းမြစ်များ

Este 9:28

Lé riri kara ndɔje gə́ joo neelé d’a kar meḛ dee olé dɔ dee’g ləm, d’a ra naḭ gə́ wɔji dɔ dee mbuna ginka deeje’d gə́ kédé-kédé ləm, gə mbuna njémeekəije’g lə dee kára kára lai ləm, gə mee dəb ɓeeko̰je’g kára kára lai ləma, gə mee ɓee-booje’g kára kára lai ləm tɔ. Yen ɓa ndɔje lə Purim lé lé riri kara a tuji mbuna Jibje’g nda̰ el ləm, meḛ dee a kwəi dɔ’g mbuna ginka deeje’g nda̰ el ləm tɔ.

Maktub gə́ wɔji dɔ Jɔb 8:10

Deḛ d’a ndooi né ləm, d’a kulai ta ləma, D’a kḭ gə ta dəji gə́ to meḛ dee’g mba riba dəa kari ləm tɔ pana:

Pakɔsje 71:18

Ǝi Ala, dan ɓuga’g ləm gə́ dɔm pudu ya kara Maji kar i ubam ya̰’m el Gə mba karm m’ila mber ta siŋgamoŋ tɔg mbaŋ ləi lé M’ar njéboakojije lə na̰ gə́ ɓasinè lé ləm, Gə njéboakojije lə na̰ gə́ d’a gə teḛ gə́ teḛ ɓəi lé ləm tɔ.

Esai 38:19

Yeḛ gə́ aw kəmba nja kára ba Yeḛ nja ɓa askəm pidii To gə́ m’ra ɓogənè bèe. Bɔ-ŋganje ar ŋganeeje gər ŋgonkoji ləi.

Tel tura Godndu 4:10

Arje meḛ sí olé dɔ ndɔ gə seḭ aarje no̰ Njesigənea̰ Ala’g le sí dɔ mbal’d gə́ Orɛb, loo gə́ Njesigənea̰ ulam ne pana: Maji kam mbo̰ koso-dewje rɔm’g. Neḛ ndigi kar dee d’oo taje le neḛ kar dee gər loo ɓəl neḛ gə mee ndɔje lai gə́ d’a si ne kəmba dɔ naŋg nee, Tɔɓəi gə mba kar dee ndo ŋgan deeje taree tɔ.

Tel tura Godndu 6:7

I a ndoo ŋganije taree ləm, i a pa taree loo gə́ i a gə to naŋg gə loo gə́ a gə kḭ tar ləm tɔ.