Pakɔsje 145:10 - Maktub gə́ To gə Kəmee

¹⁰ Ǝi Njesigənea̰, néraje ləi lai lé d’a kɔs ne gajii ləm, Majikojije ləi kara d’a kunda no̰ dɔkaisəgərə ləi ya ləm tɔ.

Pakɔsje 145:10 ပူးပေါင်းရင်းမြစ်များ

Pakɔsje 103:22

Seḭ kula reaje lai lé Undaje no̰ dɔkaisəgərə lə Njesigənea̰ Gə looje lai-lai gə́ yeḛ dum dɔ loo keneŋ. Ŋgaw məəm, maji kari unda no̰ dɔkaisəgərə lə Njesigənea̰!

Pakɔsje 104:24

Ǝi Njesigənea̰ kula raije lé bula yaa̰ ya. I ra dee lai-lai gə kəmkàree ya ləm, Némajije ləi lé kara Taa dɔ naŋg nee pəl-pəl ya ləm tɔ.

Pakɔsje 149:5

Maji kar majikojije d’un baŋga D’ula ne rɔnduba dəa’g ləm, Maji kar dee d’ɔs gajee loo-to dee’g ləm tɔ.

Pakɔsje 19:1

Pa lə Dabid gə́ ar bao-pa mba karee ɔs sə dee lé

Pakɔsje 22:23

M’a teḛ gə rii mbuna ŋgakɔmje’g ləm, M’a pidii loo-kwa-dɔ-na̰’g lə koso-dəwje ləm tɔ.

Pakɔsje 30:4

Njesigənea̰, i nja am m’unda loo m’teḛ dan njé gə́ d’wəi’g, I nja am m’tel m’isi kəmba əw gə deḛ gə́ d’uru mee bwa-dɔɓar’g lé.

Pakɔsje 30:5

Maji kar sí ɔsje pa arje Njesigənea̰, Seḭ gə́ ṵdáje dan kəm sí’g lé Maji kar sí ɔsje pa pidije ne meenda londoŋ ləa tɔ.

Pakɔsje 32:11

Seḭ njémeekarabasurje lé Maji kar sí alje rɔ sí gin Njesigənea̰’g ləm, Sije dan boo-rɔkal’g ləm tɔ! Seḭ lai gə́ meḛ sí to kára ba sur lé Ɔrje ndu sí gə́ tar gə rɔlel!

Pakɔsje 57:9

Ka̰kəmrɔm, maji kari ḭ dɔ ɓi’g, Kṵdu-kag ləm, gə kṵdu-ko̰dè ləm lé ḭje dɔ ɓi’g tɔ. Ma lé m’a tuga lookàr gə tina ya.

Pakɔsje 68:26

Deḛ gə́ to njékɔspaje ɓa d’aw gə́ ŋgaw ta dee kédé Ɓa deḛ gə́ to njékim-néje lé d’orè goo dee ɓəi, Deḛ njaa mbuna ŋgama̰dje’g Gə́ d’im dalè-bajḭgje.

Pakɔsje 69:35

Maji kar naŋg gə dara gə baa-boo-kadje Gə néje lai gə́ to keneŋ lé d’ɔs gajee!

Pakɔsje 97:12

Seḭ njémeekarabasurje lé Alje rɔ sí gin Njesigənea̰’g, Ilaje riɓar dəa’g gə pa pidije lə sí Mbata meenda londoŋ ləa.

Esai 44:23

Dara, al rɔi mbata Njesigənea̰ ra né, Kuruje lə naŋg, ɔrje ndu sí gə́ tar gə rɔkal! Seḭ mbalje, ndubaje rɔ sí gə ndu rɔlel! Seḭ kag-mee-kɔrje gə kagje lai gə́ to keneŋ lé alje rɔ sí to! Mbata Njesigənea̰ uga dɔ njé’g lə Jakob! Yeḛ riba dɔ rɔnduba ləa mbuna Israɛlje’g.

Ǝbrəje 13:15

Bèe ndá maji kar ta sí oji ta pidi Ala ta-ta, yee ɓa gə́ nékinjaməs gə́ j’un j’ar Ala mba kar ria ɓar ne.

1 Piɛrə 2:5

Seḭje kara toje asəna gə mbalje gə́ to kəmba gə́ d’odo sí rɔd sí dɔ na̰’g mba ra ne kankəm kəi gə́ ka̰ Ndil lé ləm, kar sí toje njékinjanéməsje gə́ d’unda sí gə kəmee mba kar sí unje nékinjaməs gə́ ka̰ ndil lé gə ri Jeju Kristi gə́ a taa kəm Ala rəgm lé ləm tɔ.

1 Piɛrə 2:9

Nɛ seḭ lé seḭ toje ginkoji dəwje gə́ Ala mbər sí ləm, seḭje toje njékinjanéməsje gə́ gin sí to gə́ mbai ləm, seḭ toje ginkoji dəwje gə́ toje gə kəmee ɓəd ləma, seḭ toje ka̰ Ala nja doŋgɔ doi ləm tɔ mba kar sí ilaje ne riɓar dɔ yeḛ gə́ ɔr sí dan loondul gə́ ndul njudu-njudu’g unda sí dan lookàr’g ləa gə́ àr raŋg-raŋg lé.