Pakɔsje 144:14 - Maktub gə́ To gə Kəmee

¹⁴ Ma̰də maŋgje lə sí d’oji na̰ gə́ kédé-kédé ləm, Tuji gə́ boo kára kara godo ləm, Njekawɓer gə́ kára kara godo ləma, Ndu no̰ gə́ bèe kara ɓar mbuna rəwje’g lə sí el ləm tɔ.

Pakɔsje 144:14 ပူးပေါင်းရင်းမြစ်များ

Maktub gə́ wɔji dɔ Jɔb 39:11

See i a kɔm məəi dəa’g mbata siŋgá gə́ to yaa̰ wa. See i a kyá̰ karee ra kula ləi gə dɔrea wa.

Esai 24:11

Deḛ no̰ gə kii wəl-wəl kila-rəwje’g Mbata mán-nduú lal dee, Nérɔlelje lai godo ləm, Kalrɔ gə ŋgaŋ kogo godo mee ɓee’g ləm tɔ.

Esai 65:19

M’a kar Jerusalem to gə́ nékalrɔ ləm ləm, M’a kar koso-dəwje ləm tɔ gə́ nérɔlel ləm ləm tɔ, D’a koo ndu no̰ gə ndu kii keneŋ gogo el.

Jeremi 14:18

Ɓó lé neḛ n’teḛ n’aw mee wala’g ndá Aa oo, n’oo dəwje gə́ d’wəi yoo-kiambas. Ɓó lé n’andə mee ɓee-boo’g ndá Aa oo, n’oo dəwje gə́ ɓoo-boo Ula kəm dee ndòo. Njéteggintaje gə njékinjanéməsje D’ila mbir-mbir mee ɓee’g Lal gər loo gə́ d’a kaw gə́ keneŋ.

Jeremi 14:2

Judaje d’isi dan kwa-ndòo-yoo’g ləm, Ɓee-booje ləa d’unda ndolè ləm, D’isi dan meeko̰’g ləma, Deḛ tuji dee pugudu-pugudu ləm tɔ, Tɔɓəi ndu kii lə njé gə́ Jerusalem ɓar wəl.

Ləbije 26:6

M’a kar meekulɔm to mee ɓee’g ləm, dəw kára kara a jɔg sí dɔ ɓi’g lə sí el ləm tɔ, m’a kar daje gə́ majel godo mee ɓee’g ləm, dəw a dəs gə kiambas mee ɓee’g lə sí el ləm tɔ.

Tel tura Godndu 28:25

Njesigənea̰ a kar njéba̰je lə sí dum sí, seḭ a teḛje kawje gə mba rɔje sə dee gə rəw gə́ kára ba ndá seḭ a kaḭje no̰ dee’g gə rəwje siri, tɔɓəi seḭ a toje né rɔkul gə́ boo lə ɓeeko̰je lai gə́ dɔ naŋg nee.

Tel tura Godndu 28:7

Njesigənea̰ a kar sí unje baŋga dɔ njéba̰je’g lə sí gə́ d’a kḭ gə mba rɔ sə sí, d’a kunda loo teḛ gə rəw gə́ kára ba mba rɔ sə sí nɛ d’a kaḭ no̰ sí’g gə rəwje siri.

Njéga̰g-Rəwtaje 5:8

Deḛ mbər magəje gə́ sigi: Togə́bè ɓa rɔ to ne tarəwkɔgje’g. D’iŋga dər əsé ko̰ niŋga Rɔ njérɔje gə́ Israɛl gə́ tɔl-dɔg-loo-rɔ-sɔ (40.000) lé el.

Njéga̰g-Rəwtaje 6:3

Loo gə́ Israɛlje dubu né mba̰ ndá Madianje, gə Amalekje, gə njé gə́ Bər d’ḭ d’ɔm na̰’d d’aw rɔ sə dee.

Njéga̰g-Rəwtaje 6:6

Israɛlje d’isi dan boo-nékəmndoo’g mbata lə Madianje ndá Israɛlje no̰ wəl gə́ rɔ Njesigənea̰’g.

1 Samel 31:7

Israɛlje gə́ d’aar kel wəl-loo gə́ nee ləm, gə deḛ gə́ d’aar kel Jurdɛ̰’d gə́ nee ləm tɔ lé, loo gə́ d’oo to gə́ Israɛlje d’aḭ ləm, Sawul gə ŋganeeje d’wəi ləm tɔ ndá deḛ d’uba ɓee-booje lə dee d’ya̰ d’aḭ tɔ. Bèe ɓa Pilistije ɓa d’aw d’isi keneŋ tɔ.