Pakɔsje 143:5 - Maktub gə́ To gə Kəmee

⁵ M’ar məəm olé teḛ dɔ ndɔje gə́ kédé gə́ ləw lé ləm, M’la̰ji dɔ néraje’g ləi lai ləma, M’ə̰ji m’teḛ dɔ néje lai gə́ i ra gə jii ya ləm tɔ.

Pakɔsje 143:5 ပူးပေါင်းရင်းမြစ်များ

Gḭ-Néje 24:63

Ndɔ kára bèe kàrkemetag, Isaak aw mee ndɔ’g gə mba la̰ji ta mée’g. Yeḛ un kəmee gə́ tar aa loo ndá yeḛ oo jambalje gə́ d’aw ree.

Pakɔsje 111:4

Néreaje gə́ dumkoo lé Yeḛ ar meḛ sí olé dɔ’g ləm, Njesigənea̰ lé to njemeekoso lemsé ləm, Gə njekoo kəmtondoo ya ləm tɔ.

Pakɔsje 42:6

See gelee ban ɓa ŋgaw məəm təd mán Am m’tuma̰ ne ŋgururu-ŋgururu wa. Maji karm m’ɔm məəm dɔ Ala’g lé Mbata m’a gə pidee ya ɓəi: Yeḛ lé to gin kaji ləm ləm, gə Ala ləm ya ləm tɔ.

Misee 6:5

Ǝi seḭ dəwje ləm, arje meḛ sí olé dɔ né gə́ Balak, Mbai gə́ Moab wɔji gə mba ra ləm, Gə ta gə́ Balaam, ŋgolə Beɔr ilá keneŋ ləm tɔ. Arje meḛ sí olé dɔ né gə́ teḛ dɔ sí’g Un kudee ɓee gə́ Sitim saar teḛ ne Gilgal Gə mba kar sí gərje ne némajije gə́ Njesigənea̰ ra lé.