Pakɔsje 141:5 - Maktub gə́ To gə Kəmee

⁵ Ɓó lé dəw gə́ njera nédana undam ndá Ma m’oo gə́ né gə́ maji gə́ yeḛ ra səm ya, Ɓó lé yeḛ aar wɔjim kəmkàr kara To ubu ɓa yeḛ wa ne dɔm ləm tɔ, Ndá m’a kwa dɔm kɔr keneŋ el, Nɛ m’a kḭ gə tamaji ləm gɔl kára ɓəi Mba koma̰ ne gə némeeyèrje lə dee.

Pakɔsje 141:5 ပူးပေါင်းရင်းမြစ်များ

2 Sôrta Gḭka Israɛlje 25:16

Loo gə́ yeḛ aar pata bèe ɓəi ndá Amasia ulá pana: See jeḛ j’undai gə́ njekwɔji-takəmkar lə mbai wa. Ɔd tam’g! See gelee ban ɓa i ndigi kar dee tɔli wa. Njetegginta lé ɔd təa’g ndá pana: Ma m’gər gao Ala wɔji-kwɔji tujii mbata né gə́ i ra neelé ləm, mbata i ndigi koo takwɔji-kəmkàr ləm el ləm tɔ.

Pakɔsje 125:4

Njesigənea̰, maji kari ra meemaji Gə deḛ gə́ to njéra némajije ləm, Gə deḛ gə́ meḛ dee to danasur ləm tɔ.

Pakɔsje 23:5

I wa dɔ gɔl nésɔ unda nɔm’g Kəm njéba̰je’g ləm, I wa dɔm gə ubu ləm, Ŋgo-kai-ma̰ ləm lé Man rusu tub ləm tɔ.

Pakɔsje 51:18

Ɓó lé i ndigi kam m’inja nékinjanéməsje m’ari ndá M’a kinja kari ya, Nɛ nékinjanéməsje gə́ roo lé taa kəmi el.

Gosota-Kəmkàrje 12:1

Yeḛ gə́ ndigi kar dee d’wɔjee kəmkàr lé Ndigi gər gin né ya, Nɛ yeḛ gə́ ə̰ji ta gə́ pa səa bəḭ-bəḭ lé Yeḛ gər né el.

Gosota-Kəmkàrje 15:22

Lal mbo̰-dɔ-na̰ kwɔji rəw né lé ɓa Né gə́ d’wɔji-kwɔji ra lé teḛ ne kɔr el gə mbəa, Nɛ loo gə́ njékwɔji-takəmkàrje bula ndá Né gə́ d’wɔji-kwɔji ra lé teḛkɔr ya.

Gosota-Kəmkàrje 15:5

Mbə-dəw oo tandoo lə bɔbee gə́ né el, Nɛ dəw gə́ oo ta gə́ pa səa gə́ né lé Ra né unda ne kəmkàr dɔ rəa’g.

Gosota-Kəmkàrje 19:25

Unda njekula sul dɔ loo’g ndá Dəw gə́ négər na mée tas lé a tel to ne njekəmkàr, Ndaŋ dəw gə́ njenégər ndá A gər gin néje unda nje gə́ kédé.

Gosota-Kəmkàrje 25:12

Ta gə́ njekəmkàr pa ne gə dəw gə́ ur mbia oo ta lé To asəna gə mbaiŋgira larlɔr ləm, gə néma̰d gə́ ra gə larlɔr gə́ àr ŋgad-ŋgad bèe ləm tɔ.

Gosota-Kəmkàrje 6:23

Mbata godndu lé to gə́ pərndɔ ləm, Tandoo lé to lookàr ləma, Tandəji-kɔr gə mba gɔli ne lé To gə́ rəw gə́ ka̰ kəmə ləm tɔ.

Njekillamber 7:5

Kur mbi koo ta ndaŋg lə njekəmkàr lé Maji unda kur mbi koo pakɔs lə mbəje.

Ləbije 19:17

Seḭ a kwaje ŋgako̰ síje gə meḛ sí el, lé riri kara seḭ a ndaŋgje mar síje dɔ néra deeje’g, nɛ seḭ a karje ta kaiya wa dɔ sí gə mba dee el.

Matiyo 5:44

Nɛ ma nja m’ula sí, undaje njéba̰je lə sí dan kəm sí’g ləm, tɔrje ndu sí dɔ deḛ gə́ d’ɔr sə sí ləm, raje meemaji gə deḛ gə́ d’wa sí gə meḛ dee ləma, raje tamaji mbata lə deḛ gə́ d’ula kəm sí ndòo ləm tɔ.

Njé gə́ Galati 6:1

Ŋgakɔmje, ɓó lé dəw kára oso dan néra gə́ to gə goo rəbee el ndá seḭ gə́ toje ka̰ Ndil lé maji kar sí gɔleeje gə ta gə́ kul yururu ya. Məəi dɔ rɔi’g nà banelə i kara a koso dan nékər’g tɔ.

Loo gə́ killa rea kəm Ja̰’g 3:19

Ma lé dəwje gə́ m’unda dee dan kəm’g ndá m’wɔji dee kəmkàr ləm tɔ. Bèe ndá ḭ gə rɔi rad, wa ndòo rɔi dɔ kaiya’g ləi.