Pakɔsje 140:13 - Maktub gə́ To gə Kəmee

¹³ Ma m’gər gao, Njesigənea̰ gaŋg rəwta lə njénékəmndooje gə goo rəbee ləm, Deḛ gə́ to njéndooje kara Yeḛ ɔr kəm ta lə dee gə dɔ najee ləm tɔ.

Pakɔsje 140:13 ပူးပေါင်းရင်းမြစ်များ

Maktub gə́ wɔji dɔ Jɔb 36:6

Yeḛ ya̰ njemeeyèr kəmba el, Nɛ yeḛ ɔr kəm ta lə njénékəmndooje.

Pakɔsje 11:7

Mbata Njesigənea̰ lé to njemeekarabasur ya Né gə́ to gə dɔ najee lé ɓa taa kəmee rəgm. Deḛ gə́ to njéra nédanaje lé d’a kaa kəmee gərərə ya.

Pakɔsje 16:11

I a kam m’gər kila rəwje gə́ ka̰ kisi ne kəmba lé gao, Nérɔlelje gə́ d’al dɔ loo sula to nɔḭ’g ləm, Néje gə́ maji dum gə́ to gə no̰ lé To dɔ jikɔli’g ləm tɔ.

Pakɔsje 23:6

Tɔgərɔ ya, rɔlel gə meemaji d’a korè səm rəw na̰’d més Mee ndɔje lai gə́ m’isi ne kəmba Ndá m’a si kəi’g lə Njesigənea̰ saar rudu ndɔje’g ləm.

Pakɔsje 32:11

Seḭ njémeekarabasurje lé Maji kar sí alje rɔ sí gin Njesigənea̰’g ləm, Sije dan boo-rɔkal’g ləm tɔ! Seḭ lai gə́ meḛ sí to kára ba sur lé Ɔrje ndu sí gə́ tar gə rɔlel!

Pakɔsje 35:10

Siŋgarɔmje lai d’a pana: Njesigənea̰! See na̰ ɓa askəm kɔr njenékəmndoo ji dəw gə́ siŋgá ur dəa’g ləm, Gə njenékəmndoo gə njendoo lé Ji dəw gə́ si tɔr néje ləa rəa’g lé To gə́ i bèe wa.

Pakɔsje 73:24

Ta kwɔji kəmkàr ləi ɓa i a kɔr ne nɔm ləm, Ndɔ gə́ rudu lé i a taam gə́ rɔi’g dan rɔnduba’g ləi ya ləm tɔ.

Pakɔsje 97:12

Seḭ njémeekarabasurje lé Alje rɔ sí gin Njesigənea̰’g, Ilaje riɓar dəa’g gə pa pidije lə sí Mbata meenda londoŋ ləa.

Gosota-Kəmkàrje 22:23

Mbata Njesigənea̰ a koso gel dee’g ləm, Yeḛ a kɔr kəmə lə dee-deḛ gə́ njekwa dee néje lə dee taaje lé ləm tɔ.

Esai 3:10

Maji kar sí ulaje pajena: Njéra nédanaje lé d’a si dan maji’g Mbata d’a kal rɔ dee dɔ kandə néraje’g lə dee.

Tagə́maji gə́ Ja̰ ndang 14:3

Tɔɓəi loo gə́ m’aw gə m’gɔl loo lə sí lé mba̰ ndá m’a tel ree gə mba kodo sí kém’g mba kar loo gə́ m’a si keneŋ lé seḭje kara a sije səm keneŋ na̰’d tɔ.

Tagə́maji gə́ Ja̰ ndang 17:24

Bɔm, loo gə́ m’a si keneŋ lé ma m’ndigi kar deḛ gə́ i am dee lé d’isi səm keneŋ to mba kar dee d’oo ne rɔnduba ləm, to rɔnduba gə́ i ula dɔm’g mbata i undam dan kəmi’g kédé par-par ɓa i tum gin naŋg nee ɓəi.

1 Njé gə́ Tesalonikə 4:17

Gée gə́ gogo jeḛ gə́ j’aw kəmba dɔ naŋg nee ɓəi lé jeḛ sə deeje j’a kḭ na̰’d kuru dan loo-kil’g lə ndi’g dəs tar mba tila kəm Mbaidɔmbaije par gə́ dara lé. Bèe ɓa j’a nai gə Mbaidɔmbaije gə no̰ ya.