Pakɔsje 14:5 - Maktub gə́ To gə Kəmee

⁵ Gelee gə́ nee ɓa d’a kunda bala ndəb ne pəd-pəd Loo gə́ Ala a kunda loo teḛ wai Mbuna ginkoji dəwje gə́ njéra nédanaje’g.

Pakɔsje 14:5 ပူးပေါင်းရင်းမြစ်များ

Este 8:7

Mbai Asuerus ula dené ləa Este gə Mardose gə́ to Jip lé ta pana: Aa oo, m’ar Este kəi lə Aman ləm, m’ar dee ɗaree dɔ kag’d ləm tɔ mbata yeḛ aw gə Jibje gə ta.

Pakɔsje 112:2

Ŋgakeaje d’a to njésiŋgamoŋje dɔ naŋg nee ləm, Ginkoji dəwje gə́ njéra nédanaje lé D’a kiŋga ndutɔr ya ləm tɔ.

Pakɔsje 22:30

Njésiŋgamoŋje lai gə́ dɔ naŋg nee D’a sɔ né ləm, d’a kunda barmba dəb kəm dee naŋg nea̰’g ləm tɔ, Dəwje lai gə́ d’a gə tel nduji naŋg lé D’a rəm gə no̰ kəji dee yèm gə́ nea̰’g, Deḛ gə́ d’askəm kisi kəmba saar-saar el lé.

Pakɔsje 24:6

Aa ooje, yee ɓa to nédɔji lə dəwje gə́ ɓar rii, Deḛ gə́ saŋg loo koo kəmi-i Ala lə Jakob ya.

Pakɔsje 46:11

Maji kar sí aarje gèŋ ooje to gə́ ma m’to Ala ya, Ma m’o̰ ɓee dɔ ginkoji dəwje gə raŋg’g ləm, Ma m’o̰ ɓee dɔ naŋg nee bura ləm tɔ.

Pakɔsje 46:5

Baa-boo to keneŋ, manee gə́ ula ar rɔlel to mee ɓee’g lə Ala, Yee ɓa gə́ kəi gə́ to gə kəmee mbuna kəije’g lə Njekurdɔloo’g.

Pakɔsje 46:7

Ginkoji dəwje gə raŋg lé d’aw dɔ na̰’d pum-pum D’ar ŋgira ɓeeko̰je gə́ dɔ naŋg nee yə, Yeḛ ar dee d’oo ndia ndá Dɔ naŋg ula déréré-dèrèrè gə ɓəl.

Pakɔsje 53:5

Deḛ gə́ ra néje gə́ yèr lé See dee gər rəbee el wa. Deḛ gaŋg dəwje ləm mbidi-mbidi D’ar dee to gə́ nésɔ lə dee, Deḛ ɓar ri Ala bèe el.

Pakɔsje 73:15

Ɓó lé m’a gə pa pana: Ma kara m’ndigi pata to gə́ deḛ bèe ndá Nani ɓa m’a kun ne dɔ ginkoji ŋganije.

Teḛ-Raga 15:16

Ɓəl gə ndəb lé a teḛ dɔ dee’g wai, Gə goo siŋgamoŋ lə jii lé ɓa D’a tel kisi ne dɔ mundu to gə́ mbal bèe, Saar njen kar dəwje ləi dəs d’aw, əi Njesigənea̰, Saar njen kar dəwje gə́ i uga dee lé dəs d’aw ya.

Gosota-Kəmkàrje 28:1

Njemeeyèr mbudu ŋgwɔd aḭ al kar dəw kore gée ləm, Njemeekarabasur ndá mée kaḭ to gə́ kura toboḭ bèe ləm tɔ.

Esai 12:6

Seḭ dəwje gə́ Sio̰, Raje né wəl gə rɔlel gə boo-rɔkal! Mbata Njerɔkunda lə Israɛlje Gə́ to gə́ boo lé aar mbuna sí’g ya.

Esai 41:10

Ɓəlje el Mbata ma m’nai sə sí, Maji kar sí aaje loo gə kəm ɓəl el Mbata ma m’to Ala lə sí, M’a kar siŋga sí ḭ dɔ maree’g ləm, M’a ree la sə sí ləma, M’a gəd sí gə jikɔlm gə́ ɓar mèr-mèr ləm tɔ.

Esai 8:10

Ɔmje ta lə sí na̰’d dɔ né gə́ seḭ wɔjije-kwɔji ra Ndá né neelé a teḛkɔr el, Unje ndu sí ar deeje Ndá a tel to né gə́ kari ba Mbata Ala si sə síjeḛ.

Matiyo 1:23

Aa oo, ŋgoma̰də a taa kèm ndá a koji ŋgon gə́ diŋgam, D’a kunda ria lə Emanuɛl (tel ta koji sí, Ala nai sə síjeḛ).

1 Piɛrə 2:9

Nɛ seḭ lé seḭ toje ginkoji dəwje gə́ Ala mbər sí ləm, seḭje toje njékinjanéməsje gə́ gin sí to gə́ mbai ləm, seḭ toje ginkoji dəwje gə́ toje gə kəmee ɓəd ləma, seḭ toje ka̰ Ala nja doŋgɔ doi ləm tɔ mba kar sí ilaje ne riɓar dɔ yeḛ gə́ ɔr sí dan loondul gə́ ndul njudu-njudu’g unda sí dan lookàr’g ləa gə́ àr raŋg-raŋg lé.

1 Samel 14:15

Ɓəl-boo taa loo-si dee pəl-pəl ləm, mee looje’g lai ləma, mbuna koso-dəwje’g ləm tɔ. Deḛ gə́ d’isi loo-si dee’g gə deḛ gə́ to njékaw waije lé kara ɓəl unda dee badə gaŋg dee keneŋ tɔ. Dɔ naŋg yə ɓugu-ɓugu, yee ɓa to gə́ ɓəl-boo lə Ala ya.