Pakɔsje 14:4 - Maktub gə́ To gə Kəmee

⁴ Deḛ lai gə́ ra néje gə́ yèr lé See deḛ gər rəbee el wa. Deḛ gaŋg dəwje ləm mbidi-mbidi D’ar dee to gə́ nésɔ lə dee, Deḛ ɓar ri Njesigənea̰ bèe el.

Pakɔsje 14:4 ပူးပေါင်းရင်းမြစ်များ

Maktub gə́ wɔji dɔ Jɔb 21:15

Bao-siŋgamoŋ ɓa gə́ na̰ ɓa n’a raje né kaareeje wa. See ɗi ɓa n’a kiŋgaje loo gə́ neḛ n’raje tamaji təa’g wa.

Maktub gə́ wɔji dɔ Jɔb 27:10

See yeḛ a kar Bao-siŋgamoŋ to nérɔlel ləa wa. See yeḛ a ra tamaji ta Ala’g lé ta-ta wa.

Pakɔsje 27:2

Loo gə́ njémeeyèrje ree pər gə́ rɔm’g Gə mba tim mbidi-mbidi sɔ Deḛ gə́ to njékula kəm ndooje ləm gə njéba̰je ləm ləm tɔ lé D’unda ndolè rəm d’oso ne.

Pakɔsje 79:6

Maji kari ɓugu boo-oŋg ləi Dɔ Ginkoji dəwje gə raŋg’d gə́ gəri el ləm, Gə dɔ ɓeeko̰je’d gə́ ɓar rii keneŋ el lé ləm tɔ.

Pakɔsje 82:5

Deḛ lé kəmkàr əsé gosonégər lə dee godo ləm, Deḛ njaa dan loondul’g ya ləm tɔ, Bèe ɓa loo gə́ dɔ naŋg nee lai yə ne.

Gosota-Kəmkàrje 30:14

Ginkoji dəwje gə́ na̰je d’isi gən Gə́ ŋgaŋ dee to gə́ kiambas ləm, mbiri dee to gə́ kiaje ləm tɔ Gə mba gaŋg ne njénékəmndooje gə́ dɔ naŋg nee sɔ dee ləm, Gə njéndooje gə́ mbuna dəwje’g ləm tɔ.

Esai 27:11

Loo gə́ barkəm kagje tudu ndá Dəw təd dee ləm, Denéje ree mba roo dee ləm tɔ. Deḛ to koso-dəwje gə́ kəmkàr lə dee godo, Togə́bè yeḛ gə́ njera dee kara Oo kəmtondoo lə dee el ləm, Yeḛ gə́ njekunda dee lé Ra sə dee meemaji el ləm tɔ.

Esai 29:14

Gelee gə́ nee ɓa m’a tel ra nédumkooje Gə némɔrije kəm koso-dəwje’g neelé, Ndá kəmkàr lə njékəmkàrje a tuji ləm, Négər lə njégoso négərje lə dee kara a sané pá ləm tɔ.

Esai 45:20

Seḭ ges ginkoji dəwje gə raŋg gə́ teḛje ta yoo’g lé Maji kar sí mbo̰je dɔ na̰ reeje ləm, Ŋgəsje pər gə́ nee na̰’d ləm tɔ! Deḛ gə́ d’odo magəje lə dee gə́ to kag ləm, Deḛ gə́ ɓar ri magə gə́ askəm kaji dee el ləm tɔ lé Gosɔnégər lə dee godo.

Esai 5:13

Gelee gə́ nee ɓa koso-dəwje ləm lé D’a kwa dee gə́ ɓərje kaw sə dee ɓee-ɓər’g, Dəwje lə dee gə́ boo-boo d’a kwəi yoo-ɓoo ləm, Koso-dəwje lə dee gə́ bula digi-digi lé d’a kwəi yoo-kunda ləm tɔ.

Esai 64:6

Dəw kára kara gə́ njeɓar rii Yeḛ gə́ ɔs rəa ɓad mba kɔm səi na̰’d lé godo. Gelee gə́ nee ɓa i iya ne sə sí kəmi, I ya̰ sí ne mba kar sí j’uduje Gə goo néra majelje lə sí.

Esai 64:7

Lé bèe kara əi Njesigənea̰, I to bɔ síje ya, Jeḛ n’toje gə́ a̰ji Nɛ i ɓa gə́ njekuba sí, Jeḛ n’toje kula gə́ jii ɓa ra.

Jeremi 10:25

Ar oŋg-boo ləi ɔm dɔ njépole-magəje’d Gə́ gəri el lé ləm, Gə dɔ koso-dəwje’d Gə́ ɓar rii el lé ləm tɔ, Mbata deḛ gaŋg njé’g lə Jakob mbidi-mbidi, Deḛ gaŋg dee, d’ar dee d’udu ləm, Deḛ tuji loo-si dee pugudu ləm tɔ.

Ojee 7:7

Deḛ lai meḛ dee taa pər to gə́ bwa-bṵda bèe, Deḛ rum njégaŋ-rəwtaje lə dee rum-rum, Mbaije lə deḛ lai d’wəi gə goo na̰ goo na̰: Dəw kára kara mbuna dee’g ɓarm gə mba karm m’la səa el.

Amɔs 8:4

Ooje ta nee, seḭ gə́ njerum njéndooje ləm, Gə tujije njénékəmndooje ləm tɔ lé,

Njé gə́ Rɔmə 1:28

To gə́ deḛ d’un ne kəm dee rəw dɔ gər Ala’g lé ndá yeḛ nja sula dee ne sɔgɔ dan néraje’g lə dee gə́ kərm-kərm’g gə mba kar dee ra néra gə́ ram lé ya.

Njé gə́ Galati 5:15

Nɛ ɓó lé seḭ to̰je na̰ gə arje na̰ doo ɓa undaje kəmkàr dɔ rɔ sí’g el ndá seḭ a tujije na̰ ya.