Pakɔsje 14:3 - Maktub gə́ To gə Kəmee

³ Deḛ lai ndəm d’ila rima-rima, Dəw kára gə́ njera maji gə́ kára bèe kara godo, Kára bèe ya kara godo.

Pakɔsje 14:3 ပူးပေါင်းရင်းမြစ်များ

Gḭ-Néje 6:12

Ala aa loo oo naŋg nee ndá aa oo, to asəna gə né gə́ ndum ya. Mbata darɔ dəwje lai tuji rəw-kaw deḛ gə́ dɔ naŋg nee pugudu-pugudu.

Maktub gə́ wɔji dɔ Jɔb 14:4

See na̰ ɓa askəm kar né gə́ àr ŋgad-ŋgad unda loo teḛ mee dəw gə́ mina̰’g wa. Dəw kára kara gə́ askəm ra bèe godo.

Maktub gə́ wɔji dɔ Jɔb 15:16

Nɛ ɓəd ɓa dəw gə́ mina̰ jɔmri-jɔmri gə́ to kḛji ləm, Gə dəw gə́ ai néra kori-kori to gə́ mán bèe ləm tɔ wa.

Pakɔsje 119:176

Ma lé m’ila tar mbir-mbir Asəna gə badə gə́ ndəm bèe, Maji kari ndolè kura ləi lé ya, Mbata ma lé m’ar məəm wəi dɔ godnduije’g lé el tɔ.

Pakɔsje 14:1

Pa lə Dabid gə́ ar bao-pa mba karee ɔs sə dee lé. Mbə-dəw lé pa mée’g pana: Ala godo ya. Deḛ tel to d’asəna gə né gə́ ndum ləm, Deḛ ra néje gə́ yèr gə́ to kḛji ləm tɔ, Yeḛ gə́ njera maji gə́ kára bèe kara godo.

Pakɔsje 143:2

Maji kari aw gə kura ləi lé loo-gaŋg-rəwta’g el Mbata dəw gə́ si kəmba gə́ njemeekarabasur nɔḭ’g bèe kára kara godo.

Pakɔsje 38:5

Mbata néra kori-korije ləm d’ḭ tur dɔm pubug Asəna gə nékodo gə́ wɔi gə́ wɔim al dɔm sula bèe.

Pakɔsje 58:3

Bèe el ɓòo! Meḛ sí gə́ kəi lé Seḭ wɔjije néra gə́ kori-korije keneŋ, Mee ɓee’g lə sí lé Néra gə́ kərm-kərm gə́ ji sí ra ɓa Seḭ ɔrje ta rəw areeje.

Teḛ-Raga 12:30

Parao̰ ḭta mee til’g neelé yeḛ gə kuraje ləa lai ləm, gə njé gə́ Ejiptə lai ləm tɔ, ndu kii ɓar gə loo birim-birim mee ɓee gə́ Ejiptə mbata kəi kára kara gə́ lal yoo lé godo.

Njekillamber 7:20

Dəw gə́ nje ra né gə́ danasur Gə́ lal ra kaiya lé godo dɔ naŋg nee

Njekillamber 7:29

Né gə́ kára ba lé, aa oo, Né gə́ ma m’iŋga lé ɓa nee: Ala nja unda dəwje danasur ya. Nɛ deḛ ɓa saŋg néje bula gə́ to lée’g el.

Esai 53:6

Jeḛ lai n’to j’asjena gə badje Gə́ ndəm d’ila rima-rima, Nana kara un rəw gə́ mée wɔji, Nɛ Njesigənea̰ odo néra kori-korije lə sí lai ɔm dəa’g.

Esai 64:6

Dəw kára kara gə́ njeɓar rii Yeḛ gə́ ɔs rəa ɓad mba kɔm səi na̰’d lé godo. Gelee gə́ nee ɓa i iya ne sə sí kəmi, I ya̰ sí ne mba kar sí j’uduje Gə goo néra majelje lə sí.

Jeremi 2:13

Mbata koso-dəwje ləm ra kaiyaje joo: Deḛ d’ubam-ma gə́ m’to Kəm-rəw-mán-kaji lé d’ya̰’m ləm, D’uru bwa-manje Gə́ to bwa-manje gə́ tɔr wuyum-wuyum Gə́ mán askəm kaar keneŋ el ləm tɔ.

Ejekel 36:25

N’a saga mán gə́ àr yal-yal dɔ sí’g ndá seḭ a kàrje ne ŋgad-ŋgad. Rɔ mina̰je lə sí lai gə magəje lə sí lai lé n’a kɔr dee rɔ sí’g kar sí àrje ne ŋgad-ŋgad.

Njé gə́ Rɔmə 3:23

Mbata deḛ lai ra kaiya, deḛ lal kiŋga rɔnduba gə́ Ala wɔji mba kula dɔ dee’g.

1 Njé gə́ Kɔrḭtə 6:5

M’pa bèe mba kar sí naije ne gə rɔkulee ya. See njekəmkàr gə́ askəm gaŋg rəwta dɔ maree’g kára kara godo mbuna sí’g ya saar wa.

2 Njé gə́ Kɔrḭtə 7:1

Seḭ gə́ m’unda sí dan kəm’g lé to gə́ ndukunje nee gə́ yeḛ un ar sí to togə́bè ndá ar sí n’togoje néje gə́ mina̰ gə́ gə ria-ria gə́ tia̰ darɔ sí’g gə ndil sí’g ləm, ar sí m’ɓəlje Ala mba kar meenda lə sí maji ɔr njoroŋ ləm tɔ.

Njé gə́ Epesə 2:3

Jeḛ lai kara j’ɔm sə dee na̰’d tɔ ndá kédé lé jeḛ n’tɔlje ne mal né gə́ ra darɔ sí bém ləm, n’raje ne né gə́ darɔ sí gə meḛ sí ɓa wɔji ləma, n’toje ne ŋganje gə́ oŋg ɓa wɔji dɔ sí to gə́ njé gə́ raŋg lé ləm tɔ.

Tel tura Godndu 1:35

Ginkoji dəwje gə́ ɓasinè gə́ to njémeeyèrje neelé yeḛ gə́ kára kara mbuna dee’g a koo ɓee gə́ maji gə́ ma man ne rɔm gə mba kar bɔ deeje-je lé el,