Pakɔsje 137:7 - Maktub gə́ To gə Kəmee

⁷ Njesigənea̰, maji kari ar məəi olé teḛ dɔ néra Edɔmje’g Mee ndəa gə́ deḛ taa ne Jerusalem lé deḛ pana: Kərje, kərje kər-kər waje rəw-rəw Saar teḛje ne ginee gə́ bər ya.

Pakɔsje 137:7 ပူးပေါင်းရင်းမြစ်များ

Nehemi 6:14

Ǝi Ala ləm, maji kari ar məəi olé dɔ Tobija gə Sanbalat gə dɔ kula ra deeje’g. Ar məəi olé dɔ Noadia gə́ to njetegginta gə́ dené ləm, gə dɔ njéteggintaje gə́ raŋg’d gə́ saŋg loo kɔm ɓəl dɔm’g lé ləm tɔ.

Pakɔsje 74:18

Maji kari gər gao, to gə́ njeba̰ lé Ila ndɔl dɔi-i Njesigənea̰’g ləm, Koso-dəwje gə́ to mbəje lé D’ə̰ji rii bəḭ-bəḭ ləm tɔ.

Teḛ-Raga 17:14

Njesigənea̰ ula Moyis pana: Ndaŋ ta neelé mee maktub’g mba kar meḛ dee olé ne dɔ’g, tɔɓəi ula Juje təsərə aree gər to gə́ m’a gə tuji riɓar lə Amalek dɔ naŋg nee pugudu ya.

Ejekel 35:15

Rɔlel gə́ seḭ raje loo gə́ gel-bɔje lə Israɛl tuji pugudu-pugudu lé yee ɓa n’a ra sə sí togə́bè ya tɔ, seḭ gə́ síje dɔ mbal gə́ Seir lé n’a kar sí tel toje dɔ nduba gə́ wa ŋgɔ njag-njag, seḭ gə dəwje gə́ Edɔm lai ya. Bèe ɓa d’a gər ne to gə́ neḛ n’to Njesigənea̰ ya.

Ejekel 35:2

I ŋgon-dəw lé tel kəmi par gə́ dɔ deḛ gə́ d’isi dɔ mbal gə́ Seir’g ndá tegginta wɔji ne dɔ dee!

Ojee 7:2

Deḛ d’ə̰ji meḛ dee’g pana: Yen nà məəm olé dɔ némeeyèrje’g lə deḛ lai gə́ ra lé el. Ɓasinè lé néra dee gə́ majel aḭ dɔ dee sub Ndá to raga pai-pai kəm’g ya.

Amɔs 1:11

Njesigənea̰ ɓa pa togə́bè pana: Gə mbata kaiya ra Edɔmje gə́ aw gə́ kédé-kédé lé Ndá n’a tel gə ndu neḛ nda̰ el, Mbata deḛ d’un kiambas tuba ne ŋgako̰ deeje Ɓó d’oo kəmtondoo lə Israɛlje gə́ né el. Mbata oŋg lə dee al dɔ dee sula gə ndɔ dee ndɔ dee ləm, Deḛ d’ar oŋg lə dee ɔs kɔr meḛ dee’g saar gə no̰ ləm tɔ.

Habakuk 3:13

I unda loo teḛ mba kɔr koso-dəwje ləi kɔm dee tar ləm, Gə mba kaji yeḛ gə́ I wa dəa gə ubu ləm tɔ. I tɔr mburṵ dɔ kəije lə njemeeyèr ləm, I tuji gel kəi saar teḛ ne dɔ kəi’g tar ləm tɔ.

1 Samel 15:2

Njesigənea̰ gə́ njeboo-néje pa togə́bè pana: Neḛ n’ar mee neḛ olé dɔ né gə́ Amalekje ra gə Israɛlje d’udu ne rəw dɔ dee’g loo gə́ d’unda loo mee ɓee gə́ Ejiptə teḛ lé.