Pakɔsje 136:9 - Maktub gə́ To gə Kəmee

⁹ Gə naḭ gə kéréméje gə mba kar dee d’o̰ ɓee dɔ loondul’g lé Mbata meekɔrjol ləa lé to saar-saar gə no̰.

Pakɔsje 136:9 ပူးပေါင်းရင်းမြစ်များ

Gḭ-Néje 1:16

Ala unda néndogóje gə́ boi joo neelé. Yee gə́ boi gə́ ur dɔ maree lé to mba ko̰ɓee dɔ lookàr’g ləm, yee gə́ lam gə́ orè gée lé to mba ko̰ɓee dɔ loondul’g ləm tɔ. Tɔɓəi Yeḛ unda kéréméje tɔ.

Maktub gə́ wɔji dɔ Jɔb 31:26

Ɓó lé ma m’oo kàr gə́ ndɔḭ ləm, Gə loo gə́ naḭ aw ndogó gə rɔnduba ləa ləm,

Pakɔsje 74:16

Lookàr gə loondul lé to kaḭ ya ləm, I ra naḭ gə kàr ləm tɔ.

Pakɔsje 8:3

Ta gə́ teḛ ta ŋganje’g ləm, Gə ta ŋganje gə́ nai ta mbà’g ləm tɔ lé I tum ne gin siŋgamoŋ ləi keneŋ Dum ne dɔ njéba̰je ləi Mba tɔ ne ta njeba̰ ləi gə njedalba̰ lé ká.

Pakɔsje 8:4

Loo gə́ m’aa loo gə́ dara gəl-gəl lé M’oo kula gə́ i ra gə jii, M’oo naḭ gə kéréméje gə́ i unda dee lé

Jeremi 31:35

Njesigənea̰ gə́ njéra kàr Karee ndogó dan kàrá ləm, Gə njekwɔji loo-kaar lə kéréméje Gə́ ndogó loondul’g ləm, Yeḛ gə́ ar baa-boo-kad Ḭ turu tuma̰-tuma̰ ləma, Yeḛ gə́ ria lə Njesigənea̰ gə́ njeboo-néje ləm tɔ lé Pa togə́bè pana: