Pakɔsje 134:2 - Maktub gə́ To gə Kəmee

² Odoje ji sí gə́ tar par gə́ loo gə́ ləa gə́ to gə kəmee doi’g lé Undaje ne no̰ dɔkaisəgərə lə Njesigənea̰.

Pakɔsje 134:2 ပူးပေါင်းရင်းမြစ်များ

Nehemi 8:6

Esdras ɔs gaji Njesigənea̰, Ala gə́ boo lé ndá koso-dəwje lai d’ilá keneŋ d’odo ne ji deḛ gə́ tar pana: Bèe ya. Bèe ya. Tɔɓəi deḛ d’ula dɔ dee d’unda barmba dəb kəm dee naŋg no̰ Njesigənea̰’g.

Pakɔsje 141:2

Maji kar tamaji ləm tɔ nɔḭ’g Asəna gə né gə́ ə̰də sululu bèe ləm, Maji kar jim gə́ m’odo gə́ tar rəw lé To asəna gə nékar gə́ d’ari dɔ kàr’g bèe ya ləm tɔ.

Pakɔsje 26:6

M’togo jim m’riba ne dɔ ta gə́ wa dɔm el lé, Ndá əi Njesigənea̰, yee ɓa m’njaa m’gugu ne dɔ loo-nékinjaməs ləi lé!

Pakɔsje 28:2

Maji kari oo ndu ra ndòo ləm Loo gə́ m’no̰ m’ɓari ləm, Loo gə́ m’odo jim par gə́ kəi ləi gə́ to gə kəmee ləm tɔ.

Pakɔsje 63:2

Ǝi Ala, i to Ala ləm gə́ m’aw m’sa̰gi lé Mali ram ŋgwɔd-ŋgwɔd asəna gə kṵdaman gə́ tɔl dəw bèe, Darɔm kara ila kəmə ərm-ərm gooi’g Dɔ naŋg gə́ tudu kurum-kurum gə́ lal mán gə́ tḛ́ bèe keneŋ.

Pakɔsje 63:4

Mbata meemaji ləi lé maji yaa̰ unda kisi gə́ m’isi ne kəmba lé, Tam ɓa ma m’pidii ne ya.

Pakɔsje 63:5

Gelee gə́ nee ɓa m’a kunda no̰ dɔkaisəgərə ləi Loo gə́ m’isi ne kəmba ləm, M’a kula ne jim ndiŋ gə́ tar ɓar ne rii ləm tɔ.

Nɔ̰-ndôo gə́ wɔji dɔ Jerusalem 2:19

Ḭta gə gel-kàr Ar ndu tuma̰ ləi ɓar wəl! Né gə́ to dɔ ɓəŋgəri’g lé Teḛ ne gə́ raga to gə́ mán bèe no̰ Njesigənea̰’g. Ula jii par gə́ rəa’g Mba kar ŋganije gə́ d’isi d’wəi yoo-ɓoo gə kag-rəwje lé D’isi ne kəmba!

Nɔ̰-ndôo gə́ wɔji dɔ Jerusalem 3:41

Ar sí n’raje tamaji gə ŋgaw meḛ sí bura J’odoje ne ji sí par gə́ rɔ Ala gə́ si dara.

1 Timote 2:8

Yee ɓa, ma m’ndigi kar dəwje ra tamaji gə loo lai, ɓó gə d’odo ne ji dee gə́ àr ŋgad-ŋgad par gə́ dara, lal oŋg ləm, gə lal kɔl ləm tɔ.