Pakɔsje 133:2 - Maktub gə́ To gə Kəmee

² To asəna gə ubu gə́ gadee dum ndogo bèe Gə́ d’wa ne dɔ Aaro̰ D’aree aḭ njal teḛ mbai təa’g ləm, Aḭ njal teḛ ta kubuje’g ləa lé ləm tɔ.

Pakɔsje 133:2 ပူးပေါင်းရင်းမြစ်များ

Pakɔsje 141:5

Ɓó lé dəw gə́ njera nédana undam ndá Ma m’oo gə́ né gə́ maji gə́ yeḛ ra səm ya, Ɓó lé yeḛ aar wɔjim kəmkàr kara To ubu ɓa yeḛ wa ne dɔm ləm tɔ, Ndá m’a kwa dɔm kɔr keneŋ el, Nɛ m’a kḭ gə tamaji ləm gɔl kára ɓəi Mba koma̰ ne gə némeeyèrje lə dee.

Teḛ-Raga 28:33

Gel kubu’g par gə́ bər neelé d’a ndaji né asəna gə kandə dḭ bèe gə́ ndul piro-piro, gə kas gəḭ, gə kas njir-njir ndá ŋgan ma̰dje gə́ ra dee gə larlɔr d’a gaŋg mbuna dee mbuna dee.

Teḛ-Raga 29:7

I a kun ubu gə́ ka̰ kunda ne né gə kəmee ndá a tər dəa’g.

Teḛ-Raga 30:35

Njepodé né gə́ ə̰də sululu lé a podé ne néje neelé togə́bè ya: ndá a to yee gə́ d’a kila kad keneŋ ləm, a kàr ŋgad-ŋgad ləma, a to gə kəmee ləm tɔ.

Teḛ-Raga 39:24

Gel kubu’g par gə́ bər neelé deḛ tɔ né gə́ to asəna gə kandə dḭ gə́ ndul piro-piro gə kas gəḭ gə kas njir-njir ləm, gə kúla gə́ sorè keneŋ ləm tɔ.

Gosota-Kəmkàrje 27:9

Ubu gə néje gə́ ə̰də sululu ar mee dəw lelee ləm, Takwɔji-kəmkàr gə́ baokura ləi pa gə meenoji lé kul yururu ləm tɔ.

Pa gə́ ur dɔ paje 1:3

Lelm ur dɔ baḭ ubu’g ləi gə́ i ndèm lé. Rɔi gə́ bura ya ə̰də maji To gə́ ubu ə̰də taa loo yal-yal bèe, Gelee gə́ nee ɓa ŋgama̰dje ndigii ne.

Ləbije 8:12

Yeḛ tər ubu gə́ ka̰ kunda ne né gə kəmee lé dɔ Aaro̰’g mba kundá ne gə kəmee tɔ.

Tagə́maji gə́ Ja̰ ndang 12:3

Yen ŋga Mari un ubu gə́ ə̰də sululu gə́ gadee al dɔ loo lé as gə ges litər kára ndá yeḛ wa ne gɔl Jeju rugu-rugu ɓa tel bɔr gɔlee gə yiŋga dəa ɓəi ar baḭ ubu neelé taa mee kəi birim-birim.