Pakɔsje 132:17 - Maktub gə́ To gə Kəmee

¹⁷ Lée neelé n’a kar siŋgamoŋ lə Dabid ḭ dɔ maree’d gə́ kédé-kédé ləm, N’a kwa dɔ gɔl pərndɔ kar yeḛ gə́ n’wa dəa gə ubu lé ləma,

Pakɔsje 132:17 ပူးပေါင်းရင်းမြစ်များ

1 Mbaije 11:36

M’a kya̰ ginkoji kára mba kar ŋgonee gə mba kar Dabid gə́ to kura ləm iŋga ne néndogó no̰m’g ta-ta Jerusalem, ɓee-boo gə́ m’ɔree kəm’g mba kar rim ɓar dɔ’g lé.

1 Mbaije 15:4

Nɛ mbɔl dɔ Dabid lé ɓa Njesigənea̰ Ala ləa aree ne néndogó kára mee ɓee gə́ Jerusalem, yee ɓa yeḛ unda ne ŋgonee toree’g ləm, ar Jerusalem to ne njaŋg ləm tɔ.

2 Mbaije 8:19

Nɛ Njesigənea̰ ndigi tuji Juda el mbata Dabid, kura ləa, gə goo ndukun gə́ yeḛ un aree gə mba karee iŋga ne néndogó mbuna ŋganeeje’g lé.

2 Sôrta Gḭka Israɛlje 21:7

Nɛ Njesigənea̰ ndigi tuji gel-bɔje lə Dabid el mbata man gə́ yeḛ man rəa aree ləm, gə ndukun gə́ yeḛ un aree gə mba kar ŋgokea to néndogó nea̰’g mbata ləa-yeḛ ləm, gə mbata lə ŋganeeje ləm tɔ, saar gə no̰ lé.

Pakɔsje 148:14

Yeḛ ar siŋga koso-dəwje ləa tel ḭ dɔ maree’g, Yee ɓa gə́ népidi mbata lə majikojije ləa lai ləm, Mbata lə Israɛlje gə́ d’isi mbɔree’g dəb ləm tɔ. Maji kar sí pidije Njesigənea̰ ya.

Pakɔsje 89:25

Meenda londoŋ lə neḛ gə meemaji lə neḛ a nai səa ya, Ri neḛ lé ɓa a kar siŋgá ḭ ne dɔ maree’g.

Pakɔsje 92:10

Ǝi Njesigənea̰, aa oo, njéba̰je ləi lé Aa oo, njéba̰je ləi lé d’udu guduru mba̰, Deḛ lai gə́ ra né gə́ majel lé kara sané kad mba̰ tɔ.

Ejekel 29:21

Mee ndəa’g neelé n’a kar siŋga gel-bɔje lə Israɛl ḭ dɔ maree’g ləm, n’a kari teḛ tai pata dan dee’g ləm tɔ. Bèe ɓa d’a gər ne to gə́ neḛ n’to Njesigənea̰ lé ya.

Lugu 1:69

Yeḛ nja ɔr njekaji sí gə́ njesiŋgamoŋ Mbuna ŋgaka Dabid gə́ to kura ləa lé ar sí,

1 Samel 2:10

Njéba̰je lə Njesigənea̰ lé D’a kunda bala. Yeḛ a kar ndi ḭ mee dara gə́ tar Mba ndaŋ dɔ dee’g: Njesigənea̰ a gaŋg rəwta Kun ne rudu naŋg nee lad. Yeḛ a kar mbai ləa siŋgamoŋ, Yeḛ a kar siŋgamoŋ lə yeḛ gə́ yeḛ wa dəa gə́ ubu lé Ḭ dɔ maree’d gə́ kédé-kédé.