Pakɔsje 132:16 - Maktub gə́ To gə Kəmee

¹⁶ N’a kula kaji rɔ njékinjanéməsje’g ləa asəna gə kubu bèe ləm, Majikojije ləa lé d’a ra né wəl-wəl gə rɔlel ya ləm tɔ.

Pakɔsje 132:16 ပူးပေါင်းရင်းမြစ်များ

2 Sôrta Gḭka Israɛlje 6:41

Ɓasinè, əi Njesigənea̰ Ala, Maji kari ḭta ree loo-kwa-rɔ’g ləi, I gə sa̰duk-manrɔ gə́ ka̰ siŋgamoŋ ləi lé. Ǝi Njesigənea̰ Ala, Maji kar njékinjanéməsje ləi lé D’ar kaji ɓa gə́ nédolé rɔ dee ləm, Ar deḛ gə́ i unda dee dan kəmi’g lé D’al rɔ dee d’isi ne dan maji’g ləm tɔ.

Pakɔsje 132:9

Maji kar njékinjanéməsje ləi lé Dolè rɔ dee gə meekarabasur ləm, Maji kar majikojije ləi lé Ra né wəl gə rɔlel ya ləm tɔ.

Pakɔsje 140:4

Deḛ lé d’ɔl ndo̰ dee to gə́ li bèe ləm, Gel ndo̰ dee to asəna gə mas pir ləm tɔ.

Esai 61:10

Ma m’ra rɔlel gə mbata lə Njesigənea̰ ləm, M’al rɔm gə boo-rɔkal gə mbata lə Ala ləm ləm tɔ, Mbata yeḛ ula kubu-kaji rɔm’g ləm, Yeḛ ila kubu gə́ boi yul gə́ ka̰ néra gə́ gə dɔ najee dɔm’g ləm tɔ, Asəna gə njeɓar mɔr gə́ ula dɔgugu dəa’g ləm, Asəna gə njemɔr gə́ ɔm néma̰dje rəa’g bèe ləm tɔ.

Jakari 9:9

Seḭ gə́ Sio̰ lé alje rɔ sí! Seḭ gə́ Jerusalem kara ɔsje pa rɔlel to! Aa ooje, mbai lə sí si aw gə́ dɔ sí’g nee, Yeḛ to njemeekarabasur ləm, Gə njedumdɔloo ləm tɔ, Yeḛ to dəw gə́ kul yururu gə́ uba dɔ mulayḛ̀je gao si’g, To ŋgon mulayḛ̀je gə́ aḭ goo kea̰je’g ɓa yeḛ ubá.

Tagə́maji gə́ Ja̰ ndang 16:24

Saar ɓasinè lé seḭ kwɔiyeeje né kára kara gə rim el. Kwɔiyeeje ndá yeḛ a kar sí mba kar dɔ rɔlel lə sí ɔr ne njal.

Njé gə́ Galati 3:27

Seḭ lai gə́ deḛ ra sí batɛm d’ɔm sí ne gə Jeju Kristi na̰’d lé Kristi ɓa seḭ uneeje debeeje rɔ sí’g ya.