Pakɔsje 132:15 - Maktub gə́ To gə Kəmee

¹⁵ N’a tɔr ndu neḛ dɔ nésɔ dee’g ləm, Njéndooje gə́ keneŋ lé n’a kar nésɔ as dee nag-nag ləm tɔ.

Pakɔsje 132:15 ပူးပေါင်းရင်းမြစ်များ

Pakɔsje 107:9

Mbata dəw gə́ si wəi yoo-kunda lé Yeḛ nja aree né gə́ yeḛ aw ndée ləm, Dəw gə́ wəi yoo-ɓoo lé kara Yeḛ ar némajije ləa taa rəa pəl-pəl ləm tɔ.

Pakɔsje 147:14

Yeḛ ar dɔ naŋg ɓee lə sí si dan meelɔm’g ləm, Yeḛ ar meḛ sí nda̰ tub gə kó néje gə́ maji dum ləm tɔ.

Pakɔsje 22:26

I a to gin pa pidije ləm loo-mbo̰-dɔ-na̰’g lə koso-dəwje, M’a tɔl ne ta ndukun ləm bém kəm dee-deḛ gə́ ɓəli’g.

Pakɔsje 36:8

Ǝi Ala, meemaji ləi gə́ al dɔ loo sula lé M’oo gə́ né gə́ to ŋgonkəm bèe ya! Ndil bagee ɓa dəwje saŋg njo̰loo-kula-dɔ dee keneŋ.

Pakɔsje 37:19

Deḛ ra rɔkul ndɔ nékəmndoo’g el ləm, Loo gə́ ɓoo-boo oso kara nésɔ as dee nag-nag ləm tɔ.

Pakɔsje 37:3

Maji kari ɔm məəi dɔ Njesigənea̰’g ra ne né gə́ maji, Yee ɓa i a si ne mee ɓee’g ləm, a si ne lɔm ləm tɔ.

Teḛ-Raga 23:25

Seḭ a poləmje m’a Ala lə sí gə́ Njesigənea̰ ndá m’a tɔr ndum dɔ muru’g lə sí ləm, gə dɔ manje’g lə sí ləm tɔ, m’a kɔs rɔko̰je rəw rɔ sí’g tɔ.

Esai 33:16

Ndá debee neelé a si dɔ looje gə́ tar, Loo-kula-dɔ ləa a to dɔ biri mbalje gə́ to kəmba’g, D’a karee muru ləm, Man a lalee el ləm tɔ.

Jeremi 31:14

M’a kar né gə́ to ubu As njékinjanéməsje nag-nag ləm, Némajije ləm A kas koso-dəwje ləm nag-nag ləm tɔ, Njesigənea̰ ɓa pa bèe.

Ajee 1:6

Seḭ dubuje kó gə tadee rəg-rəg ya nɛ seḭ injaje lam ba bèe. Seḭ sɔje né yaa̰ ya nɛ ndanje ndanee el. Seḭ aije né yaa̰ ya nɛ tɔlje ne kunda lə sí el. Seḭ ulaje kubu ya nɛ rɔ sí nuŋga ne so el tɔ. Nédɔji lə yeḛ gə́ ra kula ar maree godo kalaŋ asəna gə né gə́ ɔm mee ɓɔl gə́ kəmee mbudu’g bèe.

Ajee 1:9

Seḭ undaje meḛ sí yel gə mba kinja kó yaa̰ ya nɛ aa ooje, seḭ injaje lam ba bèe. Seḭ tel reeje ne mee kəije’g lə sí ya nɛ neḛ n’tó lel pu-u dɔ’g n’sané ne. See gelee ban ɓa bèe wa. Njesigənea̰ gə́ njeboo-néje ɓa pa togə́bè pana: Gelee wɔji dɔ kəi lə neḛ gə́ tuji nɛ seḭ lé seḭ ɔsje rɔ sí ɓad arje nana kara ula rəa ndubu mbata kəi ləa-yeḛ ɓa.

Malasi 2:2

Njesigənea̰ gə́ njeboo-néje lé pana: Ɓó lé seḭ ooje ta el ləm, əsé arje ta kula rɔnduba dɔ rim’g lé wa dɔɓəŋgərə sí el ləm tɔ ndá m’a kar ndɔl oso mbuna sí’g ləm, m’a kila ndɔl dɔ nétɔrnduje’g lə sí ləm tɔ. Oiyo, m’a kila ndɔl dɔ’g ya mbata seḭ arje taree wa dɔɓəŋgərə sí el.

Matiyo 5:6

Deḛ gə́ mal ra né gə́ gə dɔ najee ra dee asəna gə kṵdaman gə́ tɔl dee əsé ɓoo gə́ ra dee lé rɔ dee lel dee, Mbata meḛ dee a ndan tub-tub ɓəi.

Lugu 1:53

Yeḛ ar njéɓooje kila kɔd-kɔd loo ɓoo’g lə dee. Nɛ yeḛ un baoje tuba dee ji dee kari kari-kari.

Tel tura Godndu 14:29

Bèe ɓa Ləbije gə́ d’iŋga sə sí né ka̰ dee əsé nénduba el lé ləm, gə dəw-dɔ-ɓeeje ləm, gə ŋganalje ləma, gə njékəisiŋgaje ləm tɔ, gə́ d’isi mee ɓee’g lə sí lé d’a sɔ karee as dee nag-nag gə mba kar Ala lə sí gə́ Njesigənea̰ tɔr ne ndia dɔ sí’g gə dɔ kulaje lai gə́ seḭ raje gə ji sí lé tɔ.