Pakɔsje 132:14 - Maktub gə́ To gə Kəmee

¹⁴ To loo-kwa-rɔ lə neḛ gə́ a to saar-saar gə no̰ ləm, N’a si keneŋ ləm tɔ Mbata neḛ nja neḛ ndigi togə́bè.

Pakɔsje 132:14 ပူးပေါင်းရင်းမြစ်များ

1 Mbaije 8:13

Nɛ ma lé m’ra kəi gə́ a to loo-sii, gə́ i a si keneŋ saar-saar gə no̰ ya.

1 Mbaije 8:27

Nɛ see Ala a si dɔ naŋg nee tɔgərɔ ya wa. Aa oo, dara gə́ to dɔ na̰’d dɔ na̰’d lé kara d’asi el nɛ ɓəd ɓa see kəi gə́ m’ra m’ari nee ɓa a k’asi ɓəi wa.

1 Mbaije 9:3

Njesigənea̰ ulá pana: M’oo tamaji gə ndòo ra ləi gə́ i ra tam’g lé ya ndá ma m’unda ne kəi gə́ i ra mba kar rim ɓar ne saar-saar gə no̰ lé gə kəmee ləm, m’a kar kəm gə məəm to dɔ’g ta-ta ya ləm tɔ.

1 Sôrta Gḭka-Israɛlje 23:25

Mbata Dabid lé pana: Njesigənea̰ lə Israɛlje ar koso-dəwje ləa loo-kwa-rɔ dee ndá yeḛ nja a si Jerusalem ya saar gə no̰.

Pakɔsje 132:8

Ǝi Njesigənea̰, maji kari uba naŋg ḭ tar ree loo-kwa-rɔ’g ləi, I gə sa̰duk-manrɔ gə́ wɔji dɔ boo-ronduba ləi.

Pakɔsje 135:21

Maji kar njé gə́ Sio̰ Gə deḛ gə́ d’isi Jerusalem lé D’unda no̰ dɔkaisəgərə lə Njesigənea̰. Pidije Njesigənea̰ ya.

Pakɔsje 68:16

Mbalje lə Ala, mbalje gə́ mee ɓee gə́ Basan lé Mbalje gə́ sém deeje bula, Mbalje gə́ mee ɓee gə́ Basan lé

Pakɔsje 68:18

Pusu-rɔje lə Njesigənea̰ lé Kudu kára lé bula digi-digi, bula digi-digi as loo dɔg-dɔg, Mbaidɔmbaije lé si mbuna dee’g, Sinai lé to mee loo gə́ to gə kəmee’g.

Pakɔsje 76:2

Ala ar dee gəree mee ɓee gə́ Juda gao ləm, Ria kara ɓar mḭ mee ɓee gə́ Israɛl’g ya ləm tɔ.

Pakɔsje 87:2

Njesigənea̰ ndigi tarəw ɓeeje gə́ Sio̰’g lé Ur dɔ loo-sije’g lə Jakob lai ya.

Esai 11:10

Mee ndəa’g neelé barkəmrɔ Isai A kaar keneŋ asəna gə nétɔji mbata lə koso-dəwje, Ginkoji dəwje gə raŋg d’a tel kəm dee gə́ rəa’g Ndá rɔnduba ɓa a taa loo-siée pəl-pəl ya.

Esai 12:6

Seḭ dəwje gə́ Sio̰, Raje né wəl gə rɔlel gə boo-rɔkal! Mbata Njerɔkunda lə Israɛlje Gə́ to gə́ boo lé aar mbuna sí’g ya.

Esai 57:15

Mbata Njekurdɔloo ləm Njesikəmba gə no̰ ləma, Yeḛ gə́ Ria to gə kəmee ləm tɔ lé Pa togə́bè pana: Ma m’isi sém looje gə́ ndəw’g ləm, Gə loo gə́ to gə kəmee’g ləm tɔ, Nɛ m’isi na̰’d gə dəw gə́ kəmee to ndòo ləm, Gə yeḛ gə́ ula dəa ləm tɔ, Gə mba gɔl meḛ dee gə́ d’ula dɔ dee ləm, Gə deḛ gə́ kəm dee to ndòo ləm tɔ.

Esai 66:1

Mbaidɔmbaije pa togə́bè pana: Dara to kalimbai ləm ləm, Dɔ naŋg nee to nétura-gɔl-kɔm ləm ləm tɔ. See kəi gə́ ban ɓa seḭ a kasjekəm raje kamje wa. See loo gə́ ra ɓa a kamje m’wa rɔm keneŋ wa .

Esai 8:18

Aa ooje, ma jeḛ gə ŋganəmje gə́ Njesigənea̰ am dee lé jeḛ n’toje gə́ nétɔji gə né gə́ teḛ kédé ar dee d’oo mee ɓee gə́ Israɛl, gə́ to né gə́ ḭ rɔ Njesigənea̰ gə́ njeboo-néje’d gə́ si dɔ mbal gə́ Sio̰ lé.

Soponi 3:17

Njesigənea̰, Ala lə sí si mbuna sí’g Yeḛ to bao-rɔ gə́ to njekaji sí, Yeḛ a kar sí toje nérɔlel ləa gə́ boo, Yeḛ a kila təa maree’g gə goo meenoji ləa, Yeḛ a kal rəa gə boo-rɔkal mbata lə sí tɔ.

Matiyo 23:21

Yeḛ gə́ ubu rəa gə ri kəi-Ala ndá yeḛ ubu rəa gə ri Ala lé gə́ njesi mée’g lé ya tɔ.

Njé gə́ Epesə 2:22

Seḭje kara yeḛ rɔd sí ta na̰’d ar sí toje ne tar gəd-gəd mba kar sí toje kəi gə́ Ndil Ala a si keneŋ tɔ.

Ǝbrəje 12:22

Nɛ seḭ lé seḭ rəmje pər gə́ mbɔr mbal gə́ Sio̰, ɓee-si Ala gə́ Njesikəmba gə́ to Jerusalem gə́ dara ləm, gə́ loo gə́ dəwje gə́ dara d’isi keneŋ tap-tap nduba rɔ dee ləm,

Loo gə́ killa rea kəm Ja̰’g 21:23

Ɓee-boo neelé aw ndòo kàr əsé naḭ mba kar dee ndogó keneŋ el, mbata rɔnduba lə Ala ɓa ndogó keneŋ ləm, Ŋgonbad lé to gə́ pərŋgel ləa ləm tɔ.