Pakɔsje 131:1 - Maktub gə́ To gə Kəmee

¹ Pakɔs kḭ kaw tuga ne loo ɗao-ɗao gə́ tar. Ka̰ Dabid. Njesigənea̰, ma lé m’ti rɔm el ləm, Esé m’aa loo gə kəm beelé el ləm tɔ, Néje gə́ boi-boi əsé néje gə́ d’al dɔm sula lé kara M’jɔg rɔm gə mba dee el tɔ.

Pakɔsje 131:1 ပူးပေါင်းရင်းမြစ်များ

2 Samel 6:22

Ma m’ndigi kar dee d’oo gə́ né gə́ əḭ el unda né gə́ nee ɓəi ləm, kəm-ma’g lé m’ndigi kula dɔm unda nje gə́ kédé bèe ya ləm tɔ. Lé bèe kara m’a kiŋga rɔnduba rɔ ŋganjélookisije’g ləm gə́ dené gə́ i pa lé ya tɔ.

Maktub gə́ wɔji dɔ Jɔb 42:3

I lé dəjim pana: See mbə-dəw gə́ ra ɓa askəm kar loondul dəb dɔ néje gə́ i wɔji-kwɔji ra lé wa. Bèe ya ma m’pata néje neelé lal gər ginee, To néje gə́ maji dum gə́ dum dɔm gə́ ma m’askəm kḛji gər el.

Pakɔsje 101:5

Yeḛ gə́ təd ta unda ta maree’g gə goo ŋgəḭ lé M’a karee udu bo̰ ya, Yeḛ gə́ aa loo gə beelé əsé ti-rɔ kara M’a kila məəm po̰ dəa’g el.

Pakɔsje 122:1

Pakɔs kḭ kaw tuga ne loo ɗao-ɗao gə́ tar. Ka̰ Dabid. M’isi dan rɔlel’g loo gə́ d’ulam pana: Ar sí j’awje mee kəi’g lə Njesigənea̰.

Pakɔsje 124:1

Pakɔs kḭ kaw tuga ne loo ɗao-ɗao gə́ tar. Ka̰ Dabid. Ɓó lé Njesigənea̰ aḭ bada dɔ sí’g el ndá Maji kar Israɛlje pa bèe pana:

Pakɔsje 133:1

Pakɔs kḭ kaw tuga ne loo ɗao-ɗao gə́ tar. Ka̰ Dabid. Ǝi, aa oo, kar deḛ gə́ to ŋgako̰ na̰je d’isi na̰’d lé To gə́ nérɔlel gə́ garee godo!

Pakɔsje 139:6

Gosɔnégər gə́ maji dum gə́ togə́bè lé al dɔm sula, Dum dɔm ɓó m’askəm gər ginee el.

Gosota-Kəmkàrje 21:4

Loo k’aa gə́ gə beelé ləm gə ti-rɔ ləm tɔ lé To pərndɔ lə njémeeyèrje gə́ to kaiya.

Jeremi 17:16

Nɛ ma lé gə mba kila koji dɔi’g lé ɓa Ma mbad to ne njekul dəwje el, I gər gao, ma lé m’ndiŋga ndɔ némeeko̰ el tɔ. Ta gə́ teḛ tam’g lé to nɔḭ’g raga pai-pai.

Jeremi 45:5

Ŋga i lé see i a saŋg néje gə́ boi-boi wa. Maji kari saŋg dee el! Mbata aa oo, M’a kar némeeko̰ teḛ dɔ dəwje’g lai. Njesigənea̰ ɓa pa bèe, Mee looje lai gə́ i a kaw keneŋ lé Si kəmba ləi ɓa m’a kari gə́ nékiŋga ləi ya.

Bula lə Israɛlje 12:3

Ndá Njesigənea̰ oo ta lə dee ya. Lé bèe kara Moyis to njemeekila gə́ ur dɔ dəwje lai gə́ d’isi dɔ naŋg nee ya.

Matiyo 11:29

Ulaje dɔ sí ləm, taaje néməməna̰ ləm ləma, taaje ne ta ləm gə́ m’wɔji sí lé ndaŋgje dɔɓəŋgərə sí’g ləm tɔ mbata ma m’to dəw gə́ kul ləm, m’ula dɔm m’aw yururu ləm tɔ. Togə́bè ɓa seḭ a kiŋgaje loo-kwa-rɔ sí keneŋ.

Néra Njékaḭkulaje 20:19

M’ula dɔm m’ra ne né m’ar Mbaidɔmbaije ləm, m’isi gə mán-no̰ kəm’g dan né gə́ naam’g loo kumum rəw’g lə Jibje ləm tɔ.

Njé gə́ Rɔmə 11:33

Ala lé boo-nébaoje ləa ləm, kəmkàr ləa ləma, négərje ləa ləm tɔ lé to boo-néje gə́ al dɔ loo sula ya. Rəwta-gaŋg ləa dum gər ləm, dɔ rəwje ləa kara dum gər ləm tɔ.

Njé gə́ Rɔmə 12:16

Arje takə̰ji lə sí aw na̰’d kára ba dɔ na̰’g. Jɔgje rɔ sí mba néje gə́ boi-boi el nɛ ar néje gə́ wɔji dɔ kosokul lé ɓa wa meḛ sí. Pidije rɔ sí dɔ kəmkàr’g lə sí el.

Tel tura Godndu 17:20

mba karee beelé mée’g ti ne rəa dɔ ŋgakea̰je’g el ləm, gə mba karee uba ne godnduje neelé ya̰ mba kaw yo-yo nee-nee el ləm tɔ. Bèe ɓa bula lə ndɔje gə́ yeḛ a ko̰ ne ɓee lé ləm, gə ndɔje lə ŋganeeje gə́ gée’g d’a kḭ ne dɔ maree’d gə́ kédé-kédé mee ɓee’g lə Israɛlje ləm tɔ.

1 Njé gə́ Tesalonikə 2:10

Seḭ toje njékoogineje ləm, Ala kara oo ləm tɔ. Néra gə́ jeḛ n’ra sə sí-seḭ njémeekunje lé to né gə́ àr ləm, to né gə́ to gə dɔ najee ləma, to néra njemeekarabasur ləm tɔ.

1 Samel 16:13

Samel un ubu gə́ ku-gaji-da’g lé ndá yeḛ wa ne dəa mbuna ŋgakea̰je’g tɔ. Ndil Njesigənea̰ dəb dɔ Dabid’g un kudee mee ndəa’g neelé saar gə́ kédé tɔ. Samel ḭ tel aw Rama.

1 Samel 16:18

Yeḛ gə́ kára mbuna kuraje’g un ta pa pana: Aa ooje, ma m’oo ŋgolə Isai, dəw gə́ Betlehem gə́ gər kim né maji. Yeḛ to dəw gə́ siŋga to kɔgərɔ-kɔgərɔ gə́ to bao-rɔ ləm, pata maji ləm, kura kəmee’g yaa̰ ləma, Njesigənea̰ nai səa ləm tɔ.

1 Samel 16:22

Sawul ar dee d’ula Isai pana: M’ra ndòo rɔi’g mba kari ya̰ Dabid aree ra kula am mbata yeḛ taa kəm rəgm.

1 Samel 17:15

Dabid ḭ rɔ Sawul’g tel aw Betlehem mba kul badje lə bɔbeeje lé.

1 Samel 18:23

Kuraje lə Sawul tel ndaji taje neelé d’ila mbi Dabid’g. Nɛ Dabid ila dee keneŋ pana: See seḭ ooje to gə́ tel to məəm mbaije lé to né gə́ lam ba wa. Ma lé m’to dəw gə́ njendoo ləm, m’to dəw gə́ m’əḭ el ləm tɔ.