Pakɔsje 130:2 - Maktub gə́ To gə Kəmee

² Mbaidɔmbaije, maji kari oo ndum ya kari, Maji kari ur mbii gèŋ gə mba koo ne ndòo ra gə́ m’ra rɔi’g lé.

Pakɔsje 130:2 ပူးပေါင်းရင်းမြစ်များ

2 Sôrta Gḭka Israɛlje 6:40

Ɓasinè, əi Ala ləm, maji kar kəmi to jḛ̀ ləm, ur mbi gèŋ oo ne tamaji gə́ ra lée’g neelé ləm tɔ.

Nehemi 1:11

Ai, Mbaidɔmbaije, maji kari ur mbii gèŋ oo ne tamaji lə kura ləi ləm, gə tamaji lə kuraje ləi gə́ ndigi ɓəl rii ləm tɔ. Ɓogənè lé, ar kura ləi teḛkɔr ləm, aree taa kəm dəw neelé rəgm ləm tɔ! Mee ndəaje’g neelé ma m’to gə́ njekar mbai nékai ya.

Nehemi 1:6

maji kari ur mbii gèŋ ləm, gə teḛ kəmi ləm tɔ gə mba k’oo ne tamaji ləm ma, kura ləi gə́ m’ra tai’g lé. Ɓasinè, dan kàrá gə loondul’g lé, m’no̰ tai’g mbata lə kuraje ləi gə́ Israɛlje lé ya. M’teggin kaiya lə Israɛlje, kaiya lə sí gə́ jeḛ n’ra j’ɔsje ne ta ləi rəw lé. Mbata ma jeḛ gə gel-bɔje lə bɔmje lé jeḛ n’raje kaiya ya.

Pakɔsje 140:6

Njébeeleje d’iya gum gə d’ila ba̰də mbata ləm ləm, Deḛ tɔ jám gə kaar rəw-rəw njal d’ɔr ləma, Deḛ d’umum rəw ləm tɔ.

Pakɔsje 17:1

Tamaji lə Dabid Ǝi Njesigənea̰, maji kari ur mbii oo ne ndukwɔi ləm gə́ to danasur, Oré mbii ndəŋ dɔ ndu no̰je’g ləm ləm, Ur mbii gèŋ oo ne ta gə́ m’to ne tai’g Gə́ m’ra gə tam m’su ne kəm loo ɓa el ləm tɔ.

Pakɔsje 28:2

Maji kari oo ndu ra ndòo ləm Loo gə́ m’no̰ m’ɓari ləm, Loo gə́ m’odo jim par gə́ kəi ləi gə́ to gə kəmee ləm tɔ.

Pakɔsje 5:3

Mbai ləm, Ala ləm, maji kari sí gèŋ oo ne ndu no̰ ləm! I nja ɓa m’ra tamaji tai’g ya.

Pakɔsje 64:1

Pa lə Dabid gə́ ar bao-pa mba karee ɔs sə dee lé.

Esai 37:17

Njesigənea̰, maji kari tuga mbii par gə́ rɔm’g oo ne ta ləm, Njesigənea̰ maji kari teḛ kəmi aa ne loo oo. Maji kari oo ta lə Sa̰kɛrib gə́ yeḛ ula ne Rabsake aree ula ne sul dɔi-i Ala gə́ Njesikəmba’g lé.