Pakɔsje 13:5 - Maktub gə́ To gə Kəmee

⁵ Mba kar njeba̰ ləm ḭ pana: Neḛ n’dum dɔm mba̰ bèe el ləma, Mba kar njékoma̰ səmje lé d’al rɔ dee Loo gə́ m’unda ndolè lé el ləm tɔ.

Pakɔsje 13:5 ပူးပေါင်းရင်းမြစ်များ

Pakɔsje 119:81

M’ndiŋga rɔm gə mba teḛ dɔ kaji’g ləi ləm, M’unda məəm yel gə́ dɔ ndukun’g ləi lé ya ləm tɔ.

Pakɔsje 147:11

Njesigənea̰ lé unda deḛ gə́ ɓəlee Deḛ gə́ d’unda meḛ dee yel gə́ dɔ meemaji’g ləa lé dan kəmee’g.

Pakɔsje 25:2

Ala ləm, i nja ɓa m’ɔm məəm dɔi’g Ndá maji kar rɔkul ḭ dəb dɔm’g el! Maji kar njéba̰je ləm d’un baŋga dɔm’g el to!

Pakɔsje 32:10

Némeeko̰je bula to ŋgina njemeeyèr, Nɛ yeḛ gə́ ɔm mée dɔ Njesigənea̰’g lé Meenoji gugu dəa sub ya.

Pakɔsje 33:18

Aa ooje, kəm Njesigənea̰ lé To dɔ deḛ gə́ ɓəlee’g Gə́ d’unda meḛ dee yel dɔ meemaji’g ləa

Pakɔsje 36:7

Meekarabasur ləi to asəna gə mbalje lə Ala ləm, Rəwta-gaŋgje ləi to asəna gə ɓul manje ləm tɔ. Njesigənea̰, i nja gəd dəwje ləm, gə daje ləm tɔ.

Pakɔsje 38:17

Mbata ma m’pana: Maji kari un ndui ar dee d’al rɔ dee d’wɔji ne dɔm el ləm, Maji kari ar dee d’ḭ d’oma̰ səm Loo gə́ gɔlm unda ndolè lé el ləm tɔ.

Pakɔsje 51:12

Ǝi Ala, maji kari tel məəm aree ndá londoŋ Ɓó gə ar ndil gə́ ka̰ kisi lɔm to məəm’g.

Pakɔsje 52:8

Njémeekarabasurje lé d’a koo ndá d’a ɓəl ne ləm, D’a kɔr sor kwɔji ne dəa kɔgee ne ləm tɔ pana:

Pakɔsje 9:14

Njesigənea̰, maji kari oo kəm lootondoo’g ya kari, Oo némeeko̰ gə́ njéba̰je ləm d’am m’isi danee’g, Maji kari ɔrm tarəwkɔg’d lə yoo,

Esai 12:2

Aa oo, Ala gə́ to njeginkajim, M’a kɔm məəm dəa’g jəb-jəb Ndá m’a ɓəl né kára el, Mbata Njesigənea̰, Njesigənea̰ to siŋgam ləm, Gə gin pa pidije ləm ləm tɔ, Yeḛ nja tel to njekajim.

Habakuk 3:18

Lée togə́bè kara ma m’ndigi kal rɔm no̰ Njesigənea̰’g, Ma m’ndigi kal rɔm no̰ Ala gə́ njekajim’g ya.

Lugu 1:47

Ndiləm ra rɔlel dɔ Ala lé gə́ njekajim’g.

Lugu 2:20

Njéŋgəmbadje lé d’isi tel gə́ loo’g lə dee ndá d’ula rɔnduba dɔ Ala’g ləm, deḛ pidee ne ta-ta ləm tɔ, ɓa d’aw ɓəi mbata néje lai gə́ deḛ d’oo taree gə mbi dee ləm, gə d’oo gə kəm dee ləm tɔ, to gə́ d’ula dee lé ya.

Jude 1:21

meenoji lə Ala gə́ seḭ sije keneŋ lé rḛ́je keneŋ rḛ́-rḛ́ ŋginaje ne kəmə gə́ gə no̰ gə́ Mbaidɔmbaije Jeju Kristi a kar sí sije ne gə goo meekɔrjol ləa lé ləm tɔ.

1 Samel 2:1

An ra tamaji pana: Meem gə́ kəi ra rɔlel dɔ Njesigənea̰’g. Mbɔl dɔ Njesigənea̰ ɓa Siŋgam ḭ ne dɔ maree’g. M’teḛ tam m’oma̰ ne gə njéba̰je ləm Mbata ma m’al rɔm gə mba la gə́ i la səm lé.