Pakɔsje 13:1 - Maktub gə́ To gə Kəmee

¹ Pa lə Dabid gə́ ar bao-pa mba karee ɔs sə dee lé.

Pakɔsje 13:1 ပူးပေါင်းရင်းမြစ်များ

Maktub gə́ wɔji dɔ Jɔb 13:24

See gelee ban ɓa i iya kəmi səm Undam ne gə́ njeba̰ ləi wa.

Pakɔsje 10:12

Njesigənea̰, maji kari ḭta! Ǝi Ala, maji kari un jii ɓidi gə́ tar ya kari! Ar məəi wəi dɔ njénékəmndooje’g el.

Pakɔsje 35:17

Mbaidɔmbaije, see saar ndɔ gə́ ra ŋga ɓa I a si koo dee gə koo bèe ɓəi wa. Maji kari aḭ bada dɔm’g Ɔrm ne ji dee’g loo-kumum’g lə dee ləm, Taam ne ta ŋgan toboḭje’g lé ləm tɔ.

Pakɔsje 44:24

Mbaidɔmbaije, maji kari ḭta. See ban ɓa i toɓi wa. Maji kari teḛ kəmi ɓó ɔs sí rəw saar gə no̰ el.

Pakɔsje 6:3

Njesigənea̰, maji kari oo kəm lootondoo’g Mbata siŋgam godo. Njesigənea̰, maji kari ɔr rɔko̰ lé rɔm’g. Mbata rɔmje lai unda bala tigi-tigi.

Pakɔsje 74:1

Pakɔs lə Asap. Ǝi Ala, see gelee ban ɓa i uba dee ya̰ dee gə no̰ ɓəi wa. See gelee ban ɓa oŋg ləi ḭ səi gə́ kédé-kédé Ari ḭ ne gə koso-nékulje ləi Gə́ d’aar loo-ko̰-mu’g ləi lé tɔɓəi wa.

Pakɔsje 80:4

Ǝi Ala, maji kari tel un sí ur sí tar ya, Ar kəmi to jḛ̀ dɔ sí’g Ndá j’a kaji ne ya.

Pakɔsje 85:5

I Ala gə́ to njekaji lə sí lé Maji kari tel gɔl sí unda sí gə́ majee gogo, Oŋg ləi gə́ ari ḭ ne sə sí lé Maji kari ya̰ gée ya.

Pakɔsje 89:46

Ndɔ basa ləa lé I aree aw ne gə kuree waga ba, I ar rɔkul dəb dəa’g tɔ.

Pakɔsje 90:14

Teḛ gə ndɔ gə ndɔje kára-kára lai lé Ar meemaji ləi taa meḛ sí pəl-pəl Ndá j’a síje ne dan rɔlel’g gə dan rɔkal’g saar ndɔ kwəi lə sí ya.

Esai 59:2

Nɛ to néra majel lə sí ɓa Tḭ sí gə Ala lə sí ləm, To kaiyaje lə sí ɓa Ɔg sí loo koo kəmee ləma, Gə ɔgee koo ta lə sí ləm tɔ.

Nɔ̰-ndôo gə́ wɔji dɔ Jerusalem 5:20

See gelee ban ɓa i a kar məəi wəi dɔ sí’g ləm, A kuba sí kya̰ sí gə no̰ ləm tɔ wa.

Tel tura Godndu 31:17

Mee ndəa’g neelé oŋg ləm a kḭ səm pu dɔ dee’g. M’a kuba dee kya̰ dee ləm, m’a tel girim kila kar dee ləm tɔ. Ginkoji dəwje gə raŋg d’a rum dee ləm, némajelje bula d’a teḛ dɔ dee’g ləma, d’a si dan kəmndoo’g ləm tɔ ndá d’a pana: See to mbata Ala lə sí gə́ si mbuna sí’g el lé ɓa némajelje neelé teḛ ne dɔ sí’g gə mbəa el wa.