Pakɔsje 128:2 - Maktub gə́ To gə Kəmee

² Bèe ɓa i iŋga rɔlel dɔ kula’d gə́ i ra gə jii ləm, Rɔi leli ari si ne dan maji’g ləm tɔ.

Pakɔsje 128:2 ပူးပေါင်းရင်းမြစ်များ

Gḭ-Néje 3:19

I a kinja təd ŋgo nɔḭ’g bur ɓa A sɔ né ɓəi Saar i a kandə ne naŋg gogo Loo gə́ i ḭ keneŋ lé, Mbata i to nduji naŋg Ndá i a tel to nduji naŋg gogo ya tɔ.

Pakɔsje 1:3

Yeḛ to asəna gə kag gə́ mea̰ mbɔr mán’g bèe, Ka̰dee andə gə naḭyee-naḭyee ləm, Kamee kara ndòle el ləm tɔ. Débee neelé néje lai gə́ yeḛ ra lé ɔr dɔ ya.

Pakɔsje 109:11

Maji kar njeɓaŋ ləa lé saa néje ləa lɔd ləm, Maji kar dəw-dɔ-ɓeeje ree d’odo nékiŋgaje ləa rəw ya ləm tɔ.

Njekillamber 8:12

Lé bèe kara ɓó lé Njekaiya ra némajel as gɔl tɔl (100) Si ne ŋgəd-ŋgəd kuree əw kara Ma m’gər gao to gə́ si dan maji’g to Mbata lə deḛ gə́ ɓəl Ala Deḛ d’ila koji dəa’g ya.

Esai 3:10

Maji kar sí ulaje pajena: Njéra nédanaje lé d’a si dan maji’g Mbata d’a kal rɔ dee dɔ kandə néraje’g lə dee.

Esai 62:8

Njesigənea̰ man rəa gə goo ji siŋgamoŋ ləa Ndá yeḛ pana: N’a kun kó ləi kar njéba̰je ləi D’ul ne rɔ dee nda̰ el ləm, Ŋgalə dəw-dɔ-ɓeeje d’a kai mán-nduú ləi Gə́ to kandə néndɔje ləi lé nda̰ el ləm tɔ.

Esai 65:13

Gelee gə́ nee ɓa Mbaidɔmbaije gə́ Njesigənea̰ pa togə́bè pana: Aa ooje, kuraje ləm d’a sɔ né, Nɛ ɓó a ra sí-seḭ, Aa ooje, kuraje ləm d’a kai mán, Nɛ seḭ lé kṵdaman a ra sí, Aa ooje kuraje ləm d’a kal rɔ dee, Nɛ seḭ lé rɔkul a dəb dɔ sí’g,

Jeremi 22:15

See i o̰ ɓee Mbata mal kag-sɛdrəje gə́ wa məəi wa. See bɔbi sɔ né gə ai né el wa. Nɛ yeḛ nja gaŋg rəwta gə goo rəbee ləm, Gə dɔ najee ləm tɔ Ndá yeḛ si ne dan rɔlel’g.

1 Njé gə́ Kɔrḭtə 15:58

Togə́bè ɓa, ŋgakɔmje gə́ m’unda sí dan kəm’g lé aarje kenḛg njaŋg ɓó ləŋje el. Raje kula lə Mbaidɔmbaije gə ŋgaŋgee béréré-béréré mbata seḭ gərje gao, kula gə́ seḭ raje ulaje rɔ sí ndubu keneŋ arje Mbaidɔmbaije lé a tel to né gə́ gə mḭdé el.

Njé gə́ Epesə 6:3

Yen ɓa dɔ naŋg nee gə́ seḭ sije keneŋ lé kur sí a kəw keneŋ waga ləm, rɔ sí a lel sí ne yaa̰ ləm tɔ.

Tel tura Godndu 28:11

Njesigənea̰ a daa sí gə némajije kar ŋgan meḛ síje, gə ŋgan meḛ nékulje lə sí, gə kandə néje gə́ dɔ naŋg’d lə sí d’ḭ dɔ maree’d gə́ kédé-kédé mee ɓee gə́ Njesigənea̰ man rəa ar bɔ síje-je gə mba kar sí lé.

Tel tura Godndu 28:39

Seḭ a ma̰aje nduúje lə sí ləm, a ndɔ deeje bur-bur ləm tɔ, nɛ seḭ a kaije mán dee el, seḭ a kinjaje kandə dee el mbata kɔrèje d’a sɔ dee ŋgər-ŋgər.

Tel tura Godndu 28:4

Ŋgan meḛ síje ləm, gə kandə néje gə́ dɔ naŋg’d lə sí ləma, gə ŋgan meḛ koso-nékulje lə sí gə́ boi-boi gə njé gə́ lam-lam ləm tɔ lé néje nee lai lé ndutɔr a nai dɔ dee’g.

Tel tura Godndu 28:51

Deḛ d’a sɔ ŋgan nékulje lə sí gə kandə néje gə́ dɔ naŋg’d lə sí saar kar sí godoje ne, d’a kya̰ kó lə sí el ləm, gə mán-nduú lə sí el ləm, gə ubu lə sí el ləma, ŋgan nékulje lə sí gə́ boi-boi əsé njé gə́ lam-lam el ləm tɔ saar kar sí uduje ne bo̰.

Tel tura Godndu 28:8

Njesigənea̰ a kun ndia mba kar ndutɔr nai sə sí dɔ damje’g lə sí ləm, gə dɔ kulaje lai gə́ seḭ a raje ləm tɔ. Yeḛ a tɔr ndia dɔ sí’g gə néje gə́ gə ria-ria mee ɓee’d gə́ Njesigənea̰, Ala lə sí ar sí lé.