Pakɔsje 125:5 - Maktub gə́ To gə Kəmee

⁵ Nɛ deḛ gə́ d’un goo rəwje gə́ nduni koŋ-koŋ lé Maji kar Njesigənea̰ tuji dee na̰’d gə njéra némajelje lé. Maji kar meelɔm lé nai dɔ Israɛlje’g ya.

Pakɔsje 125:5 ပူးပေါင်းရင်းမြစ်များ

2 Samel 22:22

Mbata ma lé m’aa dɔ rəwje lə Njesigənea̰ kər-kər ya. Ta kára kara wa dɔm no̰ Ala’g lé ləm el.

Maktub gə́ wɔji dɔ Jɔb 23:11

Ma m’un dɔ gɔlee lad-lad ya. Ma m’aa dɔ rəw ləa kər-kər ɓó m’aw yo-yo nee-nee el.

Pakɔsje 101:3

M’a kar némajel kára kara to nɔm’g el, Néra njékaiyaje lé to kḛji kəm’g, Néra deeje lé m’a tibi mbɔree el.

Pakɔsje 128:6

I a koo ŋgan meḛ ŋganije gə kəmi ya. Maji kar meelɔm lé nai dɔ Israɛlje’g ya.

Pakɔsje 40:4

Yeḛ ula pa gə́ sigi tam’g Am m’pidi ne Ala lə sí ya, Dəwje bula d’a koo ndá d’a ɓəl ləm, D’a kɔm meḛ dee dɔ Njesigənea̰’g ləm tɔ.

Pakɔsje 92:10

Ǝi Njesigənea̰, aa oo, njéba̰je ləi lé Aa oo, njéba̰je ləi lé d’udu guduru mba̰, Deḛ lai gə́ ra né gə́ majel lé kara sané kad mba̰ tɔ.

Pakɔsje 92:7

Dəw gə́ njegərnéel lé Gər né kára bèe el ləm, Mbə-dəw lé kara Kəmee inja dɔ’g el ləm tɔ.

Pakɔsje 92:8

Ɓó lé njémeeyèrje ra tɔg gə́ kédé-kédé to gə́ mu bèe ləm, Ɓó lé deḛ gə́ ra némajel lé d’idi pug-pug ləm tɔ kara To mba kar dee d’udu ne guduru gə no̰ ya.

Pakɔsje 94:4

Deḛ pata pəd-pəd ləm, Deḛ pata ti ne rɔ dee ləm tɔ. Deḛ lai gə́ to njéra némajelje lé D’ɔs gaji rɔ dee tɔ.

Gosota-Kəmkàrje 14:14

Njera né kori-kori lé rəw-kabeeje ɓa wa mee, Nɛ njemeemaji lé né gə́ maji gə́ to mée’g ɓa asee tɔ.

Gosota-Kəmkàrje 2:15

Deḛ gə́ rəwje lə dee ɔr goŋ ləm Gə kila-rəwje lə dee nduni koŋ-koŋ ləm tɔ,

Gosota-Kəmkàrje 21:16

Dəw gə́ uba goo rəw kəmkàr ya̰ lé A kwa rəa loo-mbo̰-dɔ-na̰’g lə njé gə́ d’wəi.

Esai 54:10

Lée mbalje d’a ŋgəs gə́ raŋg ləm, Lée dɔdərlooje d’a yə ləm tɔ kara Meenoji ləm a ŋgəs rɔ sí’g nda̰ el ləm, Maa̰ rɔ ləm gə́ wɔji dɔ meekulɔm lé M’a kya̰ gée el ləm tɔ, Njesigənea̰ gə́ to njekoo kəmtondoo lə sí ɓa pa bèe.

Esai 54:13

Ŋganije lai gə́ diŋgam lé D’a to njekwakila Njesigənea̰-je ləm, Némajije d’a daa na̰ rɔ ŋganije’g lé rib-rib ləm tɔ.

Esai 59:8

Rəw meelɔm lé Kəm dee tɔ dɔ’g sum-sum, Néra gə́ gə dɔ najee kara Godo rəw-kaw dee’g tɔ, Deḛ d’un rəwje gə́ nduni koŋ-koŋ, Nana ɓa gə́ taa rəw-kaw dee njaa keneŋ ndá Iŋga meekulɔm nda̰ el.

Jeremi 2:19

Meeyèr lə sí a kwɔji sí kəmkàr ləm, Kalta lə sí a kar bo̰ néra sí Ɔs ta sí’g ləm tɔ. Bèe ɓa seḭ a kooje gao To gə́ kuba Njesigənea̰, Ala lə sí kyá̰ ləm, Gə lal ɓəlee ləm tɔ lé To né gə́ majel gə adə ta’g mbag-mbag ya, Mbaidɔmbaije gə́ Njesigənea̰ Gə́ njeboo-néje gə́ dara ɓa pa bèe.

Ejekel 37:26

N’a manrɔ neḛ gə manrɔ gə́ ka̰ meelɔm kar dee ndá manrɔ gə́ to gə no̰ a to mbuna neḛ sə deeje’g. N’a kunda dee tor dee’g ləm, n’a kar bula lə dee ḭ dɔ maree’d gə́ kédé-kédé ləma, n’a kar loo lə neḛ gə́ to gə kəmee to dan dee’g saar gə no̰ ləm tɔ.

Ojee 2:18

Njesigənea̰ pana: Mee ndəa’g neelé Yeḛ a ɓarm ŋgabeeje Ɓó yeḛ a ɓar rəa ɓər ləm el ŋga!

Soponi 1:6

Deḛ gə́ tel gir dee d’ar Njesigənea̰ ləm, Gə deḛ gə́ ndolè Njesigənea̰ el ləma, Gə dəjee ta el ləm tɔ.

Matiyo 7:23

Yen ŋga m’a kula dee kəm dəwje’g təsərə pana: Ɔdje tam’g gə́ raŋg, seḭ lai gə́ toje njéra némajelje lé, kəm kara m’ila dɔ sí’g ndɔ kára bèe el.

Lugu 11:25

Loo gə́ yeḛ tel ree keneŋ ndá to gə́ kwa rəw-rəw ləm, ndaŋg néje keneŋ bəndərə ləm tɔ.

Tagə́maji gə́ Ja̰ ndang 14:27

Ma m’ya̰ sí gə meekulɔm, nɛ meekulɔm ləm ya m’ar sí. Ma lé m’ar sí to gə́ naŋg nee ɓa ar sí lé el. Maji karje meḛ sí pélé wəs-wəs el ləm, gə ɓəlje el ləm tɔ.

Njé gə́ Galati 6:16

Maji kar meekulɔm gə meekɔrjol ɔm dɔ njékun rəwje gə́ nee lai ləm, gə dɔ Israɛlje gə́ ka̰ Ala ləm tɔ.

Njé gə́ Pilibə 2:15

Togə́bè ɓa seḭ a sije gə ta kára kara dɔ sí’g el ləm, meḛ sí a kila ɓal el ləm tɔ. Yee ɓa seḭ a toje ŋgan-Alaje gə́ njémeekarabasurje mbuna ginkoji dəwje gə́ to njékaw kori-korije gə njéndɔji pɔdɔdɔje ləm, seḭ a ndoḭje dan dee’g asəna gə pərŋgel gə́ ndogó loondul’g ləma,

Ǝbrəje 10:38

Meekun ɓa njemeekarabasur ləm a si ne kəmba lé Nɛ ɓó lé yeḛ sa rəa rəw ndá məəm a ndá dəa’g el.

1 Piɛrə 1:2

deḛ gə́ Ala Bɔ síje kuma̰ dee mée’g mbər dee ləm, gə Ndil kara ɔr dee kəmee’g, mbər dee ne ləm tɔ, mba kar dee d’ila ŋgonkoji dɔ Jeju Kristi’g mba kar məsee gə́ saa dɔ naŋg neelé wɔji dɔ dee-deḛ ya. Maji kar noji gə meelɔm uru na̰ gə gɔlee gə́ dɔ sí’g dɔ sí’g.