Pakɔsje 122:6 - Maktub gə́ To gə Kəmee

⁶ Dəjije gə mba kar Jerusalem si dan meelɔm’g Maji kar deḛ gə́ d’undai dan kəm dee’g lé D’isi dan meelɔm’g tɔ.

Pakɔsje 122:6 ပူးပေါင်းရင်းမြစ်များ

Gḭ-Néje 12:3

M’a tɔr ndum dɔ deḛ gə́ tɔr ndu dee dɔi’g ləm, m’a kila ndɔl dɔ deḛ gə́ d’ila ndɔl dɔi’g ləm tɔ. Ginkoji dəwje lai dɔ naŋg nee d’a kiŋga dɔkaisəgərə rɔi’g ya.

Nehemi 11:1

Mbai dɔ koso-dəwje-je ree d’isi Jerusalem. Ges koso-dəwje ra né asəna gə téḛ bèe mba kiŋga ne dəw kára mbuna deḛ gə́ dɔg’d karee ree si Jerusalem gə́ to ɓee gə́ to gə kəmee gə mba kar deḛ gə́ jinaikara lé d’a nai mee ɓee-booje’g tɔ.

Nehemi 11:2

Koso-dəwje tɔr ndu dee dɔ dee-deḛ lai gə́ d’ḭ gə meḛ dee mba ree si Jerusalem lé.

Este 4:8

Yeḛ aree maktub ndukun gə́ d’ila mberee mee ɓee gə́ Susə gə mba tuji dee ne gə mba karee tɔji Este gə mba karee gər néje lai. Tɔɓəi yeḛ un ndia mba kar Este aw rɔ mbai’g aw ra ndòo rəa’g dəjee mba karee ra meemaji gə ginkoji ləa tɔ.

Pakɔsje 51:18

Ɓó lé i ndigi kam m’inja nékinjanéməsje m’ari ndá M’a kinja kari ya, Nɛ nékinjanéməsje gə́ roo lé taa kəmi el.

Esai 62:7

Maji kar sí areeje wa rəa el Saar karee gɔl ne Jerusalem gogo Gə mba karee to gə́ nérɔnduba gə́ dɔ naŋg nee.

Esai 66:10

Seḭ lai gə́ undaje Jerusalem dan kəm sí’g lé Raje səa rɔlel ləm, Areeje to gə́ nékalrɔ lə sí ləm tɔ. Seḭ lai gə́ waje ndòo-yée lé Talje səa jagəra-jagəra gə rɔlel,

Jeremi 29:7

Saŋje maji lə ɓee-boo gə́ n’aw sə sí gə́ ɓər keneŋ ləm, raje tamaji ta Njesigənea̰’g mbata ləa ləm tɔ mbata mbɔl dɔ si maji lə ɓee-boo neelé ɓa seḭ kara a síje ne gə́ majee tɔ.

Jeremi 51:50

Seḭ gə́ teḛje ta yoo-kiambas’g lé Awje ɓó ɔsje gɔl sí naŋg gèŋ el! Loo gə́ seḭ síje dɔ naŋg gə́ əw lé Arje meḛ sí olé dɔ Njesigənea̰’g ləm, Arje meḛ sí to dɔ Jerusalem’g bururu ləm tɔ.

Bula lə Israɛlje 24:9

Deḛ d’udu kəji dee ndugu to ne naŋg asəna gə toboḭ, asəna gə ko̰ toboḭ bèe: See na̰ ɓa a kar dee d’uba naŋg d’ḭ wa. Maji kar ndutɔr nai gə yeḛ gə́ tɔr ndia dɔ sí’g ləm, Maji kar ndɔl wa dɔ yeḛ gə́ pata ila ne ndɔl dɔ sí’g ləm tɔ!

Tagə́maji gə́ Ja̰ ndang 17:21

mba kar dee d’ɔm ne meḛ dee na̰’d sad to gə́ jeḛ səi-i Bɔm j’ɔm ne meḛ sí na̰’d sad bèe tɔ, togə́bè ɓa deḛ kara d’a kɔm ne meḛ dee na̰’d sad sə sí mba kar dəwje gə́ dɔ naŋg nee d’ɔm meḛ dee dɔm’g to gə́ i nja gə́ njekulam lé ya.

Njé gə́ Epesə 4:3

Ulaje rɔ sí ndubu mba kar kúla noji gə́ tɔ sí na̰’d nəji lé gaŋg el.

2 Njé gə́ Tesalonikə 3:16

Maji kar Mbaidɔmbaije gə́ njeyelko meelɔm lé yel kó meelɔm meḛ sí’g gə lée-lée ləm, gə kəmee-kəmee ləm tɔ. Maji kar Mbaidɔmbaije nai sə sí lai-lai tɔ.

1 Ja̰ 3:14

Jeḛ lé jeḛ n’gər gao, j’unda loo-yoo ŋgaŋ j’uru loo kəmə’g lé mba̰ mbata jeḛ j’unda ŋgako̰ síje dan kəm sí’g. Yeḛ gə́ unda ŋgokea̰ dan kəmee’g el ndá yeḛ nai dan loo-yoo’g ɓəi.

1 Samel 12:23

Ma ɓa yḛ̀ m’a lal ra tamaji ta Njesigənea̰’g mbata lə sí el nà a tel to kaiya gə́ m’a kɔs ne Njesigənea̰ rəw ya. Nɛ m’a ndoo sí rəw gə́ maji ləm gə gə́ danasur lé ləm tɔ.