Pakɔsje 122:5 - Maktub gə́ To gə Kəmee

⁵ Mbata lé neelé Kalimbaije gə́ wɔji dɔ meekarabasur to keneŋ, To kalimbaije lə ŋgaka Dabid.

Pakɔsje 122:5 ပူးပေါင်းရင်းမြစ်များ

2 Samel 8:18

Seraja to njendaji-maktub, Benaja, ŋgolə Jeojoda to mbai dɔ Keretje gə Peletje, ndá ŋgalə Dabid lé to njékinjanéməsje tɔ.

1 Mbaije 7:7

Deḛ ra gel jala gə́ wɔji dɔ kalimbai loo gə́ yeḛ a gə gaŋg rəwta gə́ gə dɔ najee, aree to gel jala gə́ ka̰ gaŋg-rəwta’g, deḛ dolè gə kag-sɛdrə, ḭ ne naŋg saar ɔs ne gel kəmpər tɔ.

2 Sôrta Gḭka Israɛlje 11:22

Roboam ɔr Abija, ŋgolə Maaka undá gə́ mbai mbuna ŋgakea̰je’g mbata yeḛ ndigi kundá gə́ mbai tɔ.

2 Sôrta Gḭka Israɛlje 19:8

Loo gə́ deḛ tel ree Jerusalem ndá Josapat unda Ləbije ləm, gə njékinjanéməsje ləma, gə mbai dɔ gel-bɔje lə Israɛlje ləm tɔ mba kar dee to njégaŋ-rəwtaje lə Njesigənea̰ ləm, mba kar dee gɔl ta gə́ to mbuna koso-dəwje’g ləm tɔ.

Tel tura Godndu 17:18

Loo gə́ yeḛ a si kalimbai ko̰ɓee’g ləa ndá godndu neelé gə́ yeḛ a taa ji njékinjanéməsje’d gə́ to Ləbije lé yeḛ a tel ndaji taree mee maktub’g mbata ləa-yeḛ.

Tel tura Godndu 17:8

Ɓó lé ta gə́ wɔji dɔ tɔl dəw əsé tamaḭ əsé kar dəw doo lé dum sí ar sí asjekəm gaŋgje rəwta tarəwkɔg’d lə sí el ndá ḭje awje ne loo gə́ Ala lə sí gə́ Njesigənea̰ a kɔr kunda gə kəmee lé.