Pakɔsje 121:8 - Maktub gə́ To gə Kəmee

⁸ Njesigənea̰ a kaa dɔi loo-kabi’g ləm, gə loo-teli’g ləm tɔ, Un kudee ɓasinè saar gə no̰.

Pakɔsje 121:8 ပူးပေါင်းရင်းမြစ်များ

2 Samel 5:2

Kédé gə́ ləw lé loo gə́ Sawul to ne mbai lə sí lé ya kara to i ɓa ɔr no̰ Israɛlje aw sə dee raga ləm, gə tel sə dee ɓée ləm tɔ. Tɔɓəi Njesigənea̰ ulai pana: I a kul koso-dəwje lə neḛ gə́ Israɛl ləm, i a to mbai dɔ Israɛlje’g ləm tɔ.

Esdras 8:21

Lée gə́ nee, gə́ to mbɔr baa gə́ Ahaba lé ɓa ma m’ila mber kɔg-mee-ɓoo keneŋ, gə mba kar sí j’oso ne kul no̰ Ala’g lə sí mba ra ndòo rəa’g karee ar rəw-kaw sí to gə́ majee mbata lə síjeḛ ləm, gə mbata lə ŋgan síje ləma, gə mbata némajije lə sí lai ləm tɔ.

Esdras 8:31

Yen ŋga jeḛ j’ḭ ta baa gə́ Ahaba mba kaw Jerusalem mee ndɔ gə́ njekɔm’g dɔg-giree-joo mee naḭ gə́ dɔtar’g. Ndá ji Ala lə sí to dɔ sí’g aree ɔr sí ne ji njéba̰je’g lə sí ləm, gə ji deḛ gə́ d’um sí gə rəw-rəw lé ləm tɔ.

Pakɔsje 113:2

Maji kar dɔ ri Njesigənea̰ ai səgərə Un kudee ɓasinè saar-saar gə no̰ ya!

Pakɔsje 115:18

Nɛ jeḛ lé j’a kunda no̰ dɔkaisəgərə lə Njesigənea̰ Un kudee ɓasinè saar-saar gə no̰ ya. Pidije Njesigənea̰ ya.

Pakɔsje 125:2

To gə́ mbalje gugu ne dɔ Jerusalem sub bèe lé Njesigənea̰ kara aḭ bada dɔ dəwje’g ləa togə́bè ya ləm tɔ Un kudee ɓasinè ləm, saar-saar gə no̰ ləm tɔ.

Pakɔsje 131:3

Seḭ Israɛlje lé maji kar sí undaje meḛ sí yel gə́ dɔ Njesigənea̰’g Un kudee ɓasinè saar gə no̰ ya.

Gosota-Kəmkàrje 2:8

Gə mba ŋgəm ne kila-rəwje Gə́ ka̰ néra gə́ gə dɔ najee ləm, Gə mba gəd ne majikojije ləa Dɔ rəw-kaw dee’g ləm tɔ.

Gosota-Kəmkàrje 3:6

Maji kari gəree rəw-kabije’g lai Ndá yeḛ a kar kila-rəwkabije d’asəna rai-rai.

Tel tura Godndu 28:19

Ndɔl a kwa dɔ sí loo gə́ seḭ a reeje kəi ləm, gə loo gə́ seḭ a kawje raga ləm tɔ.

Tel tura Godndu 28:6

Ndutɔr a nai dɔ sí’g loo gə́ seḭ a reeje kəi ləm, ndutɔr a nai dɔ sí’g loo gə́ seḭ a gə kawje raga ləm tɔ.