Pakɔsje 12:6 - Maktub gə́ To gə Kəmee

⁶ Njesigənea̰ pana: Njénékəmndooje lé d’ula kəm dee ndòo ləm, Njéndooje kara tuma̰ gə no̰ ŋgururu-ŋgururu ya ləm tɔ. Bèe ndá ɓasinè n’a kḭ ra né ya. N’a la gə deḛ gə́ d’oma̰ sə dee D’ar dee d’aw ne jələ-jələ lé.

Pakɔsje 12:6 ပူးပေါင်းရင်းမြစ်များ

2 Samel 22:31

Rəwje lə Ala to maji ɔr njoroŋ ya. Ta lə Njesigənea̰ lé kara to ta gə́ to njaŋg tɔ. Yeḛ to dər-rɔ lə deḛ lai Gə́ d’ɔm meḛ dee dəa’g.

Maktub gə́ wɔji dɔ Jɔb 20:19

Mbata yeḛ ra kədərə gə njéndooje ya̰ dee dan nékəmndoo’g ləm, Yeḛ taa kəije gə́ yeḛ ra el gə siŋgamoŋ ləm tɔ.

Maktub gə́ wɔji dɔ Jɔb 28:1

Larnda lé bwa gə́ ka̰ kɔr keneŋ to gən ləm, Larlɔr lé kara loo tɔgee karee àr ŋgad-ŋgad to gən ləm tɔ.

Pakɔsje 119:140

Ta ləi to ta gə́ to njaŋg ya, Kura ləi lé undá dan kəmee’g tɔ.

Pakɔsje 18:30

Mbɔl dɔi-i nja ɓa M’ta̰ ne mbuna kudu-njérɔje m’teḛ ləm, Mbɔl dɔi-i Ala ləm lé ɓa M’al ne dɔ ndògo-bɔrɔ m’ur ne naŋg raga ləm tɔ.

Pakɔsje 19:8

Godndu Njesigənea̰ lé to maji dum, Yee ɓa ar dəw aji ne, Ndukunje lə Njesigənea̰ to kankəmta Gə́ kəm kɔm mee dɔ’g, D’ar njegərnéel lé tel to njekəmkàr.

Pakɔsje 66:10

Ǝi Ala, i nja naa sí I naa sí to gə́ deḛ ndiri ne lar loo-kula-bṵda’g bèe.

Pakɔsje 76:10

Loo gə́ Ala ḭ mba gaŋgta Gə mba kaji ne njénékəmndooje lai gə́ dɔ naŋg nee.

Pakɔsje 9:13

Mbata yeḛ dal ba̰ məs ləm, Yeḛ ar mée olé dɔ njénékəmndooje’g ləm tɔ,

Teḛ-Raga 3:7

Njesigənea̰ pana: Ma m’oo kəmtondoo lə koso-dəwje ləm gə́ d’isi Ejiptə, m’oo ndu no̰je lə dee gə́ njékula kəm dee ndooje d’ar dee no̰ ne ləm tɔ, mbata ma m’gər némeekonje lə dee gao ya.

Teḛ-Raga 3:8

Bèe ɓa ma m’ree mba kɔr dee ji Ejiptəje’g ləm, gə mba kɔr no̰ dee teḛ sə dee mee ɓee gə́ maji gə́ tad yaa̰ ləm tɔ, to ɓee gə́ mbà to keneŋ yaa̰ ləm, ubu tə̰ji kara to keneŋ yaa̰ ləm tɔ, to loo-si Kana̰je ləm, gə Hetje ləm, gə Amɔrje ləm, gə Peresje ləm, gə Hebje ləma, gə Yebusje ləm tɔ.

Teḛ-Raga 6:1

Njesigənea̰ ula Moyis pana: Ɓasinè i a koo né gə́ m’a gə ra gə Parao̰, ji siŋgamoŋ gə́ ɓar mèr-mèr lé ɓa a kɔsee ɓɔḭ-ɓɔḭ gə mba karee ya̰ dee ar dee d’aw ləm, ji siŋgamoŋ gə́ ɓar mèr-mèr lé ɓa a kɔsee karee tuba dee ne mee ɓee’g ləa ləm tɔ.

Gosota-Kəmkàrje 22:23

Mbata Njesigənea̰ a koso gel dee’g ləm, Yeḛ a kɔr kəmə lə dee-deḛ gə́ njekwa dee néje lə dee taaje lé ləm tɔ.

Gosota-Kəmkàrje 30:5

Taje lai gə́ Ala pa lé to taje gə́ àr ŋgad-ŋgad. Yeḛ to dər lə deḛ gə́ saŋg njo̰loo-kula-dɔ dee rəa’g.

Esai 14:22

Njesigənea̰ gə́ njeboo-néje pa togə́bè pana: N’a kḭ rɔ sə dee tuji ne ri ɓee gə́ Babilɔn gə ges loo ləa gə́ nai ləm, gə ŋgakeaje-je gə ginkojeeje pugudu-pugudu ləm tɔ, Njesigənea̰ ɓa pa bèe.

Esai 33:10

Ɓasinè, m’a kuba naŋg kḭ, Njesigənea̰ pa bèe, Ɓasinè, m’a kur dɔ loo’g ləm, Ɓasinè, d’a kula rɔnduba dɔm’g ləm tɔ.