Pakɔsje 119:9 - Maktub gə́ To gə Kəmee

⁹ See ŋgon gə́ basa lé A ra kila-rəw ləa karee təd pal ŋgad-ŋgad to gə́ ban wa. Maji karee njaa gə goo ta ləi ɓa.

Pakɔsje 119:9 ပူးပေါင်းရင်းမြစ်များ

2 Sôrta Gḭka Israɛlje 6:16

Ɓasinè Njesigənea̰, Ala lə Israɛlje, maji kari aa dɔ ndukun gə́ i un ar bɔm Dabid gə́ to kura ləi lé loo gə́ i ulá ne pana: Ɓó lé ŋganije d’unda kəmkàr dɔ panjaa dee’g d’aa ne dɔ godndum kər-kər to gə́ i ra bèe no̰m’g ndá i a lal njetaa tori dɔ kalimbai’g lə Israɛlje nda̰ el.

Maktub gə́ wɔji dɔ Jɔb 1:5

Loo gə́ ndɔ muru-gadje lé dəs mba̰ ndá Jɔb ɓar ŋganeeje ree unda dee gə kəmee, tɔɓəi yeḛ uba naŋg ḭta gə ndɔ rad inja nékinjaməs gə́ ka̰ roo mbata lə dee kára-kára lai. Mbata Jɔb pana: Banelə ŋgan neḛje ra kaiya d’ar meḛ dee ɔs gel gə Ala. Yee ɓa gə́ né gə́ Jɔb ra ta-ta ya.

Maktub gə́ wɔji dɔ Jɔb 13:26

Mbata i ndaŋg taje gə́ kədərə pa ne səm ta ləm, I ar bo̰ néra kori-korije gə́ m’ra gə basəm ba ya ɔs tam’g ləm tɔ.

Pakɔsje 119:11

Ma lé m’wa məəm kɔgərɔ dɔ ta’g ləi Gə mba karm m’ra kaiya m’ɔsi ne rəw el.

Pakɔsje 17:4

Loo gə́ ma m’oo néra dəwje Gə́ to majikojije dɔ ta gə́ teḛ tai’g ndá M’ɔg rɔm dɔ rəw-kaw njéra né kərm-kərmje’g.

Pakɔsje 25:7

Néramje gə́ to gə goo rəbee el loo gə́ m’nai ne basa ɓəi lé Esé néra kori-korije ləm kara Ar məəi olé teḛ dɔ’g el. Ǝi Njesigənea̰, ar məəi olé teḛ dɔm’g gə goo meekɔrjol ləi ləm, Gə goo meemaji ləi ləm tɔ.

Pakɔsje 34:11

Ŋgan toboḭje lé Ɓó ra dee ləm, lab ɔr dee ləm tɔ, Nɛ deḛ gə́ ndolè goo Njesigənea̰ lé Némaji kára kara lal dee nda̰ el.

Gosota-Kəmkàrje 1:10

Ŋgonəm, ɓó lé njékaiyaje Ndigi su kəmi ndá Maji kari ndigi sə dee dɔ’g el.

Gosota-Kəmkàrje 1:4

Gə mba kar deḛ gə́ meḛ dee tɔ kujitar el lé Gər kɔr kəm né ləm, Gə mba kar basa gər ne né Karee la̰ji ne toree mée’g ləm tɔ.

Gosota-Kəmkàrje 2:11

Ta gə́ i iya məəi’g lé A kaa dɔi kər-kər ləm, Gosɔnégər a ŋgəmi maji ləm tɔ

Gosota-Kəmkàrje 4:1

Ŋganje, ooje tandoo lə bɔ ŋganje, Urje mbi sí gèŋ mba gər ne gin takəmkàr,

Gosota-Kəmkàrje 7:7

M’aa loo m’oo mbuna deḛ gə́ to njégərnéelje’g, mbuna basaje’g lé Ndá m’oo ŋgon gə́ kəmkàr na mée tas.

Njekillamber 11:9

I basa lé maji kari al rɔi loo nai basa’g ləi ləm, ya̰ məəi ar rɔlel mee ndɔje lai gə́ i to ne gə́ basa lé ləm, njaa gə goo rəwje gə́ məəi wɔji ləma, gə goo loo gə́ kəmi oo lé ləm tɔ. Nɛ maji kari gər gao to gə́ néje lai neelé Ala a gə kar dee ree dɔi’g loo-gaŋg-rəwta’g ya ɓəi.

Lugu 15:13

Ndɔje aḭ bula bəl ndá ŋgon gə́ ndɔḭ lé ḭ kiri néje ləa rigim sa ne rəa aw ne ɓee gə́ əw, aw sané néje ləa kɔ loo-kaiya’g.

Tagə́maji gə́ Ja̰ ndang 15:3

Ta ləm gə́ ma m’ɔr m’ula sí lé seḭ àrje ne raŋg-raŋg mba̰.

Tel tura Godndu 17:18

Loo gə́ yeḛ a si kalimbai ko̰ɓee’g ləa ndá godndu neelé gə́ yeḛ a taa ji njékinjanéməsje’d gə́ to Ləbije lé yeḛ a tel ndaji taree mee maktub’g mbata ləa-yeḛ.

2 Timote 2:22

Sa rɔi rəw dɔ mal néje gə́ ra basaje ndá tel ndolè goo meekarabasur ləm, gə meekun ləm, gə meenoji ləma, gə meelɔm ləm tɔ, ɔm ne na̰’d gə deḛ gə́ ɓar ri Mbaidɔmbaije gə meenda kɔr jol-jol.

Jujé 1:7

Wa rɔi kɔgərɔ ya ləm, wa diŋgam məəi’g ləm tɔ gə mba ra néje lai gə goo godndu Moyis gə́ to kura ləm gə́ yeḛ un ari lé. A ra karee ɔr rɔd ɓó a k’aw ne yo-yo nee-nee el, bèe ɓa né gə́ rara gə́ i a gə ra lé a teḛ mbi gə teḛ boo ya tɔ.