Pakɔsje 119:4 - Maktub gə́ To gə Kəmee

⁴ I nja un ndukunje ləi lé Mba kar dee tɔs kəm dee dɔ’g bao-bao.

Pakɔsje 119:4 ပူးပေါင်းရင်းမြစ်များ

Esdras 7:21

Ma mbai Artajerjɛs lé ma m’un ndum m’ar sí-seḭ gə́ toje njékaa dɔ nébaoje gə́ síje kel tura-baa gə́ nu gə mba kar néje lai gə́ Esdras gə́ to njekinjanéməs gə njendaji-maktub gə bao-gər-gin-godndu Ala gə́ si dara lé a dəji sí ndá seḭ a kaareeje ya.

Teḛ-Raga 7:6

Moyis deḛ gə Aaro̰ ra né gə́ Njesigənea̰ un ne ndia ar dee gə mba kar dee ra lé ndá deḛ ra togə́bè ya.

Jeremi 7:23

Nɛ ndukun gə́ m’un m’ar dee ɓa nee: Ooje ndum ndá m’a to Ala lə sí ləm, seḭ a toje dəwje ləm ləm tɔ. Njaaje gə goo rəwje gə́ ma m’tɔji sí mba kar sí síje ne dan rɔlel’g.

Ejekel 20:19

Neḛ n’to Njesigənea̰, Ala lə sí. Maji kar sí unje goo godnduje lə neḛ lad-lad ləm, aaje dɔ ndukunje lə neḛ kər-kər ləma, raje née ləm tɔ.

Matiyo 28:20

Ndoo deeje mba kar dee gər loo kaa dɔ néje lai gə́ m’un ndum m’ar sí lé. Aa ooje ma nja kara m’orè sə sí rəw na̰’d més saar ndɔ gə́ rudu naŋg nee a kun ɗiao.

Tagə́maji gə́ Ja̰ ndang 14:15

Ɓó lé seḭ ṵdamje dan kəm sí’g ndá aaje dɔ godndum kər-kər ɓa.

Tagə́maji gə́ Ja̰ ndang 14:21

Yeḛ gə́ si gə godndumje ɓa aa dɔ dee kər-kər lé ndá yeḛ to gə́ njekṵdam dan kəmee’g ya, yeḛ gə́ to gə́ njekṵdam dan kəmee’g lé Bɔm a kundá dan kəmee’g ya ləm, ma kara m’a kundá dan kəm’g ya ləm tɔ ndá m’a riba səa dɔ rɔm təsərə ya.

Tel tura Godndu 11:13

Ɓó lé seḭ tədje kag godndumje gə́ ma m’un m’ar sí ɓogənè ləm, ɓó lé seḭ undaje Ala lə sí gə́ Njesigənea̰ dan kəm sí’g gə ŋgaw meḛ sí gə rɔ sí bura ləm tɔ ndá

Tel tura Godndu 11:22

Mbata ɓó lé seḭ aaje dɔ godnduje nee gə́ ma m’un m’ar sí lé ləm, ɓó lé seḭ raje née gə mba kunda ne Ala lə sí gə́ Njesigənea̰ dan kəm sí’g gə mba njaa ne dan kila-rəwje’g ləa ləma, gə mba kɔm ne səa na̰’d sad ləm tɔ ndá

Tel tura Godndu 30:16

Mbata ɓogənè m’ula sí təsərə gə mba kar sí undaje Ala lə sí gə́ Njesigənea̰ dan kəm sí’g ləm, gə mba kar sí njaaje gə kila-rəwje ləa ləma, gə mba kar sí aaje dɔ godndiaje gə torndiaje gə ndukunje ləa kər-kər ləm tɔ ɓa gə mba kar sí síje ne kəmba, kar bula lə sí ḭ ne dɔ maree’d gə́ kédé-kédé ləm, kar Ala lə sí gə́ Njesigənea̰ tɔr ne ndia dɔ sí’g mee ɓee gə́ seḭ a gə kaw taaje gə́ né ka̰ sí lé ləm tɔ.

Tel tura Godndu 4:1

Israɛlje, maji kar sí ooje godnduje gə ndukunje gə́ ma m’ndoo sí lé. Maji kar sí raje née gə mba kar sí síje ne kəmba ləm, gə mba kar sí a̰dje ne mee ɓee gə́ Njesigənea̰ Ala lə bɔ síje ar sí gə́ né ka̰ sí lé ləm tɔ.

Tel tura Godndu 4:9

Né kára ba lé undaje kəmkàr dɔ rɔ sí’g ləm, gə aaje dɔ rɔ sí kər-kər ləm tɔ, gə ndɔje lai gə́ seḭ síje ne kəmba lé bèe ɓa néje lai gə́ seḭ oo deeje gə kəm sí lé d’a kigi sí nda̰ el nɛ seḭ a ndooje ŋgan síje taree ləm, a ndooje ŋgan meḛ ŋgan síje kara taree ləm tɔ.

Tel tura Godndu 6:17

Nɛ seḭ a kaaje dɔ tornduje lə Ala lə sí gə́ Njesigənea̰ ləm, gə ndukunje ləa ləma, gə godndiaje gə́ yeḛ ar sí ləm tɔ.

Tel tura Godndu 6:3

Yen Israɛl, oo taje lé ndá tɔs kəmi dɔ’g bao-bao gə mba ra née, gə mba kari sí ne dan rɔlel’g ləm, bula lə sí kara a kḭ ne dɔ maree’d gə́ kédé-kédé ləm tɔ gə́ Njesigənea̰ Ala lə bɔ síje-je un ne ndia ar sí ne ɓee gə́ mbà gə ubu tə̰ji to keneŋ yaa̰ lé.

Jujé 1:7

Wa rɔi kɔgərɔ ya ləm, wa diŋgam məəi’g ləm tɔ gə mba ra néje lai gə goo godndu Moyis gə́ to kura ləm gə́ yeḛ un ari lé. A ra karee ɔr rɔd ɓó a k’aw ne yo-yo nee-nee el, bèe ɓa né gə́ rara gə́ i a gə ra lé a teḛ mbi gə teḛ boo ya tɔ.

1 Ja̰ 5:3

Kaa dɔ godndia kər-kər lé yee ɓa gə́ meenoji gə́ ka̰ Ala ya. Godndiaje lé to né gə́ a ndɔji el