Pakɔsje 119:34 - Maktub gə́ To gə Kəmee

³⁴ Maji kari am gosonégər Mba karm m’aa ne dɔ godndui kər-kər ləm, Gə mba karm m’ra gə ŋgaw məəm bura ləm tɔ.

Pakɔsje 119:34 ပူးပေါင်းရင်းမြစ်များ

Matiyo 7:24

Bèe ndá nana ɓa oo tapam, ra née ndá m’a kée gə́ dəw gə́ inja paw gə́ tum gin kəi ləa dɔ mbal’g.

Maktub gə́ Jak ula ne ar ngan-Allaje 1:5

Lé nana ɓa mbuna sí’g kəmee inja njai el ɓəi ndá maji karee dəji Ala kəmkàr, yeḛ gə́ nana kara aree né gə́ kar ɓó yeḛ tura gée el, yeḛ a karee kəmkàr ya.

Pakɔsje 119:73

Jii ɓa undam ləm, uba ne kag rɔm ləm tɔ, Maji kari am gosonégər Mba karm m’ndoo ne godnduije lé ya.

Maktub gə́ Jak ula ne ar ngan-Allaje 1:25

Nɛ nana ɓa gə́ tən ta godndu gə́ maji ɔr njoroŋ gə́ ɔr ne ɓər dəa’g, ɓó lé yeḛ ai mée sam-sam ɓó un kəmee dɔ’g el ləm, ra née ləm tɔ ndá né gə́ yeḛ ra lé a kɔr dɔ ya.

Tagə́maji gə́ Ja̰ ndang 7:17

Dəw gə́ rara ɓa lé wa mée kɔgərɔ gə mba ra torndia lé ndá ta kɔr ləm gə́ m’ɔr lé m’ɔr gə ka̰ Ala əsé m’ɔr gə́ kama kara yeḛ a gər gao ya.

Pakɔsje 119:69

Njébeeleje lé təd taŋgɔm d’ɔm tam’g, Nɛ ma lé m’aa dɔ ndukunje ləi gə ŋgaw məəm bura ya.

Pakɔsje 119:58

Ma lé m’ra ndòo rɔi’g gə ŋgaw məəm bura, Maji kari oo kəm lootondoo’g gə goo ndukun ləi lé ya.

Pakɔsje 119:10

Ma lé m’sa̰gi gə ŋgaw məəm bura ya, Maji kari ya̰’m am m’ndəm m’aw əw gə godnduije lé el tɔ.

Matiyo 5:19

Yeḛ gə́ al dɔ godndu gə́ tḛ́-tḛ́ bèe, əsé ndoo mareeje gə mba ra togə́bè kara debee neelé d’a kée gə́ dəw gə́ əḭ el ɓeeko̰ gə́ dara ya. Nɛ dəw gə́ aa dɔ godndu neelé kər-kər ləm, gə ndoo mareeje gə mba kar dee ra togə́bè ləm tɔ ndá debee neelé d’a riba dəa təsərə gə́ dəw gə́ boo ɓeeko̰ gə́ dara lé tɔ.

Pakɔsje 111:10

Ɓəl Njesigənea̰ ɓa to gin kəmkàr gə́ dɔtar, Deḛ lai gə́ d’aa dəa kər-kər lé takə̰ji lə dee inja paw. Rɔnduba ləa to saar-saar gə no̰ tɔ.

Maktub gə́ wɔji dɔ Jɔb 28:28

Tɔɓəi yeḛ ula dəw pana: Aa oo, ɓəl Mbaidɔmbaije ɓa to kəmkàr, Kunda rɔi ɓad dɔ néra gə́ majel’g ɓa gə́ gosonégər tɔ.

Maktub gə́ Jak ula ne ar ngan-Allaje 4:11

Ŋgakɔmje, paje gə na̰ ta gə́ majel el. Yeḛ gə́ pata gə́ majel ila dɔ ŋgokea̰’g əsé un dəa dɔ nérea’g ndá yeḛ pata gə́ majel ila dɔ godndu’g lé ləm, yeḛ to njegaŋ-rəwta dəa’g ləm tɔ. Ɓó lé i gaŋg rəwta dɔ godndu’g ndá i to njera née el nɛ i to njegaŋ-rəwta dəa’g.

Tel tura Godndu 4:6

Seḭ a kaaje dɔ dee kər-kər ləm, seḭ a raje née ləm tɔ, mbata yee nee ɓa a to né kəmkàr lə sí ləm, gə gosonégər lə sí ləm tɔ kəm koso-dəwje’d gə́ d’a koo ta godnduje nee lai ndá d’a pa pana: Ginkoji dəwje gə́ boo neelé to koso-dəwje gə́ to njékəmkàrje gə njégosonégərje ya doŋgɔ!

1 Sôrta Gḭka-Israɛlje 22:12

Maji kar Njesigənea̰ ari kəmkàr gə gosonégər ləm, ari o̰ ɓee dɔ Israɛlje’g aa ne dɔ godndu Njesigənea̰, Ala ləi kər-kər ləm tɔ.

Pakɔsje 39:2

Ma m’pana: M’a kunda kəmkàr dɔ tapam’g Nà banelə ta kaiya a teḛ tam’g ya ləm, M’a kila tam maree’g ndag Loo gə́ njemeeyèr a ree kaar nɔm’g ləm tɔ.

Pakɔsje 119:2

Rɔlel nai gə deḛ gə́ d’aa dɔ torndiaje kər-kər Saŋgee ne gə ŋgaw meḛ dee bura ya ləm,

Pakɔsje 119:66

Maji kari ndoom loo kɔr kəm ta gə gosonégər lé Mbata m’ɔm məəm dɔ godnduije’g ya.

Pakɔsje 119:100

Gosɔnégər ləm lé ur dɔ ka̰ ɓugaje’g ya Mbata m’aa dɔ ndukunje ləi kər-kər.

Pakɔsje 119:104

Gə goo ndukunje ləi lé ɓa m’tel ne njegosonégər, Bèe ɓa rəw taŋgɔmje lai lé m’ə̰ji dee bəḭ-bəḭ.

Pakɔsje 119:125

Ma lé m’to kura ləi ya, Maji kari am gosonégər Gə mba karm m’gər ne tornduije lé.

Pakɔsje 119:130

Ta ləi gə́ riba dəa lé ar loo ndogó ne jol-jol Ar deḛ gə́ négər na meḛ dee tas lé d’iŋga gosonégər.

Pakɔsje 119:144

Tornduije lé to gə dɔ najee saar gə no̰, Maji kari am gosonégər mba kam m’isi ne kəmba ya.

Pakɔsje 119:169

Ǝi Njesigənea̰, maji kar ndu no̰ ləm aw njal teḛ rɔi’g, Am gosonégər gə goo ndukun ləi lé.