Pakɔsje 119:2 - Maktub gə́ To gə Kəmee

² Rɔlel nai gə deḛ gə́ d’aa dɔ torndiaje kər-kər Saŋgee ne gə ŋgaw meḛ dee bura ya ləm,

Pakɔsje 119:2 ပူးပေါင်းရင်းမြစ်များ

1 Mbaije 2:3

Maji kari aa dɔ godnduje lə Njesigənea̰, Ala ləi kər-kər ləm, gə njaa kila-rəwje’g ləa ləm, gə aa dɔ godndiaje, gə ndukunje ləa gə rəwta-gaŋgje ləa gə tandooje ləa ləm tɔ gə goo ta gə́ ndaŋg mee maktub godndu’g lə Moyis lé, togə́bè ɓa i a teḛ ne kɔr dɔ néje lai gə́ i a gə ra’g ləm, gə looje lai gə́ i a gə njaa keneŋ ləm tɔ.

1 Sôrta Gḭka-Israɛlje 22:19

Ɓasinè lé ulaje rɔ sí ndubu gə ŋgaw meḛ sí bura, saŋgje ne Ala lə sí gə́ Njesigənea̰, maji kar sí ḭje tar raje kəi-si Njesigənea̰, Ala gə́ to gə kəmee gə mba kar sí reeje gə sa̰duk-manrɔ lə Njesigənea̰ ləm, gə nékulaje gə́ d’unda dee gə kəmee d’ar Ala ləm tɔ lé mee kəi gə́ d’a gə ra gə mba ri Njesigənea̰ lé tɔ.

2 Sôrta Gḭka Israɛlje 31:21

Yeḛ ra néje lai gə ŋgaw mée bura ləm, yeḛ teḛkɔr dɔ néje lai’d gə́ yeḛ ra ya ləm tɔ ndolè ne goo Ala mbata kulaje gə́ mee kəi Ala’g lé ləm, mbata lə godnduje gə tornduje ləm tɔ.

Pakɔsje 105:45

Gə mba kar dee tɔs ne kəm dee bao-bao dɔ ndukunje’g ləa lé ləm, Gə mba kar dee d’aa ne dɔ godndiaje kər-kər ləm tɔ. Pidije Njesigənea̰.

Pakɔsje 119:10

Ma lé m’sa̰gi gə ŋgaw məəm bura ya, Maji kari ya̰’m am m’ndəm m’aw əw gə godnduije lé el tɔ.

Pakɔsje 119:101

Ma lé m’ɔg gɔlm dɔ rəwje gə́ majel gə́ rara kara Gə mba korè ne kəm sḭ dɔ ta’g ləi ya.

Pakɔsje 119:115

Seḭ njémeeyèrje lé ɔdje tam’d gə́ raŋg, Gə mba kam m’aa ne dɔ godnduje lə Ala ləm kər-kər.

Pakɔsje 119:146

Ma m’ɓar rii, bèe ndá maji kari ajim Gə mba karm m’aa ne dɔ tornduije gə́ i wɔji lé.

Pakɔsje 119:17

Maji kari ra maji gə kura ləi Gə mba karm m’isi ne kəmba ləm, Gə mba karm m’orè ne kəm ndəŋ dɔ ta’g ləi ya ləm tɔ.

Pakɔsje 119:22

Maji kari ɔr rɔkul gə kḛji bəḭ-bəḭ dɔm’g Mbata ma lé m’aa dɔ tornduije kər-kər ya.

Pakɔsje 119:33

Njesigənea̰, maji kari ndoom rəw godnduije lé Mba karm m’wa dee məəm’g saar m’teḛ ne ndɔ gə́ rudu’g lé ya.

Pakɔsje 119:34

Maji kari am gosonégər Mba karm m’aa ne dɔ godndui kər-kər ləm, Gə mba karm m’ra gə ŋgaw məəm bura ləm tɔ.

Pakɔsje 119:57

Ǝi Njesigənea̰, ma m’pana: Né gə́ kəm karm m’ra lé To mba kaa dɔ taje ləi kər-kər ya.

Pakɔsje 119:69

Njébeeleje lé təd taŋgɔm d’ɔm tam’g, Nɛ ma lé m’aa dɔ ndukunje ləi gə ŋgaw məəm bura ya.

Pakɔsje 119:88

Maji kari am m’tel m’isi kəmba gə goo meemaji ləi Gə mba karm m’aa ne dɔ tornduije gə́ i wɔji lé m’ar dee d’ɔr njal.

Pakɔsje 25:10

Deḛ gə́ d’aa dɔ ndu manrɔ lə Njesigənea̰, gə torndia lé ndá Kila rəwje lə Njesigənea̰ lai to meekɔrjol gə kankəmta mbata lə dee.

Gosota-Kəmkàrje 23:26

Ŋgonəm, ya̰ məəi am ləm, Maji kar rəw-kabm lé taa kəmi ləm tɔ.

Jeremi 29:13

Seḭ a saŋgmje ndá a kiŋgamje, ɓó lé seḭ a saŋgmje gə ŋgaw meḛ sí bura.

Ejekel 36:27

N’a kar ndil neḛ to meḛ sí’g ndá n’a kar sí unje goo ndukunje’g lə neḛ ləm, seḭ a kaaje dɔ godnduje lə neḛ kər-kər raje née ləm tɔ.

Tagə́maji gə́ Ja̰ ndang 14:23

Jeju ilá keneŋ pana: Dəw gə́ rara ɓa gə́ undam dan kəmee’g lé a kaa dɔ ta ləm kər-kər ya ndá Bɔm a kundá dan kəmee’g kar síjeḛ səa n’ree rəa’g j’uru kəi mée’g tɔ.

Tel tura Godndu 4:29

Lée gə́ neelé ya ɓa seḭ a saŋgje Ala lə sí gə́ Njesigənea̰ keneŋ ndá seḭ a kḭgáje, ɓó lé seḭ sa̰geeje gə ŋgaw meḛ sí gə rɔ sí bura tɔ.

Tel tura Godndu 6:17

Nɛ seḭ a kaaje dɔ tornduje lə Ala lə sí gə́ Njesigənea̰ ləm, gə ndukunje ləa ləma, gə godndiaje gə́ yeḛ ar sí ləm tɔ.

Tel tura Godndu 6:5

I a kunda Njesigənea̰ Ala ləi lé dan kəmi’g ndigee dɔ ɓəŋgəri’g ləm, gə ŋgaw məəi bura ləma, gə sḭgarɔi bura ləm tɔ.

1 Ja̰ 3:20

mbata ɓó lé meḛ sí ila ta dɔ sí’g ndá Ala boo unda meḛ sí tɔɓəi yeḛ to gə́ njegər néje lai tɔ.