Pakɔsje 119:132 - Maktub gə́ To gə Kəmee

¹³² Maji kari tel kəmi par gə́ rɔm’g Ɓó gə oo né kəm lootondoo’g Gə goo nérai gə́ i ra Mbata lə deḛ gə́ d’unda rii dan kəm dee’g lé.

Pakɔsje 119:132 ပူးပေါင်းရင်းမြစ်များ

2 Samel 16:12

Banelə Njesigənea̰ a koo kəmtondoo ləm gə mba ra səm meemaji tor ndɔlje gə́ d’ila dɔm’g ɓogənè ɓəi.

Pakɔsje 106:4

Njesigənea̰, maji kari ar məəi olé dɔm’g Ra ne meemaji gə koso-dəwje ləi lé ya. Ar məəi olé dɔm’g la ne sə dee ya tɔ.

Pakɔsje 119:124

Maji kari ra né ar kura ləi gə goo meemaji ləi ya ləm, Ndoom godnduije lé ləm tɔ.

Pakɔsje 25:16

Maji kari ila kəmi dɔm’g Ɓó gə oo ne kəm lootondoo’g ya kari, Mbata ma lé d’ubam d’ya̰’m D’am m’isi ne gə́ njenékəmndoo ya.

Pakɔsje 25:18

Maji kari oo kəmtondoo ləm ləm, gə ndookoo ləm ləm tɔ Ndá ar məəi ti mbidi dɔ kaiya ramje’g lai.

Pakɔsje 5:12

Yen ɓa deḛ lai gə́ d’ɔm meḛ dee dɔi’g jəb-jəb lé Rɔ dee a lel dee ne ləm, D’a kal ne rɔ dee saar gə no̰ ləm, I a kaḭ ne dɔ dee kɔr-kɔr ləma, I a to gin rɔlel lə deḛ lai Gə́ d’unda rii dan kəm dee’g ləm tɔ.

Teḛ-Raga 4:31

Togə́bè ɓa koso-dəwje lé d’ɔm ne meḛ dee dɔ’g. Deḛ d’oo gao to gə́ Njesigənea̰ ila kəmee dɔ Israɛlje’g ləm, yeḛ oo kəmtondoo lə dee ləm tɔ, ndá deḛ d’unda barmba dəb kəm dee naŋg tɔ.

1 Samel 1:11

Yeḛ man rəa ar Njesigənea̰ pana: Njesigənea̰ gə́ njeboo-néje, ɓó lé i ndigi ndá oo kəmtondoo lə kura ləi gə́ dené ləm, ɓó lé i ar məəi olé dɔm’g ɓó ar məəi wəi dɔ ŋgonjelookisi’g ləi gə́ dené el ləma, ɓó lé i ar ŋgonjelookisi ləi ŋgon gə́ diŋgam ləm tɔ ndá m’a kundá gə kəmee kar Njesigənea̰ saar yeḛ a kwəi ne. Yiŋga kara a kinja yiŋga dəa bur el ləm tɔ.