Pakɔsje 119:1 - Maktub gə́ To gə Kəmee

¹ Rɔlel nai gə deḛ gə́ gel dee godo rəw-kaw dee’g Ar dee njaa gə goo godndu Njesigənea̰ lé.

Pakɔsje 119:1 ပူးပေါင်းရင်းမြစ်များ

2 Samel 22:22

Mbata ma lé m’aa dɔ rəwje lə Njesigənea̰ kər-kər ya. Ta kára kara wa dɔm no̰ Ala’g lé ləm el.

2 Mbaije 20:3

Ǝi Njesigənea̰! ar məəi olé dɔm’g to gə́ ma m’njaa nɔḭ’g gə ŋgonkoji ləm, gə meekarabasur ləma, m’ra néje gə́ maji kəmi’g ya ləm tɔ! Ndá Ejekias no̰ ɓugudu-ɓugudu gə mán-no̰ kəmee’g ya.

Maktub gə́ wɔji dɔ Jɔb 1:1

Dəw kára ria lə Jɔb si mee ɓee gə́ Uts. Dəw neelé to njera né gə goo rəbee ləm, gə njenéra gə́ danasur ləm tɔ. Yeḛ ɓəl Ala ləm, yeḛ unda ria ɓad dɔ néra gə́ majel’g ləm tɔ.

Maktub gə́ wɔji dɔ Jɔb 1:8

Njesigənea̰ dəji Njekurai pana: See i oo kura ləm Jɔb wa. Gar dəw gə́ togə́bè godo dɔ naŋg nee. Yeḛ to njera né gə́ gə goo rəbee ləm, gə njenéra gə́ danasur ləm tɔ, yeḛ ɓəl Ala ləm, unda ne rəa ɓad dɔ néra gə́ majel’g ləm tɔ.

Pakɔsje 101:2

M’a kunda kəmkàr dɔ rɔm’g dɔ rəw gə́ danasur’g. See ndɔ gə́ ra ɓa i a ree pər gə́ rɔm’g ɓəi wa. Ma lé m’a njaa mbuna njémeekəije’g ləm lé gə meendakaḭ.

Pakɔsje 101:6

Majikojije gə́ mee ɓee’g neelé m’a korè kəm ndəŋ dɔ dee’g Gə mba kar dee d’isi ne mbɔrm’g dəb, Yeḛ gə́ njaa rəw gə́ danasur lé ndá Yeḛ a to kura ləm ya tɔ.

Pakɔsje 112:1

Pidije Njesigənea̰. Dəw gə́ ɓəl Njesigənea̰ Ra torndia gə meendakaḭ ndá si gə rɔlel.

Pakɔsje 128:1

Pakɔs kḭ kaw tuga ne loo ɗao-ɗao gə́ tar. Rɔlel nai gə dəwje gə́ ɓəl Njesigənea̰ Deḛ gə́ njaa gə goo kila-rəwje ləa lé.

Gosota-Kəmkàrje 11:20

Deḛ gə́ meḛ dee to kori-kori lé To kḛji kəm Njesigənea̰’g, Nɛ deḛ gə́ rəw-kaw dee to gə goo rəbee lé Taa kəmee rəgm.

Gosota-Kəmkàrje 13:6

Néra gə́ gə dɔ najee Ŋgəm yeḛ gə́ rəw-kabee to gə goo rəbee, Nɛ néra majel lé To gin tuji lə njekaiya.

Gosota-Kəmkàrje 29:18

Loo gə́ ndərta lə njéteggintaje godo ndá Koso-dəwje d’aw kori-kori, Nɛ rɔlel nai gə yeḛ gə́ aa dɔ godndu kər-kər.

Ejekel 11:20

Togə́bè seḭ a kunje goo ndukunje lə neḛ ləm, seḭ a kaaje dɔ godnduje lə neḛ kər-kər mba ra née ləm tɔ, bèe ɓa seḭ a toje koso-dəwje lə neḛ ləm, n’a to Ala lə sí ləm tɔ.

Ojee 14:9

Seḭ Eprayimje, see ɗi ɓa a raje gə magə-poleje tɔɓəi wa. Ma nja m’a koo tamaji lə Eprayimje ləm, M’a kaa dɔ dee ləm tɔ, M’a to kasəna gə kag-siprɛs gə́ kamee ndòlé el mbata lə dee bèe. Seḭ a kiŋgaje kandə sí rɔm ma’g ya.

Lugu 1:6

Deḛ neelé to njémeekarabasurje no̰ Ala’g lé ya ndá d’un godndu Mbaidɔmbaije gə ndukunje ləa gə́ wɔji-kwɔji kar dee ra lé lad-lad tɔ.

Lugu 11:28

Nɛ Jeju tel ilá keneŋ pana: Deḛ gə́ d’oo ta lə Ala gə́ d’aa dəa kər-kər lé ɓa rɔlel lə dee a kal dɔ yeḛ gə́ nee ɓəi.

Tagə́maji gə́ Ja̰ ndang 1:47

Jeju oo Natanaɛl gə́ si aw gə́ rəa’g ndá yeḛ pata gə́ wɔji dəa pana: Aa ooje, yeḛ lé to kankəm dəw gə́ Israɛl gə́ nésukəmloo kára kara godo rəa’g.

Tagə́maji gə́ Ja̰ ndang 13:17

Ɓó lé seḭ gərje néje neelé raje ndá rɔ sí a sa ne rəw.

Néra Njékaḭkulaje 24:16

Gelee gə́ nee ɓa m’ɔs ne rɔm ɓad gə mba kaar no̰ Ala’g gə no̰ dəwje’g gə meenda kɔr jol-jol.

2 Njé gə́ Kɔrḭtə 1:12

Mbata né gə́ jeḛ n’ti ne rɔ sí dɔ’g lé ɓa to nee: Jeḛ lé ta gə́ meḛ sí ula sí ɓa ar sí j’oo gao kaw gə́ jeḛ j’aw dɔ naŋg nee ləm, gə né gə́ jeḛ n’ra gə mbata lə sí ləm tɔ lé jeḛ n’ra gə meenda gə meemaji no̰ Ala’g ya: jeḛ n’ra gə goo noji lə Ala ya ɓó jeḛ n’ra gə goo kəmkàr gə́ ka̰ naŋg nee el.

Maktub gə́ Jak ula ne ar ngan-Allaje 1:25

Nɛ nana ɓa gə́ tən ta godndu gə́ maji ɔr njoroŋ gə́ ɔr ne ɓər dəa’g, ɓó lé yeḛ ai mée sam-sam ɓó un kəmee dɔ’g el ləm, ra née ləm tɔ ndá né gə́ yeḛ ra lé a kɔr dɔ ya.

Loo gə́ killa rea kəm Ja̰’g 22:14

Rɔlel nai gə deḛ gə́ togo kubu lə dee mba kiŋga rəw sɔ kandə kag kəmə lé ləm, əsé mba kiŋga rəw kandə ne mee ɓee’g neelé ləm tɔ.