Pakɔsje 118:29 - Maktub gə́ To gə Kəmee

²⁹ Pidije Njesigənea̰ mbata yeḛ to njemeemaji, Meekɔrjol ləa lé to saar-saar gə no̰.

Pakɔsje 118:29 ပူးပေါင်းရင်းမြစ်များ

Esdras 3:11

Deḛ d’ɔs pa pidi ne Njesigənea̰ d’ɔs ne gajee pana: Mbata yeḛ lé maji dum ləm, meekɔrjol ləa gə mbata lə Israɛlje lé to saar-saar gə no̰ ya ləm tɔ. Tɔɓəi koso-dəwje lai neelé ra né gə ndu dee gə́ boi wəl d’ɔs ne gaji Njesigənea̰ gə mbata gin kəi lə Njesigənea̰ gə́ deḛ tum lé tɔ.

Pakɔsje 103:17

Nɛ meemaji lə Njesigənea̰ lé to saar-saar Mbata lə njéɓəleeje ləm, Meekɔrjol ləa lé to saar-saar Mbata lə ŋgan meḛ ŋgan deeje ya ləm,

Pakɔsje 118:1

Pidije Njesigənea̰ mbata yeḛ to njemeemaji, Meekɔrjol ləa lé to saar-saar gə no̰.

Pakɔsje 118:4

Maji kar deḛ gə́ ɓəl Njesigənea̰ lé kara pa pana: Meekɔrjol ləa lé to saar-saar gə no̰.

Esai 63:7

M’a kila mber meenoji lə Njesigənea̰ ləm, Gə pa pidije gə́ wɔji dɔ Njesigənea̰ ləm tɔ Gə goo néje lai gə́ Njesigənea̰ ra mbata lə sí. M’a pata boo-némeemajije ləa Gə́ yeḛ ra ar gel-bɔje lə Israɛl Gə goo meekaw taḭ-taḭ ləa ləm, Gə goo bao-meenoji ləa ləm tɔ.