Pakɔsje 118:28 - Maktub gə́ To gə Kəmee

²⁸ I lé to Ala ləm, bèe ndá m’a kɔs gajii ya. Ala ləm, ma lé m’a kula rɔnduba dɔi’g tɔ.

Pakɔsje 118:28 ပူးပေါင်းရင်းမြစ်များ

1 Sôrta Gḭka-Israɛlje 16:14

Njesigənea̰ lé to Ala lə sí ləm, Rəwta-gaŋgje ləa lé kara Yeḛ gaŋg wɔji ne dɔ naŋg nee lai ya ləm tɔ.

Pakɔsje 143:10

Maji kari ndoom gə mba karm m’ra né gə́ məəi wɔji ɓa, Mbata i lé to Ala ləm. Maji kar ndili onm gə́ rəw gə́ danasur’g ya.

Pakɔsje 145:1

Pakɔs pidi lə Dabid. Ǝi Ala ləm, i gə́ to mbai ləm lé, M’a kula rɔnduba dɔi’g ləm, M’a kar dɔ rii ai səgərə ta-ta saar gə no̰ ya ləm tɔ.

Pakɔsje 146:2

M’a pidi Njesigənea̰ Loo-sim gə́ m’isi kəmba lé ləm, M’a kila riɓar dɔ Ala’g lé ləm Loo gə́ ma m’isi ne kəmba lé ləm tɔ.

Teḛ-Raga 15:2

Njesigənea̰ to siŋgam ləm, Yeḛ to njegin pakɔsje ləm Gə́ m’ula ne rɔnduba dəa’g ləm tɔ, Yeḛ nja ɓa ajim. Yeḛ to Ala ləm, m’a pidee ya, Yeḛ to Ala lə bɔmje, m’a kila riɓar dəa’g tɔ.

Esai 12:2

Aa oo, Ala gə́ to njeginkajim, M’a kɔm məəm dəa’g jəb-jəb Ndá m’a ɓəl né kára el, Mbata Njesigənea̰, Njesigənea̰ to siŋgam ləm, Gə gin pa pidije ləm ləm tɔ, Yeḛ nja tel to njekajim.

Esai 25:1

Njesigənea̰, i lé to Ala ləm, M’a kɔs gajii kula ne rɔnduba dɔ rii’g Mbata i ra néje gə́ maji dum, Néje gə́ i wɔji-kwɔji ra kédé lé D’aw lée’g béréré ya.

Esai 25:9

Mee ndəa’g neelé d’a pana: Aa ooje, yeḛ nja ɓa to Ala lə sí Gə́ jeḛ j’ɔm meḛ sí dəa’g, Yeḛ nja ɓa aji sí, Njesigənea̰ ɓa jeḛ j’ɔm meḛ sí dəa’g ya, Ar sí j’isije dan boo-rɔkal’g J’alje ne rɔ sí gin kaji’g ləa!