Pakɔsje 117:1 - Maktub gə́ To gə Kəmee

¹ Seḭ ginkoji dəwje gə raŋg lé Maji kar sí pidije Njesigənea̰ lé ləm, Seḭ dəwje lai lé kara Maji kar sí ilaje riɓar dəa’g ya ləm tɔ.

Pakɔsje 117:1 ပူးပေါင်းရင်းမြစ်များ

Pakɔsje 150:6

Maji kar né gə́ rara gə́ aw kəmba lé Pidi Njesigənea̰ ya. Maji kar sí pidije Njesigənea̰ lé ya!

Pakɔsje 66:1

Pakɔs lə Dabid gə́ ar bao-pa mba karee ɔs sə dee lé. Seḭ dəwje lai gə́ dɔ naŋg neelé Arje ndu rɔlel lə sí ɓar wəl-wəl gə́ rɔ Ala’g lé.

Pakɔsje 66:4

Deḛ lai gə́ dɔ naŋg neelé D’unda barmba dəb kəm dee naŋg nɔḭ’g, D’ɔs pa d’ula ne rɔnduba dɔi’g ləm, Pa gə́ wɔji dɔ rii ɓa d’ɔs ya ləm tɔ.

Pakɔsje 67:3

Mba kar deḛ gə́ dɔ naŋg nee gər ne rəw ləi ləm, Mba kar ginkoji dəwje gə raŋg kara gər ne rəw-kaji lé ləm tɔ.

Pakɔsje 86:9

Ginkoji dəwje gə raŋg lai gə́ i unda dee lé D’a ree kɔs kəji dee naŋg nɔḭ-i Mbaidɔmbaije’g ya Mba kula ne rɔnduba dɔ rii’g,

Njé gə́ Rɔmə 15:11

Ta gə́ raŋg ya tɔɓəi pana: Seḭ ginkoji dəwje gə raŋg lai lé pidije Mbaidɔmbaije lé ya ləm, Maji kar dəwje lai kara d’ila riɓar dəa’g ya ləm tɔ.

Loo gə́ killa rea kəm Ja̰’g 15:4

Mbaidɔmbaije, see na̰ ɓa a ɓəli kula ne rɔnduba dɔ rii’g el wa. Mbata i nja kára ba kiao to njerɔkunda. Ginkoji dəwje gə raŋg lai d’a ree d’a kunda barmba nɔḭ’g, Mbata rəwta-gaŋg ləi lé inja kəm dəwje’g ya.

Loo gə́ killa rea kəm Ja̰’g 5:9

Deḛ d’ɔs pa gə́ sigi pana: I nja askəm taa maktub gə mba tɔr nérḛdə təa mbata deḛ d’ḭjai gə́ məs, i uga ne dəwje gə məsi ar Ala ɔr dee ne gə gelɓee dəwje-dəwje ləm, gə dəwje gə́ tapa dee gə ria-ria ləma, gə ginkoji dəwje gə raŋg ləm tɔ.