Pakɔsje 116:8 - Maktub gə́ To gə Kəmee

⁸ Oiyo, i lé ɔrm ta yoo’g ya ləm, I bɔr mán-no̰ gə́ kəm’g ləma, I aa dɔm ar né tuga gɔlm el ləm tɔ.

Pakɔsje 116:8 ပူးပေါင်းရင်းမြစ်များ

Pakɔsje 37:24

Ɓó lé debee neelé oso ndá a koso naŋg pal el Mbata Njesigənea̰ un jia ŋgəji gə́ tar ya.

Pakɔsje 49:15

D’ɔm dee ɓee lə yoo to gə́ koso-nékulje bèe Ar yoo ɓa unda dee gə́ nésɔ ləa, Waga ndá njéra nédanaje ɓa mbula dee naŋg gə gɔl dee ya ləm, Kura lə dee sané pá ləma, Ɓee lə yoo ɓa to loo-si dee ləm tɔ.

Pakɔsje 56:13

Ǝi Ala, ndukunje ləm gə́ m’un m’ari lé M’a ra née tɔl bém ya, M’a kinja nékinjanéməsje gə́ ka̰ kɔm na̰’d sad kari ya tɔ.

Pakɔsje 86:13

Mbata meemaji ləi gə́ i ra səm lé Boo al dɔ loo sula ya, I nja ɔrm suna ɓee’g lə njé gə́ d’wəi’g.

Pakɔsje 94:18

Loo gə́ ma m’pa m’pana: Gɔlm unda bala tigi-tigi lé Ǝi Njesigənea̰, meemaji ləi lé to gə́ kag gədm ya.

Esai 25:8

Yeḛ tuji yoo pugudu saar gə no̰, Mbaidɔmbaije gə́ Njesigənea̰ a bi mán-no̰ kəm dəwje’g lai ləm, Yeḛ a kar rɔkul-boo gə́ wa kəm koso-dəwje ləa lé Godo dɔ naŋg nee lai ləm tɔ, Mbata Njesigənea̰ ɓa pa bèe.

Esai 38:5

Aw ula Ejekias pana: Njesigənea̰, Ala lə bɔbije Dabid pa togə́bè pana: Neḛ n’oo tamaji ləi ya ləm, n’oo mán-no̰ gə́ to kəmi’g ya ləm tɔ. Aa oo, n’a gə kila ləbi dɔ maree’g as ləb dɔg-giree-mi ɓəi.

Loo gə́ killa rea kəm Ja̰’g 21:4

Yeḛ a bɔr mán-no̰ kəm dee’g ləm, yoo a ɓar ri dee gogo el ləm, kəmndooyoo kara a godo ləm, no̰ yoo a godo ləma, meeko̰ kara a godo ləm tɔ mbata néje gə́ dɔtar lé sané pá mba̰.

Loo gə́ killa rea kəm Ja̰’g 7:17

Mbata Ŋgonbad gə́ si dan kalimbai’g lé a ko̰ dee, a kɔr no̰ dee kaw sə dee kəm-rəw-mán gə́ ula tar yal-yal. Ala a bi mán-no̰ kəm dee’g pəd-pəd tɔ.

Njéga̰g-Rəwtaje 1:24

Njétənlooje lé d’oo dəw kára gə́ ḭ ɓee-boo’g teḛ gə́ raga ndá deḛ dəjee pana: Tɔji sí tarəw gə́ j’askəm kandə ne mee ɓee-boo’g neelé ndá j’a ra səi meemaji.