Pakɔsje 116:5 - Maktub gə́ To gə Kəmee

⁵ Njesigənea̰ lé to gə́ njemeekɔrjol gə njemeekarabasur ləm, Ala lə sí lé to darɔ njemeekaw taḭ-taḭ ya ləm tɔ.

Pakɔsje 116:5 ပူးပေါင်းရင်းမြစ်များ

Esdras 9:15

Njesigənea̰, Ala lə Israɛlje to njera né gə́ gə dɔ najee mbata ɓogənè jeḛ n’toje ges deḛ gə́ teḛ ta yoo’g. Aa oo, j’aarje nɔḭ’g, jeḛ gə́ n’toje koso-dəwje gə́ ta wa dɔ dee mba̰ ɓó j’askəm kaar tar nɔḭ’g togə́bè el lé.

Nehemi 9:17

Deḛ mbad kula dɔ dee ləma, Deḛ d’ar meḛ dee wəi dɔ néraije gə́ dumkoo’g Gə́ i ra mbata maji lə dee ləm tɔ. Deḛ d’uba gwɔbkelkwɔi, Gə goo kɔs ta rəw lə dee lé Ndá deḛ ra dɔ-kədərə Mba tel dɔ kula ɓər’g gogo. Nɛ i to Ala gə́ si pèrèrè Gə mba kar məəi oso lemsé ləm, I to njemeekaw taḭ-taḭ Gə njemeekɔrjol ləm tɔ, Oŋg ḭ səi kalaŋ el ləm, I to bao-meemaji ləm tɔ Ndá i uba dee ya̰ dee el.

Nehemi 9:31

Nɛ gə goo boo-meekɔrjol ləi lé I tuji dee el ləm, I uba dee ya̰ dee el ləm tɔ Mbata i to Ala gə́ njemeekaw taḭ-taḭ ləm, Gə njemeekɔrjol ləm tɔ.

Nehemi 9:33

I to njera né gə dɔ najee dɔ néje lai gə́ teḛ dɔ sí’g ya I ra néje lai gə goo rəbee Nɛ jeḛ ɓa jeḛ n’raje majel.

Nehemi 9:8

I oo to gə́ mee to danasur nɔḭ’g, Yee ɓa i man ne rɔi aree ləm, I un ne ndui mba kar ŋgakeaje taa ɓee lə Kana̰je Gə Hetje gə Amɔrje gə Peresje Gə Yebusje gə Girgasije gə́ né ka̰ dee-deḛ. Ndá ta gə́ i pa lé i ra née ya Mbata i to njera né gə́ danasur tɔ.

Pakɔsje 103:8

Njesigənea̰ lé to njemeekɔrjol gə njekoo kəmtondoo lə dəwje ləm, Yeḛ ila mée dɔ oŋg’g ləa ləma, Yeḛ to bao-meemaji ləm tɔ.

Pakɔsje 112:4

Lookàr lé ḭ ndogó loondul’g Mbata lə njéra nédanaje lé ləm, Mbata lə dəw gə́ to njemeekoso lemsé Gə njekoo kəmtondoo gə njemeekarabasur ləm tɔ.

Pakɔsje 115:1

Ǝi Njesigənea̰, kəm kar síjeḛ ɓa j’iŋga riɓar el, Kəm kar síjeḛ ɓa jḭga riɓar el, Nɛ kəm kar dee d’ula rɔnduba dɔ rii-i’g ɓa Mbata meemaji ləi gə meenda londoŋ ləi lé.

Pakɔsje 119:137

Ǝi Njesigənea̰, i lé to gə́ njemeekarabasur ya ləm, Rəwta-gaŋgje ləi lé kara to gə goo rəbee ya ləm tɔ.

Pakɔsje 145:17

Njesigənea̰ lé to njemeenda londoŋ dɔ rəwje’g lai ləm, Yeḛ to njemeekɔrjol dɔ néraje’g ləa lai ya ləm tɔ.

Pakɔsje 86:15

Nɛ i Mbaidɔmbaije lé I to Ala gə́ njemeekoso lemsé ləm, Gə njekookəmto̰doo ləm tɔ, Oŋg ḭ səi kalaŋ el ləm, Meemaji gə meenda londoŋ lé ɓa I to babee ya ləm tɔ.

Pakɔsje 86:5

Mbaidɔmbaije, i to njemeemaji ləm, Gə njemeekoso lemsé ləm tɔ. Deḛ lai gə́ ɓar rii lé I unda dee dan kəmi’g.

Esai 45:21

Paje taree gə́ raga ləm Tɔjije né gə́ ɔr ginee gə́ raga ləm tɔ! Maji kar dee dəji na̰ ta dɔ’g! See na̰ ɓa pata néje nee Gə́ a gə ree kédé gə́ dɔtar ləm, Ila mberee kédé gə́ ləw ləm lé wa. See to ma Njesigənea̰ el wa. Ala gə́ raŋg godo, Ma nja m’to Ala kára ba kiao Gə́ m’to njera nédanasur ləm, M’to njekaji dəwje ləm ləm tɔ.

Jeremi 12:1

Njesigənea̰, nérai gə́ gə dɔ najee dum dɔ loo Ɓó ma m’askəm maḭ səi ta el, Nɛ lé bèe kara M’a kwɔji səi ta dɔ rəwta-gaŋgje’g ləi ya: See gelee ban ɓa Rəw-kaw njémeeyèrje teḛ sə dee dan maji’g wa. See gelee ban ɓa Deḛ lai gə́ to majikojielje lé kara d’isi lɔm wa.

Loo gə́ killa rea kəm Daniel’g 9:14

Njesigənea̰ aa dɔ tuji-boo neelé aree teḛ dɔ sí’g ya. Mbata Njesigənea̰, Ala lə sí lé néreaje lai gə́ yeḛ ra lé to gə dɔ najee ya nɛ jeḛ lé j’un mbi sí rəw dɔ ta’g ləa.

Loo gə́ killa rea kəm Daniel’g 9:7

Ǝi Mbaidɔmbaije, néra gə́ to gə dɔ najee to kaḭ ya, jeḛ ɓa rɔkul wa kəm sí mee ndəa’g nee ya, jeḛ dəwje gə́ Juda ləm, gə deḛ gə́ d’isi Jerusalem ləma, gə Israɛlje lai ləm tɔ, deḛ gə́ d’isi dəb əsé deḛ gə́ d’isi ŋgərəŋ mee ɓeeje lai gə́ i tuba dee keneŋ mbata kalta gə́ d’al tai’g d’ar taree wa dɔ dee kəmi’g lé.

Loo gə́ killa rea kəm Daniel’g 9:9

Meekɔrjol gə meekoso lemsé d’ḭ rɔ Mbaidɔmbaije Ala’g lə sí ya nɛ jeḛ lé j’ḭje səa j’ɔsje ta ləa rəw tɔ.

Njé gə́ Epesə 2:4

Nɛ Ala gə́ to bao-meekɔrjol lé boo-meenoji ləa aree unda sí ne dan kəmee’g

1 Timote 1:14

Noji lə Mbaidɔmbaije lə sí tur dɔ loo mbata ləm-ma ar meekun gə meenoji gə́ ḭ rɔ Jeju Kristi’g lé taa ne rɔm pəl-pəl tɔ.

1 Ja̰ 1:9

Ɓó lé jeḛ n’teggin kaiya lə sí gə́ raga ndá yeḛ to njemeenda londoŋ gə njemeekarabasur mba kar mée ti mbidi dɔ’g ləm, mba kɔr won néra gə́ kori-kori lə sí ɓə̰dərə-ɓə̰dərə ləm tɔ.