Pakɔsje 116:13 - Maktub gə́ To gə Kəmee

¹³ M’a kun ŋgo gə́ wɔji dɔ kaji lé kula ndiŋ gə́ tar Ɓar ne ri Njesigənea̰.

Pakɔsje 116:13 ပူးပေါင်းရင်းမြစ်များ

Pakɔsje 105:1

Maji kar sí pidije Njesigənea̰ Ɓarje ne ria ləm, Arje koso-dəwje gər néreaje gə́ al dɔ loo sula lé ləm tɔ.

Pakɔsje 116:17

M’a kinja nékinjaməs gə́ ka̰ kɔm na̰’d sad kari ləm, M’a ɓar ne rii-i Njesigənea̰ lé ya ləm tɔ.

Pakɔsje 116:2

Mbata yeḛ tuga mbia par gə́ rɔm’g ya, Bèe ndá m’a ɓar ria loo gə́ m’isi ne kəmba lé saar-saar ya tɔ.

Pakɔsje 16:5

Njesigənea̰ ɓa to nénduba ləm, gə ŋgo-kai-mán ləm ləm tɔ, I nja ar né gə́ wɔji dɔm to njaŋg,

Pakɔsje 80:18

Maji kari ila jii dɔ dəw gə́ si dɔ jikɔli’g lé Dɔ dəw gə́ i nja ɔree kəmi’g lé.

Esai 12:4

Mee ndəa’g neelé seḭ a pajena: Pidije Njesigənea̰ ɓarje ne ria ləm, Ilaje mbər néreaje mbuna koso-dəwje’g Arje meḛ dee olé ne dɔ riɓar’g ləa ləm tɔ!

Lugu 22:20

Loo gə́ deḛ d’o̰ muru mba̰ ndá yeḛ un ŋgo-kai-né gə́ mán-nduú to keneŋ togə́bè tɔ, ula ar dee pana: Ŋgo-kai-né neelé to gə́ némanrɔ gə́ sigi gə́ ma man ne rɔm gə məsm m’aree ula dɔ naŋg nee mbata lə sí.

1 Njé gə́ Kɔrḭtə 10:16

Ŋgo-kai-né gə́ Ala tɔr ne ndia dɔ sí’g gə jeḛ n’tɔr ne ndu sí dɔ’g lé see to né gə́ ɔm meḛ sí na̰’d sad gə məs Kristi lé el wa. Muru gə́ jeḛ j’wa n’gaji lé see to né gə́ ɔm sí na̰’d gə darɔ Kristi lé el wa.

1 Njé gə́ Kɔrḭtə 10:21

Seḭ asjekəm kaije né gə́ mee ŋgo-kai-né’g lə Mbaidɔmbaije gə korè gə ka̰ ndilje gə́ yèr na̰’d el ləm, seḭ asjekəm sije ta ka nésɔ’g lə Mbaidɔmbaije gə korè gə ka̰ ndilje gə́ yèr lé el ləm tɔ.