Pakɔsje 115:4 - Maktub gə́ To gə Kəmee

⁴ Magəje lə dee-deḛ lé to gə́ larnda gə larlɔr, To néje gə́ ji dəwje ɓa ra dee ya.

Pakɔsje 115:4 ပူးပေါင်းရင်းမြစ်များ

1 Mbaije 18:26

Deḛ d’wa bɔ maŋg gə́ d’ar dee lé ndá deḛ gɔlee, tɔɓəi deḛ ɓar ne ri Baal, un kudee gə ndɔ ya saar kàr aar daŋdɔ pa ne pana: Baal, ila sí keneŋ! Nɛ ndia ɓar el ləm, yeḛ ila dee keneŋ el ləm tɔ. Bèe ɓa deḛ tal jagəra-jagəra no̰ loo-nékinjaməs’g deḛ ra lé.

1 Mbaije 18:29

Loo gə́ kàr gə́ aar daŋdɔ lé dəs mba̰ ndá deḛ tegginta lé saar d’ar kàr kun nékar gə́ kàrkemetag teḛ tɔ. Nɛ ndia ɓar el ləm, yee ila dee’g el ləma, əsé né gə́ tɔji dee kar meḛ dee to yel kara d’oo el ləm tɔ.

2 Mbaije 19:18

D’ɔm magəje lə dee dan pər’g to mbata deḛ to Ala el nɛ to néje gə́ ji dəwje ɓa ra dee, to kag əsé mbal, yee ɓa deḛ tuji dee ne gə mbəa.

2 Sôrta Gḭka Israɛlje 32:19

Deḛ pata d’wɔji ne dɔ Ala lə njé gə́ Jerusalem asəna gə magəje lə koso-dəwje gə́ dɔ naŋg nee gə́ to néje gə́ ra dee bèe.

Pakɔsje 97:7

Deḛ lai gə́ pole magəje lé Deḛ gə́ ti rɔ dee mbata magəje lə dee lé Kəm sɔḭ wa kəm dee. Magəje lai lé d’unda barmba dəb kəm dee naŋg nea̰’g.

Esai 37:19

d’ɔm magəje lə dee dan pər’g ya ləm tɔ, nɛ dee to Ala el, to néje gə́ ji dəwje ɓa ra dee gə kag əsé mbal, yee ɓa deḛ tuji dee ne ya.

Esai 42:17

Deḛ gə́ d’ɔm meḛ dee dɔ magəje gə́ tɔl gə ji dee lé Deḛ gə́ d’ula magəje gə́ léḛ dee pana: Seḭ toje Ala lə neḛje lé Ndá d’a rəm gə goo dee ləm, Rɔkul a dəb dɔ dee’g ləm tɔ!

Esai 44:10

Ra magə əsé léḛ lar gə́ magə Gə mba karee ra né kára kara ari el lé See némbə gə́ ban ɓa bèe wa.

Esai 44:20

Yeḛ munu bu pər, Mée əree aree ndəm Ndá yeḛ askəm kaji rəa pai godo ləm, Askəm pa pana: Néŋgɔm ɓa to ji neḛ’g lé a pa bèe el ləm tɔ.

Esai 44:9

Njé kuba magəje lé to gə́ dəwje gə́ kari ba ya lai. Kula ra dee gə́ maji yaa̰ lé askəm ra né kára kara el, Kula ra dee lé nja ɔr gel rɔ dee woḭ. Deḛ d’oo loo el ləm, gosonégər lə dee godo ləm tɔ Gə mba kar rɔkul dəb ne dɔ njéra deeje’g.

Loo gə́ killa rea kəm Daniel’g 3:5

Loo gə́ seḭ a kooje ndu to̰to̰ ləm, gə ndu buula ləm, gə kṵdu-ko̰dè ləm, gə kṵdu-ka ləm, gə kṵdu-jaŋ ləm, gə nékɔspa ləma, gə nékimje ɓəd-ɓəd ləm tɔ ndá seḭ a kundaje barmba ləm, a kwaje néndaji gə́ ra gə larlɔr gə́ mbai Nebukadnesar uree tar lé meḛ sí’g ləm tɔ.

Loo gə́ killa rea kəm Daniel’g 5:23

I ḭ gə mbai dɔ dara ɔsee rəw. Baije gə́ to mee kəi’g ləa lé deḛ d’odo ree ne nɔḭ’g ndá seḭ aije ne mán-nduú gə́ mḭ, i seḭ gə dəwje ləi gə́ boo-boo gə denéje ləi gə gamla-denéje ləi tɔ. I pidi ne magəje gə́ ra dee gə larnda gə larlɔr gə larkas gə larndul gə kag gə mbal tɔ. Magəje neelé d’oo né gə kəm dee el ləm, d’oo ta gə mbi dee el ləma, deḛ gər né kára kara el ləm tɔ ndá Ala gə́ kəmə ləi gə rəw-kabije lai to jia’g lé i ula rɔnduba dəa’g el.

Ojee 8:6

Njekɔr gə́ ḭ Israɛl ɓa gə́ njelḛ̀ néndaji ŋgon maŋg lé Ɓó yee to gə́ Ala el, Gelee gə́ nee ɓa néndaji ŋgon maŋg gə́ Samari neelé D’a tədee njigi-njigi.

Néra Njékaḭkulaje 19:26

Seḭ ooje gao to gə́ Pool lé ula ta meḛ dəwje gə́ Epesə gə kar dee el nɛ nai lam ba karee tel meḛ boo-dəwje gə́ d’isi ɓeeko̰ gə́ Asi gə loo-loo kara togə́bè ya tɔ. Yeḛ ula dee pana: Magəje gə́ dəwje ra gə ji dee lé to gə́ kankəm né el.

Néra Njékaḭkulaje 19:35

Yen ŋga dəw gə́ to gə́ njendaŋ-maktub gə́ mee ɓee’g neelé ar koso-dəwje neelé d’aar ndiŋ ɓa ula dee pana: Seḭ dəwje gə́ Epesə lé dəwje lai-lai gər gao to gə́ ɓee lə sí gə́ Epesə lé to njekaa dɔ kəi-si magə gə́ boo gə́ ria lə Dianə ləm, gə néndaji ləa gə́ ḭ dara oso naŋg lé ləm tɔ. See na̰ ɓa gər bèe el wa.

Tel tura Godndu 4:28

Lée gə́ neelé seḭ a raje né karje magəje gə́ ji dəw ɓa ra dee gə kag əsé gə mbal gə́ d’askəm koo loo el ləm, gə koo ta el ləm, gə sɔ né el ləma, gə taa baḭ né el ləm tɔ lé.