Pakɔsje 115:14 - Maktub gə́ To gə Kəmee

¹⁴ Njesigənea̰ a kar némajije ləa ḭ dɔ maree’d gə́ kédé-kédé kar sí-seḭ ləm, Kar ŋgan síje ləm tɔ.

Pakɔsje 115:14 ပူးပေါင်းရင်းမြစ်များ

Gḭ-Néje 13:16

M’a kar ŋgakaije bula d’asəna gə nduji naŋg mba kar ɓó lé dəw askəm tura nduji naŋg ndá ŋgakaije kara a tura bula lə dee bèe ya tɔ.

Gḭ-Néje 17:7

M’a kar ta manrɔ ləm tɔ mbuna sí jeḛ səi gə mbuna ŋgakaije gə́ d’a gə korè gooi gə goo ŋgaka deeje. Ta manrɔ neelé a to gə́ kédé-kédé gə no̰ mba karm m’to ne Ala ləi ləm, gə ka̰ ŋgakaije gə́ d’a gə korè gooi ləm tɔ.

2 Samel 24:3

Joab ula mbai lé pana: Maji kar Ala ləi gə́ Njesigənea̰ ar bula lə koso-dəwje ḭ dɔ maree’g as gɔl tɔl (100) ləm, maji kar kəm mbai ləm oo bèe ya ləm tɔ! Nɛ see gelee ban ɓa mbai ləm lé ndigi ra togə́bè wa.

Esai 27:6

Mee ndəaje gə́ d’a gə ree lé Jakob a kula ŋgirá naŋg ləm, Israɛl a kidi kar pudeeje gə barkəmeeje to keneŋ ləm tɔ Ndá ka̰dee a taa naŋg nee pəl-pəl.

Esai 56:8

Mbaidɔmbaije gə́ Njesigənea̰ gə́ mbo̰ Israɛlje Gə́ sanéna̰ lé pa pana: M’a gə mbo̰ dəwje gə́ raŋg rəa’g, Rɔ njé’g ləa gə́ mbo̰ dɔ na̰ mba̰ lé.

Jeremi 30:19

Ndu ra oiyo gə ndu kalrɔ A ɓar wəl dan dee’g, M’a kar bula lə dee Ḭ dɔ maree’d gə́ kédé-kédé Ɓó bula lə dee a rəm el. M’a kila riɓar dɔ dee’g Ndá d’a kḛji dee bəḭ-bəḭ el.

Jeremi 33:22

To gə́ dəw askəm tura boo-néje gə́ dara el ləm, gə askəm kwɔji nagəra gə́ ta baa-boo-kad’g el ləm tɔ lé togə́bè ɓa m’a kar ŋgaka kura ləm Dabid ləm, gə Ləbije gə́ d’aw ra kula ləm ləm tɔ lé d’ḭ dɔ maree’d gə́ kédé-kédé bèe tɔ.

Jakari 10:8

N’a ɓar dee gə kɔl ndá d’a mbo̰ dɔ na̰ Mbata neḛ n’uga dɔ dee, Ndá bula lə dee a kḭ dɔ maree’d gə́ kédé-kédé to gə́ kédé ya.

Néra Njékaḭkulaje 2:39

Mbata ndukun lé wɔji dɔ sí-seḭ ləm, gə dɔ ŋgan síje ləma, gə dɔ deḛ lai gə́ d’isi ŋgərəŋ, deḛ lai gə́ Ala lə sí a gə ɓar dee gə mbəa lé ləm tɔ.

Néra Njékaḭkulaje 3:25

Seḭ lé seḭ toje ŋgalə njéteggintaje gə manrɔ gə́ Ala man ne rəa ar ka síjeḛ lé wɔji dɔ sí tɔ, to gə́ yeḛ ula Abrakam pana: Ŋgaka dəwje lai dɔ naŋg lé d’a kiŋga dɔkaisəgərə rɔ ŋgakaije’g ya.

Tel tura Godndu 1:11

Maji kar Njesigənea̰ Ala lə bɔ síje-je lé ar bula lə sí ḭ dɔ maree’g as tɔl-dɔg unda nje gə́ kédé ləm, maji karee tɔr ndia dɔ sí’g to gə́ yeḛ un ne ndia ar sí lé ləm tɔ!

Loo gə́ killa rea kəm Ja̰’g 7:4

Ma m’oo bula lə dee gə́ deḛ tɔs né ŋgo no̰ dee’g lé d’aḭ tɔl-dɔg-loo-tɔl gə dɔ dee 44 gə́ to ginkoji Israɛlje lai as bèe:

Loo gə́ killa rea kəm Ja̰’g 7:9

Gée gə́ gogo m’aa loo gərərə ndá m’oo koso-dəwje bula dum tura gə́ d’ḭ d’ḭ mbuna ginkoji dəwje gə raŋg’g lai ləm, gə mbuna gelɓee dəwje-dəwje’g lai ləm, gə mbuna koso-dəwje lai ləma, gə mbuna deḛ lai gə́ takɔji dee gə́ gə ria-ria ləm tɔ. Deḛ d’aar no̰ kalimbai’g ləm, gə no̰ Ŋgonbad’g ləm tɔ gə kubu gə́ nda gə́ ŋgal yududu rɔ dee’g tɔɓəi kam kiaŋgar to ji dee’g tɔ.