Pakɔsje 113:9 - Maktub gə́ To gə Kəmee

⁹ Yeḛ gə́ to gə́ kawkad lé Yeḛ nja aree kəi-siée ləm, Yeḛ aree to ko̰ ŋganje gə́ njerɔlel Mbuna ŋganeeje’g ləm tɔ. Pidije Njesigənea̰ ya.

Pakɔsje 113:9 ပူးပေါင်းရင်းမြစ်များ

Gḭ-Néje 25:21

Isaak ra ndòo rɔ Njesigənea̰’g mbata lə dené ləa gə́ aw kad ndá Njesigənea̰ oo kəmtondoo ləa. Togə́bè ɓa Rebeka gə́ dené ləa lé əskèm ya.

2 Mbaije 4:17

Nɛ lé bèe kara dené neelé taa kèm ndá yeḛ oji ŋgon gə́ diŋgam ləb gə́ gogo mee naḭyee gə́ Elije ulá keneŋ lé ya tɔ.

Pakɔsje 68:6

Bɔ ŋganalje ləm, Gə njekaḭbada dɔ njékəisiŋgaje’g ləm tɔ lé Yeḛ nja ɓa to Ala gə́ njesi mee loo’g ləa gə́ to gə kəmee doi lé ya.

Esai 54:1

I ɓee gə́ Jerusalem gə́ to asəna gə kawkad gə́ oji ŋgon el bèe lé Maji kari al rɔi! I gə́ to asəna gə dené gə́ ndóo ulá ndubu gɔl kára el ɓəi lé Ɔr ndui gə́ tar wəl, i gə́ ndòo ulai ndubu kəm kára el ɓəi lé! Mbata dené gə́ deḛ d’ubá d’yá̰ lé Ŋganeeje d’a bula kunda ka̰ dené gə́ njeŋgao ya. Njesigənea̰ ɓa pa bèe.

Bula lə Israɛlje 5:28

Nɛ ɓó lé dené lé ar rəa mina̰ el ɓa rəa àr ŋgad-ŋgad ndá d’a gəree gə́ dené gə́ ta wa dəa el ləm, yeḛ a koji ŋganje ləm tɔ.

Njé gə́ Galati 4:27

Mbata deḛ ndaŋg taree mee maktub’g pana: Al rɔi, i kaw kad gə́ oji ŋgon el lé! Ɔr ndui gə́ tar wəl, i gə́ ndòo ulai ndubu kəm kára el ɓəi lé! Mbata dené gə́ deḛ d’ubá d’yá̰ lé Ŋganeeje d’a bula kunda ka̰ dené gə́ njeŋgao ya.

1 Samel 2:5

Deḛ gə́ kédé nésɔ as dee nag-nag lé D’un rɔ dee tona ne goŋ muru ləm, Deḛ gə́ ɓó tɔl dee kédé lé Yeḛ ar dee d’wa rɔ dee ləm tɔ. Kaokad kara oji ŋganje gɔl siri, Yeḛ gə́ oji ŋganje bula lé rəa jura ne həgədə.