Pakɔsje 113:7 - Maktub gə́ To gə Kəmee

⁷ Yeḛ wa njendoo ɔree dan babur’g ləm, Yeḛ wa dəw gə́ daŋ’d lé ɔree ɓiri-ɓisi’g ləm tɔ

Pakɔsje 113:7 ပူးပေါင်းရင်းမြစ်များ

1 Mbaije 16:2

Ma m’ɔree mee nduji naŋg’d ɓa m’undá gə́ mbai dɔ koso-dəwje’g ləm gə́ Israɛl, nɛ yeḛ un dɔ gɔl Jeroboam ləm, yeḛ ar koso-dəwje ləm gə́ Israɛl ra kaiya ləm tɔ gə mba kar məəm ḭ ne səm pu dɔ kaiyaje’g lə dee.

Maktub gə́ wɔji dɔ Jɔb 2:8

Togə́bè Jɔb un seŋgəre ŋgə ne rəa ləm, si ne dan bu’g ləm tɔ.

Maktub gə́ wɔji dɔ Jɔb 5:11

Deḛ gə́ d’ula dɔ dee lé yeḛ unda dɔ dee tar ləm, Deḛ gə́ d’isi dan kəmtondoo’g lé yeḛ ar meḛ dee kul lɔm ləm tɔ.

Pakɔsje 107:41

Nɛ yeḛ ɔr njéndooje dan nékəmndooje’g lə dee ləm, Yeḛ ar bula lə njémeekəije lə dee ḭ ne dɔ maree’d gə́ kédé-kédé to gə́ koso-nékulje bèe ləm tɔ.

Pakɔsje 22:15

Ma m’yəb yəb-yəb ləm, Siŋgarɔmje lai tɔr to tar yɔg-yɔg ləma, Ɓə̰gərəm léḛ məəm’g to gə́ ya̰-tə̰ji gə́ léḛ sələlə-sələlə bèe ləm tɔ.

Esai 26:19

Maji kar njé’g ləi gə́ d’wəi lé tel d’isi kəmba, Maji kar nin dəwje ləm d’ḭ tar! Ndelje dɔ ɓi’g, alje rɔ sí gə rɔlel, Seḭ gə́ rogoje babur’g! Mbata mán-tàl ləi to mán-tàl Gə́ ka̰ kar dəw si ne kəmba ləm, Naŋg a teḛ gə ndil njé gə́ d’wəi lé Kar dee d’isi kəmba gogo ləm tɔ.

Ejekel 17:24

Yen ɓa kagje lai gə́ mee wala’g d’a gər ne to gə́ neḛ Njesigənea̰ lé kag gə́ ŋgal ɓèreŋ lé n’aree rəm gwɔji ləm, kag gə́ gwɔji lé n’aree ḭ ŋgal ɓèreŋ-ɓèreŋ ləm tɔ, kag gə́ idi pug-pug lé n’aree tudu kurum-kurum ləm, kag gə́ tudu kurum-kurum lé n’aree idi pug-pug ləm tɔ. Neḛ Njesigənea̰ m’pata ndá n’a ra née ya.

Maktub gə́ Jak ula ne ar ngan-Allaje 2:5

Ooje ta nee maji, ŋgakɔmje gə́ m’unda sí dan kəm’g: See Ala ɔr kəm deḛ gə́ to gə́ njéndooje kəm dəwje gə́ naŋg nee mba kar dee to bao-meekunje ləm, mba kar ɓeeko̰ gə́ yeḛ un ndia mba kar deḛ gə́ d’undá dan kəm dee’g lé d’a to njeaje ya ləm tɔ lé el wa.

1 Samel 24:14

Gosɔta lə njé gə́ ləw pana: Néra gə́ majel ḭ rɔ njéra némajelje’g. Togə́bè ɓa m’a kun jim kɔrɔ ne rɔi el.