Pakɔsje 112:5 - Maktub gə́ To gə Kəmee

⁵ Rɔlel nai gə dəw gə́ oo kəmtondoo lə maree Ya̰ goo né ləa aree ndimá ləm, Yeḛ gə́ gɔl nérea wɔji ne dɔ néra gə́ gə dɔ najee lé ləm tɔ.

Pakɔsje 112:5 ပူးပေါင်းရင်းမြစ်များ

Nehemi 4:13

Ma m’ula dəwje gə́ boo ləm, gə njéko̰ɓeeje ləma, gə ges koso-dəwje gə́ nai ləm tɔ m’pana: Kula to yaa̰, to rəg-rəg ndá jeḛ n’sanéje-na̰ dɔ ndògo-bɔrɔ’g lé j’aarje əw-əw gə mar síje.

Pakɔsje 37:21

Njemeeyèr lé tona dee né ndá Tel ar dee gogo el, Nɛ njemeemaji lé ar né gə́ kar pə-pə.

Gosota-Kəmkàrje 12:2

Dəw gə́ maji lé Taa kəm Njesigənea̰ rəgm, Nɛ dəw gə́ wɔji-kwɔji ra né gə́ majel mée’g lé Njesigənea̰ ila ta dəa’g ya.

Gosota-Kəmkàrje 17:18

Dəw gə́ kəmkàr na mée tas lé ɓa Un ndia mba kuga ɓaŋg lə maree, Yeḛ ɔs né naŋg mbata lə kuramaree tɔ.

Gosota-Kəmkàrje 18:9

Yeḛ gə́ ra kula ləa gə jiŋgaombadə lé Yeḛ to ŋgoko̰ njetuji né.

Gosota-Kəmkàrje 2:20

I lé a njaa togə́bè rəw-kaw dəwje’d Gə́ njéra némajije ləm, I a ŋgəm kila-rəw-kaw njémeekarabasurje ləm tɔ.

Gosota-Kəmkàrje 24:27

Maji kari gɔl néje ləi gə́ to raga ləm, Ar mee ndɔ ləi to gə́ majee ləm tɔ ɓa Gée gə́ gogo ndá a ra kəi ləi ɓəi.

Lugu 23:50

Dəw kára bèe gə́ ria lə Jisəb to dəw gə́ njemeemaji gə njemeekarabasur, yeḛ to gə́ ɓee lə njégaŋ-rəwtaje lə Jibje lé

Lugu 6:35

Nɛ seḭ lé undaje njéba̰je lə sí dan kəm sí’g ləm, waje sə dee noji ləma, ar deeje wɔr sí né ɓa undaje bala təa el ləm tɔ. Togə́bè ɓa nékiŋgaje lə sí a kal dɔ loo ɓəi ləm, seḭ a toje ŋgan Njekurdɔloo’g ləm tɔ mbata yeḛ ra meemaji gə njéra nédɔkuduje ləm, gə njémeeyèrje ləm tɔ.

Tagə́maji gə́ Ja̰ ndang 6:12

Loo gə́ meḛ dee ndan mba̰ ndá yeḛ ula njékwakiláje pana: Gɔŋ muru gə́ nai lé tɔsje ndo̰-ndo̰ gə mba kar mbida gə́ tḛ́ bèe ya kara oso kɔ el.

Néra Njékaḭkulaje 11:24

Mbata Barnabas lé to majikoji ləm, Ndilmeenda taa mée pəl-pəl ləma, yeḛ to njemeekun gə́ dum dɔ loo ləm tɔ. Togə́bè ɓa boo-dəwje bula nam ne kaar Mbaidɔmbaije’g lé.

Njé gə́ Rɔmə 12:11

Raje kula lə sí gə rɔ sí bura ɓó raje dab dɔ’g el. Arje ndil sí ɔs pər keneŋ jəgəgə ya. Raje né arje Mbaidɔmbaije.

Njé gə́ Rɔmə 5:7

Dɔmaji-nà dəw a kwəi gə mbata lə maree gə́ njemeekarabasur əsé dəw gə́ maji ɓa maree a kwa dəa jim nja a kwəi yoo ləa ɓəi.

Njé gə́ Epesə 5:15

Bèe ndá undaje kəmkàr dɔ panjaa sí’g, njaaje asəna gə njékəmkàrje ɓó asəna gə mbəje el.

Njé gə́ Pilibə 1:9

Aa ooje, né gə́ ma m’kwɔi Ala loo ra tamaji’g ləm ɓa to nee: Maji kar meenoji lə sí ḭ dɔ maree’g gə́ kédé-kédé gə goo négər ləm, gə goo gosonégər ləm tɔ

Njé gə́ Kolosə 4:5

Njaaje gə kəmkàree no̰ dee’g raga pai-pai, ɔsje rɔ sí ɓad nà kàree a dən.